Nzuá 5:23 - O Mikanda Ikola

²³ mbé oso nʼ a xile Mona, kala kia xila Tata. Uoso ua kambe kuxila o Mona, ni Tata ua mu tumu, ka mu xila.

Nzuá 5:23 ပူးပေါင်းရင်းမြစ်များ

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Izaía 42:8

Eme ngi Jihova, didi diene o dijina diami; o fuma iami ki ngi i bhana muthu uengi, kana, mba o diximanu dia ngi tokala eme ngi di ehela ku iteka ia kusonga.

Izaía 44:6

Jihova, sobha ia Izalaiele, Mukudi ué, Jihova dia Ifuẋi, uambe kiki: eme-muène nga dianga, eme-muène nga sukidila; bhu nga kambe eme ki bhu kala Nzambi.

Izaía 45:15

Kia kidi kiene, eie-muène u Nzambi, ua di sueka, u Nzambi ia Izalaiele, u Kibhamuenhu.

Izaía 45:21

Kundenu-kiu, Zukamenu, tenu kaiula mudienu, mukuahi ua tenene kuivisa kiki tundé mu xiahulu? Nanhi ua ki ambe tundé ku xiahulu? Abha ki eme-muène Jihova? Ki bhuala ue Nzambi iengi, eme-muène ngó; Nzambi u kala ni muanu ua ku kumbidila, u di-bhanga kibhamuenhu, ka moneka, kale eme ngó.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Matesu 10:37

Uoso u zola tatʼâ mba mamʼâ, eme ni ngi mu kale ndenge, ió ka ngi tokala eme. Uoso u zola monʼ ê ua diiala mba ua muhatu, eme ni ngi mu kale ndenge, ka ngi tokala eme.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 12:21

Matumbu a kà dielela mu dijina diê.

Matesu 15:8

Athu iá a ngi xila ni mizumbu iâ; miẋima iâ-phe ia ngi kala kualebha.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Luka 10:16

Bhenhobho Jezú anga u ambela o maxibuluʼê, uixi: Uoso u mʼívua enu, eme a ngʼivu; uoso u mi tènda, eme a ngi tènde; o uoso-phe u ngi tènda eme, ua tènda ió uoso ua ngi tumu.

Nzuá 14:1

Muẋima Ki u mi titile, anga mu tandanganha ni malamba. Dielelenu Nzambi; eme uami ngi dielelienu.

Nzuá 16:14

Muène u ngi jingisa eme, mukonda ua kà katula ko kuami ioso i nga mesena kuzuela, nʼ a mi tudila enu.

Nzuá 17:10

Mukonda ioso o iami ié, ioso o ié, iami. Eme o fuma iami ala ku i muena kua ene.

Loma 1:7

Uila kiki, nga mi sonekena enu oso muala ku Loma, enu a mi zola kuala Nzambi, iú ua mʼ ixana phala kukala mu mundu uê. Ku kale kiadi ku mualʼ oko, ni paze i tunda kua Nzambi Tata ietu, ni Ngana Jezú Kristu.

Loma 15:12

O bhuamukuâ Izaia ue uixi: Hadia kuà keza muthu u tunda ku muiji ua Jese, muene ua kà zangalala mù tumina akua jixi jengi; o matumbu a kà mu dielela jinga muene.

Loma 6:22

Maji o kiki-phe a mi kula ku ituxi, mua biluka mu abhika a Nzambi. Uila kiki, muenhu uenu uoso mua u lumbila kua Muène. Sai ni ibundu ienu ia kuzela moxi, o dizubhilu diê muenhu ki uabhua.

Loma 8:9

Enu-phe ki muala dingi mù laia kala ki ambe o kikexilu kia xitu, maji kala kiandala o Nzumbi ia Nzambi, se ni kidi kiene o Nzumbi ia Nzambi ua tungu moxi dienu. Muthu-phe se ua kambe o Nzumbi ia Kristu, ka mu tokala muène.

I Kolindo 1:3

Ku kale kiadi ku mualʼ oko, ni paze i tunda kua Nzambi, Tata ietu, ni kua Ngana Jezú Kristu.

I Kolindo 10:31

Uila kiki, kixi mu kudia, kixi mu kunua, mba mu kubhanga kima kiosokioso, iene ioso i kale ia kuximanesa Nzambi.

I Kolindo 16:22

Se bhu kala muthu ua kambe o kuzola Ngana, a kale muthu a mu bhubhidila! Malanata—Ngana ietu ʼza kiá!

I Kolindo 6:19

Inga ki mu kʼ ijiia kuma o mukutu uenu tembulu ia Nzumbi Ikôla, uene moxi dienu, mua mu tambula kua Nzambi? Enu-uenu ki mua di vu, (ki mu di tokala dingi enu-uenu).

II Kolindo 1:9

Etu-ene moxi dietu tua tambuile kiá lubhe lua kalunga kala athu a xikamena o ku a jibha. Maji kia tu bhiti kienʼ iki, phala ki tu di fiiale etu-ene, maji tu di fiiale Nzambi, u tena kufukununa o madifundu.

II Kolindo 5:14

Kuma tuezala ni henda ia Kristu ia tu kuatela, mukonda tua kʼijiia kuila muthu umoxi ua fuidile ene oso, mu kiki, atu ene oso a tambula mbandu mu kufua kuê.

II Kolindo 5:19

O hundu ietu ienhiʼii: Kuma Nzambi mua Kristu ua mu luulula o mundu ni muène, iú ua mu bhangesa kuila athu oso a kala makamba mê, sè kukuata-nâ konda ia ikuma iâ. Etu-phe Muène iú ua tu bhana o maka mê ma kuluulula athu nʼa kale makamba mê.

Efezo 6:24

Ku kale kiadi kua ene oso a zola Ngana ietu Jezú Kristu, ni henda ia kambe o mangonha.

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

Jihebeleu 1:6

Kioso Nzambi kia tumikisa ue o Thungunu iê mu ngongo, uixi: O ji-anju joso ja Nzambi ji mu bheze.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

I Nzuá 2:23

Mbata uoso u dituna o Mona, muenhó ua ditunu ue ni Tata. O uoso u xikana o Mona, ni Tata uala-nê.

II Nzuá 1:9

Uoso ua somboloka, ua kambe kuimana mu ulongelu ua Kristu, Nzambi kala-nê. Uoso-phe uemana mu ulongelu ua Kristu, muenʼió uala ni Tata, ni Mona.