Nzuá 5:22 - O Mikanda Ikola

²² Tata ka fundisa muthu; maji ua tula o kufundisa bhu maku ma Mona;

Nzuá 5:22 ပူးပေါင်းရင်းမြစ်များ

Jisálamu 96:13

Bhu pholo ia Jihova, kuma iú iza, iú iza mu fundisa o ngongo; u fundisa o athu mu ngongo ni kuiuka, u tetuluila o mundu ni kidi kiê.

Jisálamu 98:9

Bhu pholo ia Jihova, kuma iú iza, mu fundisa o ngongo; u fundisa mundu ni kidi, u batuila o ifuẋi ni kutetuluka.

Ndongixi 11:9

Eie, munzangala, di kenhe! Sanguluka mu unzangala ué, o muẋima ué u tulumbe mu izuua ia unzangala ué! O njila ja solo o muẋima ué, enda-ju muene, ni jojo ja ku uabhela ku mesu mé; maji ijiia-kiu-phe, kuila mu ima ioso ienhiʼii, muene hinu Nzambi muanda kua kà ku fundisila.

Ndongixi 12:14

Mbata Nzambi hádia o ikalakalu ioso ua kà i bheka bhu kibhuna kia kufundisa, katé ni ioio iòsueke, kixi ia uabha mba ia iibha.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Nzuá 17:2

Mbata o Mona ua mu bhana ungana ua kutumina athu oso, phala oso ua mu bhana-nâ, muène a a bhane o muenhu ki uábhua.

Nzuá 3:35

Tata ua zola o Mona, iu ua tula o ima ioso bhu maku mê.

Nzuá 5:27

Iu ua bhana Mona o kutena kua kufundisa, mukonda muène Monʼ a Muthu.

Nzuá 9:39

Jezú anga u zuela, uixi: Eme ngeza mu ngongʼ umu mù fundisa; phala oso ala ifôfo, ka mono, a mone; o oso a mu mona, a biluke ifôfo.

Jipoxolo 10:42

Muène iú ua tu tendelela kutula o Njimbu Iambote ku mundu, ni kubhana umbangi kuma Muène a mu lekela kuala Nzambi kukala Mufundixi ua athu a muenhu ni madifundu.

Jipoxolo 17:31

Mukonda ua xindi kiá kizuua kia kufundisa mundu uoso mu kidi, kua muthu uê ua mu tungula. Nzambi-iú ua tumu ku kʼ ijidisa kua ene oso mu ku mu fukununa ku ʼalunga.

Loma 2:16

Kiene ue ki kia kà kala mu kizuua kia kà fundisa Nzambi ikutu ioso ia sueka athu, kua Jezú Kristu, kala ki ngambe mu Njimbu Iambote i ngene mù tula.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.

II Timote 4:1

Nga ku tendelela ku mesu ma Nzambi ni ma Kristu Jezú ua kà fundisa athu a muenhu ni madifundu, mu kuiza kué ni mu Utuminu uê, kuila:

I Phetele 4:5

A kà ki bhela konda-phe kua ió uala polondo ia kufundisa athu a muenhu ni madifundu.