Nzuá 5:19 - O Mikanda Ikola

¹⁹ Jezú anga u kuata dingi mù zuela, uixi: Kidi, kidi, ngi mi ambela: Mona ka tena kubhanga kima kʼubheka uê, kala u bhanga ngó ioso ia mona Tata kubhanga. Kuma ioso ima i bhanga Tata, ni Mona u i bhanga kiòmuene.

Nzuá 5:19 ပူးပေါင်းရင်းမြစ်များ

Dimatekenu 1:1

Mu dimatekenu Nzambi ua bhanga diulu ni ixi.

Dimatekenu 1:26

Nzambi anga u zuela, uixi: Tu bhangienu muthu mu kidifuanganu kietu, a bhabhelele ku kijingo kietu, a tumine ku jimbiji jendela mu menha, ni ku jinjila ji bhita bhulu, ni ku ibhaku, ni ixi ioso, ni ku ibamba iendela ku mavu.

Jisálamu 138:3

Kizuua ki nga dikola, eie uetaia kiá; ua ngi bhana dingi huii ku muẋima moxi.

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Jisálamu 50:6

Kiókole ku diulu o kutetuluka kuê; kuma Nzambi muène, muene u kala mufúndixi. (Selah.)

Makatukilu 4:11

Jihova anga u mu ambela, uixi: Nanhi muene ua bhanga o dikanu dia muthu? U bhangesa kuila iú dibubu, iú muxilu, o iú u mona, iú kifofo? Manhi ki eme muene ngi Jihova?

Jisabhu 2:6

Kuma Jihova muene u bhana o unjimu; o mu kanu diê muene mu tunda o kuijiia, muene mu tunda o kilunji.

Izaía 44:24

Jihova dia Mukudi ué, ua ku bhange ki uala mu divumu, uambe kiki: Eme Jihova ngene kubhanga ioso, diulu eme-muène nga di olekele ubheka uami, oxi nga i zale se muthu ku ngi kuatekesa;

Izaía 45:24

A kà ngi zuela kuila: Mua Jihova ngó ubhèkelele uê, muene muala o kuiuka ni kutena; a kèza kua muene; ene oso a kà mu lungulukila, sonhi ja kà a kuata; a-nda kukakuka.

Jelemiia 17:10

Eme ngi Jihova eme ngi solokota o muẋima, eme ngi tungula o ilunji; ngi ki bhangela-phe kumona o futu ia tokala kubhana kala muthu kia fuama ku mauendelu mê, ni kia fuama ku ibundu ia ibhangelu iê.

Matesu 26:39

Anga u sondoloka-bhu kòfele, u fukama, u ta pholo bhoxi, hé u samba, uixi: Tata iami, se ki xikina, dikáu dienhidi dia phaxi iíi, ngi katule-diu. Maji-phe ki ngi sola eme, kana, inda ki u sola eie.

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Nzuá 10:18

Muenhu uami kana muthu u ngi katula-u, eme-muène ngi u bhana mu vondadi iami. Ngi tena ku u bhana, ngi tena ue ku u tambula dingi. Kiene Tata iami kia ngi tumu kubhanga.

Nzuá 12:49

Mbata ki eme nga di zuelela; maji Tata ió ua ngi tumu, muène u ngi tangela kioso ki ngi zuela, ni kioso ki ngi longa.

Nzuá 12:50

Ngejiia kuma kijila kiê muène, ki bhana muenhu ki uábhua. O ima-phe ioso i nga tange eme, nga i tange muene kala kia ngi tumu Tata o kuzuela.

Nzuá 14:10

Eie Filipe, ku xikana kuma eme ngala mua Tata, o Tata uala mo muami? Jezú anga uambela o jixibulu joso, uixi: Maka moso nga-lu mi ambela, ki eme nga di zuelela-u. Tata-phe ua ngi kala moxi, muène ua mu bhanga o ikalakalu iê.

Nzuá 2:19

Jezú ua kumbulula, uixi: Bulenu o Tembulu iíi, eme ngi i tunga dingi mu izuua itatu!

Nzuá 3:3

Jezú ua mu tambuijila, uixi: Kidi, kidi, ngi ku ambela: Muthu se ua kambe ku mu vuala lua mukuá, ka tena kumona mu Mbanza ia Nzambi.

Nzuá 5:21

Mukonda kala Tata kia fukununa afi, hé u a bhana muenhu, kiene ue o Mona u bhana muenhu kua oso a mesena.

Nzuá 6:38

Mbata eme nga tuluka mu diulu, kana mu kubhanga o vondadi iami, maji mu kubhanga vondadi ia ió uoso ua ngi tumu.

Nzuá 8:28

Kienhiki Jezú anga ua ambela, uixi: Ki mua kà zubha kuzangumuna o Monʼa Muthu, kiene ki muà kejiia mba Eme mukua-hi. Muà kejiia ue kuma Eme ki ngi bhange kima kʼ ubheka uami ngó, maji nga zuela kala kia ngi longo Tata.

Nzuá 9:4

Kioso ki kuala hanji muanha, kia ngi bhingi kubhanga o ikalakalu ia ió ua ngi tumu. Mukonda usuku iú uiza, mua bhingi kana muthu utena kukalakala-mu.

Jipoxolo 2:24

Nzambi-phe ua mu fukununa; misusu ia kalunga ua i jituna, mukonda ki i xikina ku mu naminina muène.

Loma 6:4

Kioso kia tu batizalele, a tu fundile-nê kumoxi mu ʼalunga. Kala-phe kia fukunuka Kristu mu ʼalunga mu kutena kua fuma ia Tata, etu uetu tuende kiá uendelu ua muenhu uobhe.

Loma 8:11

Maji se o Nzumbi ia Nzambi ua fukunuine Jezú mu ʼalunga, ua tungu moxi dienu, uoso ua fukunuine Kristu Jezú mu ʼalunga hadia ua kà phaphumuna ue o mikutu ienu ia kumbama, mukonda dia Nzumbi iê ia tungu moxi dienu.

I Kolindo 15:12

Kiki-phe, etu se tua mu kola kuma Kristu ua fukunuka mu ʼalunga, enu amoxi mudienu muala kuila kiebhi kuma ki kuene kufukunuka mu ʼalunga?

II Kolindo 4:14

Kuma etu tua kʼijiia kuila o Nzambi ió uoso ua fukunuine Ngana Jezú, u tu fukununʼetu kumoxi ni Jezú, hé ua kà tu bheka kumoxi ni enu bhu pholo iê.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.

Efezo 2:5

kioso mu nzumbi ki tua kexile tu afi mu ikuma ietu, kiene muène kia tu phaphumuna kumoxi ni Kristu. Ku kiadi kia Nzambi ngó ku mua bhulukila.

Efezo 3:16

eme ngala kubhinga kua Nzambi phala a mi bhane kala kia fuama mu jimbongo ja unéne uê, o kukala ni nguzu dingi iavulu ia Nzumbi iê ku muthu uenu moxi.

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

Kolose 1:11

O nguzu iê ia fuma i mi suinise katé mua tena o kukolokota mu ima ioso, ni kuxididika.

Kolose 1:16

Mukonda ima ioso Nzambi ua i bhangela mua muène, ni ku diulu, ni mu ngongo, ni iii ia moneka ku mesu, ni ioio ki iene kumoneka ku mesu, kixi o jinguzu joso ja nzumbi, kixi makusuina, kixi maungana, kixi atumini. Ima ioso Nzambi ua i bhangela mua muène, kuma ioso ia mu tokala muène.

I Tesalonika 4:14

Kuma etu tua xikana kuila Jezú ua fuile iú ua fukunuka. Kiene ue kimoxi oso a fuila mu kuxikana Jezú, Nzambi ua kà a bheka dingi kumoxi ni Jezú muene.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.