Nzuá 5:17 - O Mikanda Ikola

¹⁷ Jezú-phe ua a vutuila, uixi: Tata iami ua mu kalakala katé kindala; eme uami ngi kalakala.

Nzuá 5:17 ပူးပေါင်းရင်းမြစ်များ

Jisálamu 65:6

Eie, Ngana, mu nguzu ié, ua bhake o milundu mu ididi, ua di kutu muene ni kutena.

Izaía 40:26

Bhetulenu-phe o mesu menu bhulu, mu talese. Nanhi ua bhanga o ima ioso iii? Ió u tena kubhangesa kuila kifuxi kiê kutunda mu imʼiii hé u kiʼalula; Ió u tena kuixana o jithéthembua joso ku majina mukonda dia unéne ua nguzu iê, kuma-phe o mu kutena ni mu ku suina muene Ngungu-a-Nzumba, kana-bhu kima ki tena ku di nhunga.

Matesu 10:29

Manhi, tudièdie tuiadi, kala ku tu sumbisa mu mulambongo? Ni kamoxi-ku-phe ngó ki ka laúka bhoxi sé Tatʼ enu ku ki andala.

Nzuá 10:36

Eme-phe o Tata muène ua ngi solo iu ua ngi tumikisa mu ngongo. Abha-phe enu mua mu ki zuelela-hi kuila eme nga mu ẋonguena Nzambi kioso ki ngi mi tangela kuila eme ngi Monʼê?

Nzuá 14:10

Eie Filipe, ku xikana kuma eme ngala mua Tata, o Tata uala mo muami? Jezú anga uambela o jixibulu joso, uixi: Maka moso nga-lu mi ambela, ki eme nga di zuelela-u. Tata-phe ua ngi kala moxi, muène ua mu bhanga o ikalakalu iê.

Nzuá 5:16

Mukonda dia kiki, Jijudé ji kala mù zukutisa Jezú, kuma ua bhange ima iíi mu kizuua kia Sábhalu.

Nzuá 5:18

Mukonda dia kiki, Jijudé ji kala ku mu sota dingi ni nguzu ioso phala ku mu jibha; ki mukonda ngó dia kutondala o Sábhalu, maji mukonda ue dia kuixana Nzambi Tata iê, kifua ua di sokesa ni Nzambi.

Nzuá 9:4

Kioso ki kuala hanji muanha, kia ngi bhingi kubhanga o ikalakalu ia ió ua ngi tumu. Mukonda usuku iú uiza, mua bhingi kana muthu utena kukalakala-mu.

Jipoxolo 14:17

Maji mu thembu joso Nzambi ka kambele-phe ku dʼ idikiza kioso Muène kiene, mu mbote iê iene mu kubhanga. Kuma Muène mukua kubhindumuna, ua bhana jinga mvula ku diulu, ni idima kuvula bhu thembu ja tokala, phala mu kale ni kúdia, o muẋima uenu uizale ni kusanguluka.

Jipoxolo 17:28

Mukonda mua muène ngó mu tu muena o kulâia ni kuzamba, ni kukala. Amoxi-mu ku jingimbidi jenu a ki te ku mukumbi, exi: Etu-ene tuala ue tu anʼ ê.

I Kolindo 12:6

O unjimu ua maufunu ua di tungula mu idifanganu, maji-phe Nzambi imoxi u bhana unjimu moxi dia ene oso, phala muthu ni muthu nʼ a bhange o kikalakalu kiê.

Kolose 1:16

Mukonda ima ioso Nzambi ua i bhangela mua muène, ni ku diulu, ni mu ngongo, ni iii ia moneka ku mesu, ni ioio ki iene kumoneka ku mesu, kixi o jinguzu joso ja nzumbi, kixi makusuina, kixi maungana, kixi atumini. Ima ioso Nzambi ua i bhangela mua muène, kuma ioso ia mu tokala muène.

I Tesalonika 2:13

Mukonda dia kiki ue, tuene mù sakidila jinga Nzambi, sé ngó kufula. Kuma o thembu ia mi sange o Maka metu ma Ukunji koko, maka mene ma Nzambi, enu mua evu, mua a tambulula, kana kuma maka a muthu maji kuma ene o Maka ma Nzambi, mu kidi. Mukonda o Nzambi uala ku mi kalakala moxi dienu oso mua xikana.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.