Nzuá 5:16 - O Mikanda Ikola

¹⁶ Mukonda dia kiki, Jijudé ji kala mù zukutisa Jezú, kuma ua bhange ima iíi mu kizuua kia Sábhalu.

Nzuá 5:16 ပူးပေါင်းရင်းမြစ်များ

Matesu 12:13

Anga u ambela o diiala, uixi: Sunununa o lúkuaku lué. Muène anga u lu sunununa, hé lu di sanza kala o lúkuaku luê luamukuâ.

Marku 3:6

Jifalizeu anga a tunda, kithanganʼ okio a mu tela kionge kumoxi ni akua Helode, mbe kumona kioso kia bhanga phala ku mu jibha.

Luka 6:11

Ene-phe ezala ni njinda, anga a kala mu ku di longesa kioso kia bhanga Jezú.

Nzuá 1:19

Iú uene umbangi ua Nzuá, kioso Jijudé ku Jeluzaleme ki ja tumine jinganga ni jilevita ku mu ibhudisa, exi: Eie nanhi?

Nzuá 10:39

Ene anga a sota dingi ku mu kuata, maji muène-phe u a bhita bhu maku, anga u-iê.

Nzuá 15:20

Lembalalenu o maka u nga mi ambela, ngixi: Mubhika ka tundu ngana iê. Se a ngi zukutisa eme, enu uenu a mi zukutisa; se aiuka maka mami, enu a mi aiuka ue o maka menu.

Nzuá 5:10

Jijudé anga jʼambela iú ueluka, exi: Lelu kia Sábhalu. Mu Kitumu kietu, lelu ki kôla kuambata o hama ié.

Nzuá 5:13

Muenhú-phe a mu sake, ka mu ijiia mba mukuahi; mbata Jezú ua jimukina mu kifuxi, kia athu a kexile bhenhobho.

Nzuá 5:15

Muthu iú anga u tunda-bhu, uia kutangela Jijudé kuma Jezú muène ua mu sake.

Nzuá 5:17

Jezú-phe ua a vutuila, uixi: Tata iami ua mu kalakala katé kindala; eme uami ngi kalakala.

Nzuá 5:18

Mukonda dia kiki, Jijudé ji kala ku mu sota dingi ni nguzu ioso phala ku mu jibha; ki mukonda ngó dia kutondala o Sábhalu, maji mukonda ue dia kuixana Nzambi Tata iê, kifua ua di sokesa ni Nzambi.

Nzuá 7:21

Jezú ua a vutuila, uixi: Eme nga bhange ngó kisuma kimoxi, enu mua di uana.

Nzuá 7:25

Amoxi-moxi ku akua Jeluzaleme anga amba exi: Abha ki munhú alu mu sota phala ku mu jibha?