Nzuá 5:14 - O Mikanda Ikola

¹⁴ Mu kithangana kiengi, Jezú u mu sanga mu Tembulu, anga u mu ambela, uixi: Talesa, eie uelukʼó; ku te dingi kituxi, phala o lamba dia beta ki di ku kuate.

Nzuá 5:14 ပူးပေါင်းရင်းမြစ်များ

II Malunda 28:22

O mu kithangana kia mu bhondeleka sobha ia Asidia, muene ue ua beta dingi o ku tondalela Jihova, ni kubhanga kia ibha; kienhiki o kikexilu kia sobha Akaji;

Nehemiia 9:28

Ela-phe, a nhoha-ku, a tonʼâ dingi o kubhanga kiaiibha bhu pholo ié; eie anga u a ehelela dingi bhu maku ma jinguma jâ, nda a a bhikise; ene-phe ki a diela, ni kudikola ko kué, eie u a evua tunde ku diulu, o mukonda dia henda ié, luavulu muene lu ua a kudila.

Jisálamu 118:18

Jihova ua ngi bhe muene kaxtiku kavulu; maji ka ngʼehelela ni ngi fue.

Jisálamu 18:22

Mbata ima ioso ia tendelela, eme nga i bhake muene ku mesu; ijila iê ki ngi i texe kuema, kana.

Jisálamu 27:6

Ki bhangesa mútue uami u bhetuka, jinguma ja ngi bhindamena ngʼa muena ngó bhoxi; anga ngi bhana mu balaka iê jisata ja kusakidila; ngimba mikumbi, ngi sanguluka mu kuximana Ngana.

Jisálamu 9:13

Ngi kuatele henda, Ngana Nzambi; tala, Ngana, kia ngi tatesa ió a ngi zembe; eie kiá ua ngi bhetula, hinu ngeju boloka kuʼalunga.

Izaía 38:20

Jihova ueza ku ngi bhulula; o kienhiki ngi xika jinga kakoxi kami, ni tuende ni ku mu imbila ku izuua ioso ia muenhu uetu, mʼonzo ia Jihova.

Izaía 38:22

Ezekiia ue iu uambele, uixi: Kijimbuete kié kiahi, kuila eme nga-nda kubanda dingi mʼonzo ia Jihova?

Ijila 13:20

O muene kiela sui, se ua sange kuma dia beta kutona, o kikonda kiê-muène kiala ndenge, o kindemba kiala-bhu ue kia zeluluka, nganga a mu jimbule kuamba haxi, ua kasana muene; dibhute dia mu tundila bhu dijiji dia dibhuna.

Ijila 26:27

O ki muila-phe hanji mua ẋinukenunu, o ku ngʼivua nguenu,

Ijila 7:12

Se sata iê ua i bhana mu kusakidila, kifua sata ia kusakidila, kikale u bheka, ni kibhaku kia sata iê ia kusakidila, jimbolo ja kambe felemendu; jólunge ni maji; ni jibolaxa ja kambe felemendu, jóuese ni maji, ni jimbolo jamukuá jólunge ni maji, ja fuba ia uabha kiambote, jalungana muene kiambote.

Matesu 12:45

Bhenhobho uia, u sota dingi sambuadi dia nzumbi, a mu tundu muène mu kuiibha, anga a bokona, a tunga momo. O kikexilu kia sukidila kia muthu ió kia beta dingi o kuiibha, kikexilu kiadianga ndenge! Kienhiki kiene hinu ki bhita ni muiji uenhú.

Marku 2:5

Jezú kia mono o kuxikana kuá, u ambela o haxi ia kila, uixi: Mona, ituxi ié ióloloke.

Nzuá 5:13

Muenhú-phe a mu sake, ka mu ijiia mba mukuahi; mbata Jezú ua jimukina mu kifuxi, kia athu a kexile bhenhobho.

Nzuá 5:5

Anga bhu kala muthu bhenhobho, uhaxi uê ua bhange na-u kiá makuinhi atatu a mivu ni nake.

Nzuá 8:11

Muene, uixi: Kana-ku muthu, Ngana! Kuala Jezú: Eme uami ki ngi ku êlesa. Nda-ié kiá, ku te dingi kituxi.]

I Phetele 4:3

Kuma o thembu ia bhiti-ku ia soko kiá ia kubhanga ioso ia uabhela kubhanga o matumbu, kejiia Nzambi. Mukonda mu thembuʼomo enu uenu mua kexi mu kuenda mu jiphànda, ni mu jihânji ja xitu, ni mu uhôlua, ni mu ufusa, ni mu jifesa ja kukodiua, ni mu isunji iaiibha ia kubheza o iteka.