Nzuá 4:36 - O Mikanda Ikola

³⁶ Uoso u kalakala, mu kubhongolola u tambula futu, hé u i bhakela o muenhu ki uábhua. Phala mu kienhiki, ni mukuni a jimbutu ni mubhongolodi a idima, a sangulukile kumoxi.

Nzuá 4:36 ပူးပေါင်းရင်းမြစ်များ

Jisabhu 11:18

Mukua-phulu kia kalakala, kima kia bhanga ki ki tundu mbote; uoso-phe u kuna jimbutu ja kutetuluka, ua xikamena futu ia kidi.

Jisabhu 11:30

Muthu uambote, ibundu iê i di fuangana ni muxi ua muenhu; uoso u sungila kokuê o mienhu ia athu, muene njimu.

Daniiele 12:3

Oso a dimukine mu kuenda kuâ, a kà lekujuka kala ki benha o muanha ua diulu, oso a longa jinga o mundu ku sota ni kukaiela o kulunga, à kà benha mukuâ ni jithéthembua katé ku hádia ni hádia.

Matesu 19:29

Uoso ue u-xa jinzu, mba jiphange ja mala, mba jiphange ja ahatu, mba tata, mba mama, mba muhatu, mba ana, mba jixi, mu henda ia dijina diami, ioso ia-xi i mu vutukila luhâma, hé ua kà lundula ue ni muenhu ki uàbhua.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

Nzuá 5:24

Kidi, kidi, ngi mi ambela: Uoso uívua dízui diami, nʼ a xikane ió ua ngi tumu, mùene uala ni muenhu ki uàbhua; ka tena dingi kuêla, maji ua tundu kiá ku ʼalunga, iu bokona ku muenhu.

Loma 1:13

Enu phange jami, nga mesena mu kʼ ijiia kuma luavulu kiá nga solele kuia ku mi kunda ku mualʼ oko, maji katé ni kiki sai kia mu ngi fudisa jinga. Kuma nga mesena kuila kikalakalu kiami ki kale ni ibundu mu ʼaxaxe kenu, kala ki nga mono mu ʼaxaxe ka ió ki Jijudé, o akua jixi jamukuâ.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

Loma 6:22

Maji o kiki-phe a mi kula ku ituxi, mua biluka mu abhika a Nzambi. Uila kiki, muenhu uenu uoso mua u lumbila kua Muène. Sai ni ibundu ienu ia kuzela moxi, o dizubhilu diê muenhu ki uabhua.

Loma 6:23

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

I Kolindo 9:17

Kala kiki, o kikalakalu kiki se ngi ki bhanga mu vondadi iami, sai nganhu iê. Maji se ngi ki bhanga, mukonda kiene kia ngi fuama, mbata kikalakalu kia ngi tuika Nzambi.

I Kolindo 9:18

O ki ngalʼ iki-phe, futu iami iahi? Oko iene ia kutanena kuboka o Njimbu Iambote mu ngoho, sé kubhinga kitadi, mba kujijila kiokio kia ngi tokala mu ukota uami ua kubhanga o kikalakalu kia Njimbu Iambote.

I Tesalonika 2:19

Kuma kudielela kuetu kuahi kuene, mba ngalasa ietu iebhi, mba dibete dioso di tu ta bhu pholo ia Ngana jezú, bhuoso hinu bhua kà tukulukila, manhi ki enʼuenu ngó?

I Timote 4:16

Di lange eie-muène, ni ulongelu ué. Kuata muanu mu ima ienhiʼii; kuma mu kubhanga kiki, ua-nda kuila ni eiemuène u bhuluka, ni ene ue a bhuluka oso a kuivua.