Nzuá 4:23 - O Mikanda Ikola

²³ Maji dikumbi dí diza-phe, o diene dia bhixila kiá, dia abhezi a kidi ku bheza Tata mu nzumbi ni mu kidi. Kuma Tata muène uandala abhezi a kala kiki, ni a mu bheze.

Nzuá 4:23 ပူးပေါင်းရင်းမြစ်များ

I Malunda 29:17

Eme nga kʼ ijiia muene kiambote, Nzambi iami, kuma Eie uene mù lola o mixima, o kia ku uabhela o kidi. Eme ue mu kidi kia muẋima uami, nga ku bhana ni vondadi, o ima ioso iíi. O kiki-phe, nga mono ni kusanguluka kuoso kuila o mundu ué ala bhabha, a ku bhana uâ ni vondadi ioso.

Jisálamu 147:11

Ki uabhela Jihova athu a mu kala ni uôma uê, ni athu oso a dielela jihenda jê-muène.

Jisálamu 17:1

Ivua, Ngana, o kidi, u Jihova tatuʼodio. Bhulakana musambu uami, ua ngi tundu ku mizumbu sé ngó makutu.

Jisálamu 32:2

Ua zediua uoso kala dingi ni mulonga kua Ngana, ku muẋima ki ku mu xala makutu.

Jisálamu 51:6

Eie-phe ua bhingi kidi ki kala katé ni ku muẋima; moxi, mua kambe kumoneka ku athu, eie muene mu ua ngi longela o kaiula.

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Mukumbi ua Mikumbi 2:14

Izá, phomba iami, tata, eie ua tunga mu jingenda ku jindanji ni mu ididi ia di sueka ku matadi a di leka, ngidikize pholo ié, bhangesa kuila dízui dié ngi dʼivua, kuma o mbimbi ié ia touala, o pholo ié i bhekela kizola!

Izaía 10:20

Hé kia kà bhita bhu kumbiʼodio kuila, oso a subhuka mu Izalaiele, ni ió oso a bhulaka mu dibhata dia Jakobo, ka kà dielela dingi enhó a a tolola, kana; inda o kudielela kuâ kuà kala ngó mua Jihova, Dilemba dia Izalaiele mu kidi.

Izaía 29:13

Mbata Jihova uambe, uixi: Manhi o mundu iú a ngi zukama, ala ku ngi xila ngó ni dikanu diâ, ni mizumbu iá, maji o muẋima uâ ua di sandula dikanga kokuami, o uoma uâ ua ngi kuatela uala ngó mu ijila ia athu, iejiia mu kilunji.

Izaía 43:21

Povo ienhiʼii nga i solo phala ende ni ku ngi ximana.

Izaía 58:2

Sumbala kiene, maji kizuua ni kizuua ene ku ngi sota, kia a uabhela muene kudilonga mauendelu mami, edi kala povo iambote, ia di tumu ni Nzambi iâ; ala ku ngʼibhula kioso kienda o jiphangu ja ulungilu, a uabhela kuzuama kua Nzambi.

Jelemiia 3:10

Hanji-phe, o phèke-phèke ia phangiʼé na Juda, o muʼaxaxi ka ima ioso iii, ngué kuvutuka kokuami ni muẋima ua kidi, maji ua vutuka ngó makutu, Jihova ua ki tange.

Jelemiia 4:2

O ki u loka kuila: Ni Jihova muenhú! Jihova a kole muenhu! mu kidi, ni mu mabatuilu ni mu kuiuka; ni akua jixi jengi-phe a-nda ku di bhanduluila mua muene, mua muene muanda ku di thathela.

Izekiiele 22:30

Eme nga sota muthu mu kaxi kâ u tena o kuxita o kimbaka nʼa kale bhu kaxi kami ni dizungu dia budika ku kimbaka mu ixi iii, phala eme ki ngi i jikinise; maji nga mu lémbua.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Nzuá 12:23

Bhenhobho jezú ua kumbulula, uixi: Kumbi dia bhixila dia Monʼa Muthu kutambula o ungana.

Nzuá 16:2

Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Nzuá 16:32

Talesenu-phe, kumbi dia bhixila kiá, dia kuila enu oso mu muangana, kala muthu ku mbandu iê, eme hé mu ngi xa ubheka uami. Maji ki ngala-phe ubheka, mukonda Tata uala ni eme.

Nzuá 4:21

Jezú ua mu ambela, uixi: Muhatu ngi xikane. Kumbi dí diza, dia bhingi kuila né ku mulundu kuku, né mu Jeluzaleme, ki muene athu mua bhezela Nzambi.

Nzuá 5:25

Kidi, kidi, ngi mi ambela: Kumbi dí diza, o diene dia bhixila kiá, dia afi kuívua o dízui dia Monʼ a Nzambi. Oso-phe a dʼivua, a phaphumuka hé a laia.

Nzuá 5:28

Mukonda dia kiki, ki mu diuane. Kuma kumbi dí diza, dia oso ala mu jimbila kuívua o dízui diê, ni kutunda-mu.

Loma 1:9

Mbata, o Nzambi ngene ku mu bheza ni muẋima uami uoso, mu kutula o Njimbu Iambote ia tokala Monʼ ê, uala mbangi iami kuila nga zuela kidi. Ngana Nzambi ua kʼijiia kuila izuua ioso ngene ku mi lembalala,

Loma 8:15

Mbata enu ki mu tambula Nzumbi ia ubhika, kuila mu kala dingi ni uôma. Maji mua tambula Nzumbi ia uana i mi bhangesa kukala mu anʼ a Nzambi, o mu nguzu ia tu bhana o Nzumbi, ki tu bhana kudikola kua Nzambi: Abha, Tata!

Loma 8:26

Kiene kimoxi ue, o Nzumbi ia Nzambi uiza ku tu kuatekesa mu kubhuila kuetu. Kuma etu ki tuijiia kusamba kioso kia tokala. Maji o Nzumbi muene u tu diondela kua Nzambi ni kukumba ki ku xikina ku ku lombolola ni izuelu.

Ngalásia 4:6

O mu kuidikiza kuila tuala tu anʼê, Nzambi ua tumikisa Nzumbi ia Monʼ ê mu miẋima ietu, o Nzumbi i tena kudikola: Abha, Tata!

Efezo 6:18

O ima ioso íii mu i bhanga jinga ni kusamba, mu kubhinga Nzambi ku mi kuatekesa. Sambenu jinga ithangana ioso, mu ku mi endesa kuala o Nzumbi ia Nzambi. Kala kiki, Phaphumukenu, ki mu di jimbe. Kana kubhuila. Endenu ni kusambela jinga akua Ngana oso.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Josuué 24:14

Kiki-phe Jihova mu kuatedienu uoma, muende ni ku mu bhikila ni muẋima ua tenena ni kidi. Texenu o mahamba oso a xingidisa jinga o jitata jenu mu sámbua dia ngiji ia Ufalate ni ku Ijitu, nda mu bhikile Jihova.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

I Samuuele 12:24

Kima kimoxi ngó: kolokotenu kukala ni uoma ua Jihova, mu mu bhikile mu kidi ni muẋima uenu uoso; endenu ni kuxinganeka jinga o ima ia makota ia mi bhange muene.