Nzuá 4:21 - O Mikanda Ikola

²¹ Jezú ua mu ambela, uixi: Muhatu ngi xikane. Kumbi dí diza, dia bhingi kuila né ku mulundu kuku, né mu Jeluzaleme, ki muene athu mua bhezela Nzambi.

Nzuá 4:21 ပူးပေါင်းရင်းမြစ်များ

Izaía 66:1

Jihova uambe kiki: O diulu kiandu kiami, oxi kibhuna kia inama iami; enu mu ngi tungila onzo ia kidifua kiahi? Kididi ki kuebhi ki ngi nhohena?

Izekiiele 14:3

Monʼa iala, athu iâ emika o iteka iâ mu miẋima iâ, o kidibhukanu kia kuiibha kuâ a ki tula muene bhu pholo iâ; o ki ngalʼiki mbé nga tokala ku ngʼibhula kuala ene?

Izekiiele 20:3

O Jihova Nzambi uambe kiki: Eʼ monʼa muthu, zuelela adiakime a Izalaiele, u a tangele, kuma: O Jihova Nzambi ua zuela, uixi: Enu mueza ku ngʼibhula eme? Nga di lokela muene, kuma enu ki mua-nda ku ngʼibhula, lémbue.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Matesu 18:20

Mbata bhuoso bhu bhongoloka kiiadi mba kitatu mu dijina diami, eme bhene bhu ngi kala muʼ axaxi-kâ.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Nzuá 14:6

Jezú uixi: Eme ngi njila, ngi kidi, ngi muenhu. Kana muthu u bhixila kua Tata, ua kambe kuijiia ko kuami.

Nzuá 16:2

Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Nzuá 16:32

Talesenu-phe, kumbi dia bhixila kiá, dia kuila enu oso mu muangana, kala muthu ku mbandu iê, eme hé mu ngi xa ubheka uami. Maji ki ngala-phe ubheka, mukonda Tata uala ni eme.

Nzuá 4:23

Maji dikumbi dí diza-phe, o diene dia bhixila kiá, dia abhezi a kidi ku bheza Tata mu nzumbi ni mu kidi. Kuma Tata muène uandala abhezi a kala kiki, ni a mu bheze.

Nzuá 5:25

Kidi, kidi, ngi mi ambela: Kumbi dí diza, o diene dia bhixila kiá, dia afi kuívua o dízui dia Monʼ a Nzambi. Oso-phe a dʼivua, a phaphumuka hé a laia.

Nzuá 5:28

Mukonda dia kiki, ki mu diuane. Kuma kumbi dí diza, dia oso ala mu jimbila kuívua o dízui diê, ni kutunda-mu.

Jipoxolo 6:14

Kuma etu tua mu ivu kuzuela kuma Jezú dia Nazalé uandu bhuisa kididʼ iki, hé u lungulula ifua ioso ia tu lekelela Mozé.

Efezo 2:18

Kuma ni Jijudé, ni iá ki Jijudé tua tambula kua Kristu o disesa dia kubhiẋila etu ene oso ni Nzumbi imoxi bhu pholo ia Tata.

Efezo 3:14

Mukonda dia kiki, nga fukama jiphuna bhu pholo ia Tata ia Ngana ietu Jezú Kristu,

I Timote 2:8

Uila kiki, nga mesena kuila athu oso a di bhakula kua Ngana Nzambi, a sambe jinge ku ididi ioso, o mu kusamba a tena kuleka o maku mazele sè kizembu sè jimvunda.

I Phetele 1:17

Se muedi mu hingila Nzambi, kuma Tata, mukua kufundisa oso sé ngó kathômbo ka athu, kala muthu kia tokala mu ikalakalu iê, thembu ioso i muala kunu mu inhunginu, mu enda ni uôma uê.

Dijingunuinu 21:22

O mu mbanza muene-phe ki nga mono-mo Tembulu, kuma o Ngana Nzambi, Kutènde, ni Kambudi, ene o Tembulu iê.