Nzuá 4:15 - O Mikanda Ikola

¹⁵ Eme muhatu: Ngana, ngi bhaneku ku menha menhʼama! Phala dinhota ki di ngi kuate dingi, mbé ki ngize jinge bhabha mu kuteka menha.

Nzuá 4:15 ပူးပေါင်းရင်းမြစ်များ

Jisálamu 4:6

Sai athu avulu ala kuila: Tu sanga kuebhi o kibhuku? Jihova phe tu bhetukile ngó o pholo ié, kubenha kué ku tu tule.

Nzuá 4:16

Kuala Jezú: Ndé, ua kʼexane munumiʼê, uize-nê bhabha.

Nzuá 6:26

Jezú ua a vutuila, uixi: Kidi, kidi, ngi mi ambela: Enu ki mua ngi sotoʼ iki, ki mu ngi sotela mukonda dia kumona idiuanu, maji mukonda dia kúdia jimbolo ni kuikuta.

Nzuá 6:34

Ene a mu ambela, exi: Ngana tu bhane jinge o mbolo ienhíʼii.

Nzuá 6:35

Jezú ua ambela, uixi: Eme ngi mbolo ia muenhu. Uoso uiza ko-kuami, kà kala dingi ni nzala, o uoso u ngi xikana eme, kà kala dingi ni dinhota.

Loma 6:23

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

Loma 8:5

Kuma oso a tokala ku xitu, a suua imbamba ia xitu, mukonda o ilunji iâ a mu i tumina ku kikexilu kieneʼ okio. Maji oso-phe a tokala ku Nzumbi, a suua imbamba ia Nzumbi, kuma o ilunji iâ a mu i tumina kuala o Nzumbi ia Nzambi.

I Kolindo 2:14

Kuma o muthu kia kala ngó mukutu ua xitu, ua kambe o Nzumbi ia Nzambi, ka tena kutambulula ima ia Nzumbi ia Nzambi, u tokoka ku i tongolola. Mbata phala muène i mu kala uoua, ka tena ku ijiia, mukonda ima i bhinga a i tongolola mu nzumbi.

Tiiaku 4:3

O kioso ki mu bhinga mu kamba kutambula, mukonda mua bhingi kiaiibha. Kuma enu mu bhinga ima, phala mu i bhuise ngó mu jihânji jenu.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.