Nzuá 3:6 - O Mikanda Ikola

⁶ Muthu a mu vuala mu xitu, ku jitata mu xitu; maji o mu nzumbi-phe kikale a mu vuala kua Nzumbi ia Nzambi.

Nzuá 3:6 ပူးပေါင်းရင်းမြစ်များ

Dimatekenu 5:3

Adá u bhanga hama ia muvu ni makuinhi atatu, anga u vuala monʼa diiala mu kidifuanganu kiê-muene, ua bhabhelela ku kijingo kiê, anga u mu luka dijina dia Sethe.

Dimatekenu 6:12

Ngana Nzambi anga u tala ixi, u mona kuma ia sekala; xitu ioso ia sebuluka mu kuenda kuê mu ngongo.

Dimatekenu 6:5

Ngana anga u mona kuma o kubhuma ni kubhukumuka kua muthu kua di vuala mu ngongo, o ilunji ioso ia ku xinganeka kua muxima uê, ia ibha ithangana ioso.

Jobe 14:4

Nanhi u katula kima kia zele, mu dixidilu? Ki bhuala muthu!

Jobe 25:4

Muthu-phe u kala kiebhi ni kuiuka bhu pholo ia Nzambi? Ió a mu vuala ku (monʼa) muhatu, u kala kiebhi ni kuzela?

Jisálamu 51:10

Nzambi iami, ngi kalakale moxi muẋima uengi uazele; ngi bhangulule dingi ni nzumbi ia kuiuka moxi diami.

Nzuá 1:13

Ene a di bhange anʼ a Nzambi, kana mu ku a vuala ku xitu ni ku manhinga, kana ku vondadi ia muthu, kale ngó ku vondadi ia Nzambi.

Nzuá 3:7

Uila kiki ku diuane mukonda nga ku ambela ngixi: Enuʼoso mua bhingi ku mi vuala dingi.

Loma 7:18

Kuma nga kʼ ijiia kuila moxi diami, ngambe mu xitu iami, ki mu tungu kima kia uabha. Mbata né-mbé o kusola kubhanga o ima iambote eme na-ku, maji kubhanga o ima iauabha nga ku tokoka.

Loma 7:25

Nga sakidila-phe Nzambi, kuma sai-ku kubhanduluka mua Jezú Kristu, Ngana ietu! Ki tualʼ iki-phe ngedi kiki: Ni kilunji kiami, kidi muene, nga mu bhikila o Kitumu kia Nzambi; maji o kikexilu kia xitu iami-phe, kia mu bhikila o kitumu kia ituxi.

Loma 7:5

Kuma ki tua kexile mù laiela mu kikexilu kia xitu, jihanji ja ituxi, mukonda dia Kitumu, ja suinine dingi kiavulu mu idiandu ietu, phala ji kale luvualu lu tu bhekela kalunga.

Loma 8:13

Kuma se mua kaiela xitu, mua kinga kufua. Maji mu nguzu ia Nzumbi, se mua fuisa o imbamba i bhanga o mukutu, mu tambula muenhu.

I Kolindo 6:17

Maji uoso ua di bande ni Ngana-phe, u kalanê nzumbi imoxi.

II Kolindo 5:17

Kienhiki se muthu u kala mua Kristu, muthu uengi ua di bhange. Kuma ima iokulu ia bhiti, talesa, ima ioso ieza ku ubhe.

Ngalásia 5:24

Oso-phe a tokala Kristu Jezú, o xitu a i fuisa kiá ku dikulusu, ni jingânji jê, ni jihanji ja uhabhu.

Efezo 2:3

Ni kidi-phe, etu ene oso muene mu tua nhunganena jinga mu jihanji ja xitu, ni kubhanga o jivondadi ja xitu ni ja muẋima. Mu kieniiki o kikexilu kietu ki kala kia anʼ a njinda, mu kutambula o kaxtiku ka Nzambi, mukuâ ni athu ene oso.

Kolose 2:11

Enu-phe a mi bokuesa mua muène ni ku mi saia, kana mu kusaia kua kubatula kaxitu ku mukutu, kala ki bhanga athu, maji mu kusaia kua muène Kristu, kua ku mi kula ku nguzu ia mukutu iú ua ituxi.

I Nzuá 3:9

Muthu uoso a mu vuala kua Nzambi, u fula kuta ituxi, mukonda o Nzumbi ia Nzambi ia mu tungu moxi iene i kalakala momuʼê. Kienhiki, ka tena-phe kuta ituxi, mukonda o Nzambi muene Tatʼâ.