Ku kiiadʼiki uebhi ua bhange o vondadi ia tatʼâ? Kuala ene: O dikota. Jezú uixi: Ni kidi kiene, ngi mi ambela, kuma akua kutambula lubhaku ni idianzunga ala ku mi tuamenena kubokona mu Utuminu ua Nzambi.
Eme ni kidi, nga mi batizala ni menha mu kudiela; uoso-phe ua ngi kaiela ku dima ua ngi tundu, eme ki nga tokala ngó ku mu ambatela o jihaii jê. Muène ua kà mi batizala ni Nzumbi Ikôla ni túbhia.
Mbata eme ngi mi ambela na-kiu, se kuiuka kuenu ku kamba kutunda o kuiuka kua jimesene ja kulonga o Kitumu ni jifalizeu, muà lémbua kubokona mu Utuminu ua Diulu.
Jezú-phe kia ki mono, kia mu iibhila kiavulu, uixi: Ehelenu o tuana ku ngi bhixila! Kana ku tu kaia, kuma o Utuminu ua Nzambi ua tokala oso a soko ni tuana enhá.
Ni diesu die se di ku bhangesa ku di bhala, lokola-diu! Mukonda ujitu ue kota o kubokona mu Utminu ua Nzambi u mukua diesu dimoxi, kana o kukala ni mesu maiadi, kuia-nâ mu ifernu.
Kuala Nikodemu: Muthu u tena kiebhi ku mu vuala lua mukuá, se ua kuka kiá? Abha u tena kubokona lua kaiadi mu divumu dia manhiʼâ, nʼ a mu vuale lua mukuá?
Kuala Phetele: Dielenu, nda a mi batizale enʼ uenu oso, mu dijina dia Jezú Kristu, phala o ituxi ienu a mi loloke-iu, anga mu tambula kua Tata o ujitu ua Nzumbi Ikôla.
Ngambe-phe kiki, enu jiphange jami, kuma: O kima kiobhange ni xitu ni manhinga ki ki tena kubhingana mu Utuminu ua Nzambi; o kiokio ki-fua, ki ki tena kukala ni muenhu ki uene dingi kufua.
Enu amoxi-mu, kiene ki mua kexile. Maji a mi sukula ku ituxi, a mi lumbila kua Nzambi, o Muène iú ua mi xikina bhu pholo iê mukonda dia Jezú Kristu, Ngana ietu, ni mukonda dia Nzumbi ia Nzambi.
Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.
O menha enhó-phe ene a di fuangana ni batizu iala ku mi bhulula mu leluʼidi. O batizu ki kima phala kudisukula o dixidilu dia mukutu, maji polomesa i tu bhanga kua Nzambi, i tunda ku kitongoluelu kia zele kiambote. O kubhuluka kuenhuku kuijiia mu kufukunuka kua Jezú Kristu,
Uoso u xikana kuma Jezú muène Kristu ió muthu a mu vuala kua Nzambi. Uoso-phe u zola o tata ua vuala, u zola ue ni mona a mu vuala kuala o tata ienhoio.