Nzuá 3:27 - O Mikanda Ikola

²⁷ Nzuá ua vutula, uixi: Muthu ka tena kutambula kima, se a kambe ku mu bhana-kiu kuala Nzambi ku diulu.

Nzuá 3:27 ပူးပေါင်းရင်းမြစ်များ

Jelemiia 1:5

Kioso ngoho kiluua ngi kʼumba mu vumu dia mamʼenu, eme nga kuʼijiia kiá, kioso ue kiluua ngó u tunda mu vumu nga ku lumbu kiá; nga ku bhana ku akua jixi kukala u musesedi uâ.

Jelemiia 17:16

Maji eme ki nga lenguluka kukala ngi kafunga kuema dié; mba ngó kuila ue nginda kizuua kia hadi, eie-muène ua kʼijiia; kioso kia tundu ku mizumbu iamiʼuku kikié bhu pholo ié.

Amoji 7:15

Maji-phe Jihova ua ngi katula mu kuinga ibhaku, iú ua ngi tangela, uixi: Ndé ua kà zambuile kifuẋi kiami kia Izalaiele mu upolofeta.

Dialuilu 17:5

Hé kia kà kala-phe kuila, o mbangala ia muthu uoso ngi mu sola eme ia-nda kutuluka; mu kubhanga kiki ngi zubha-ku o makulongolola ma ana a Izalaiele a mu ngi longolola na-u eme, mu ku mi longolola enu.

Matesu 21:25

O kubatizala kua Nzuá ungana uê ua tundile kuebhi? Ku diulu kua Nzambi, inga ku athu? Ngi vutuidienu! Ene a xinganeka moxi diâ, exi: O ki tuila, tuexi: Ku diulu, kua Nzambi, muène uanda kuila: Enu-phe Nzuá mua kambelahi ku mu xikana?

Matesu 25:15

Iú anga u mu bhana talendu jitanu ja kitadi; o iú jiiadi, o iú imoxi; kala muthu kioso kia soko na-kiu; anga u katuka njila iê.

Marku 13:34

Kia kela mukua ni muthu uaii mu uenji, kʼoxi iengi, u xa dibhata die, u lekela akua mbele, he u a uanena kala muthu ni kikalakalu kiê, o mukua muelu he u mu tuma o kulangidila.

Nzuá 10:41

Athu avulu anga a mu sanga koko, hé a kala mu kuila, exi Nzuá ka bhangele kidiuanu, maji ioso-phe ia tangele kua Jezú, ia kidi.

Nzuá 6:65

Uixi: Kiene ki nga mi ambelela-kiu, ngixi: Kana muthu u tena kuiza ko kuami, se a kamba ku mu bheka kuala Tata.

Loma 1:5

O kua Muène kuene Nzambi kua ngi bhela o ujitu ua kukala Poxolo mu kikalakalu kia Kristu mbé kutumakesa o kixikanu ku mundu ua akua jixi joso, mukonda dia dijina diê.

Loma 12:6

Kiene ue, tuala ni mauhete, iú uengi, iú uengi, kioso kiá kia tu uanena mu kiadi kia Nzambi. Tu kalakale mu mauhete metu ma tu bhana muène. Hé o uhete uetu ua kutula Njimbu ia Nzambi, kikale tu u sokesa mu muxinda ua kuxikana ku tuala na-ku.

I Kolindo 1:1

Eme Phaulu, a ngʼ ixana kukala Poxolo ia Jezú Kristu mu vondadi ia Nzambi. Nʼeme, ni phange ietu Sosetene,

I Kolindo 12:11

Maji iene ioso iii-phe, o Nzumbi imoxi iene ngó u i kalakala. Muene u uanena o uhete ku athu-athu kioso kia mu kala mu vondadi iê.

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

I Kolindo 3:5

O kiki-phe, Apolo mukua-hi? O Phaulu ue mukua-hi? Etu tuala-phe ngó tu jingunza ja Nzambi; o kokuetu kuene ku mua xikanena Ngana. Kala muthu mudietu-phe ua mu bhanga o kikalakalu kioso kia mu bhana Ngana.

I Kolindo 4:7

Eie nanhi muène ua kubhangesa kuila akuenu oso u a tunda mu unene? Ngana Nzambi ki muène ua kubhana ioso i uala na-iu? Abha-phe, phala-hi eie u di zangeleka, kala o ioso i uala na-iu, Nzambi ki muène ua ku bhanaiu?

Ngalásia 1:1

Eme Phaulu, nga soneka o mukanda iú—ngi Poxolo, maji kana Poxolo ia athu, mba bhua kala muthu ua ngi katula, maji Jezú Kristu, ni Nzambi Tata ua mu fukununa mu ʼalunga.

Efezo 1:1

Eme Phaulu, Poxolo ia Kristu Jezú mu vondadi ia Nzambi. Nga sonekena akua Ngana ala mu mbanza ia Efezo, ni jifiiele mua Kristu Jezú.

I Timote 2:7

Kiene kia bhangesa ku ngi katula eme mu kukala Poxolo, ni kukala mesene ia oso ka tokala mu muiji ua Jijudé. Mbé ku a tudila o njimbu ia kuxikana ni ia kidi. O ki nga mu zuelʼiki-phe ki makutu, nga tange kidi.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.