Nzuá 3:21 - O Mikanda Ikola

²¹ Maji oso-phe a bhanga o kidi, eza ku mukengeji, phala o mukengeji uidikize ima iâ ia bhanga, kuma mu ku i bhanga a tumaka Nzambi.

Nzuá 3:21 ပူးပေါင်းရင်းမြစ်များ

Jisálamu 119:105

Maka mé kandeia ka inama iami, muanga u ngi muikina mu njila.

Jisálamu 119:80

Eme-phe muẋima uami u iukile mu mixinda ia jingonge jé, phala ku pholo ki ku ngʼize kukakuka, sonhi ni ji ngi kuata. Kaf

Izaía 26:12

Jihova, tata! Eie ua kà tu bhana o kutululuka, kuma éʼmuene ua kalakala moxi dietu o ibhangelu ietu ioso.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Hozeia 14:8

Ifalaíme ua kʼèla, uixi: Eme bhu ngalʼabha o iteka nga kuata na-iu kima kiahi? Eme-phe ngi mu suua, o kia zulʼokio ngi ki ivua muene. Mbata eme nga di bhange kala ngi mufuáia ua buingita mu thembu joso, o ibundu ié u i sanga jinga momuami.

Nzuá 1:47

Jezú kia mono Natanaiele ua-la mù kuiza ko-kué, uixi: Talenu! Muthu ió mukua Izalaiele ua kidi, moxi diê kene ni kádia!

Nzuá 3:20

Mbata oso a bhanga kiaiibha, a zemba mukengeji, keza ku mukengeji phala ima iâ ia bhanga ki i tukuluke ni i moneke ku athu.

Nzuá 5:39

Enu muene mu kutanga mu madivulu ma Nzambi, mukonda mua fika kusanga muenhomo o muenhu ki uàbhua. O Madivulu enhó, jene-phe jimbangi jami jala ku ngi tanga eme.

Nzuá 7:17

Se muthu u sola kubhanga vondadi ia Nzambi, ió ua-ndu kuijiia ulongelu u nga mu longa, mba ua tundu kua Nzambi, mba nga zuela ngó ima iami ememuène.

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

Ngalásia 6:8

Uoso u kuuila ima inda o xitu, ku xitu iê uandù bhongolola kalunga. Maji uoso u kunina ku ima iandala o Nzumbi ia Nzambi, ku Nzumbi uandù bhongolola muenhu ki uabhua.

Efezo 5:9

Kuma o kuima kua mukengeji ku di monekena mu kubhongolola nzungule ia jimbote, ni kuiuka, ni kidi.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Filipe 2:13

Kuma Nzambi muène u kalakala moxi dienu, mu ku mi solesa ni ku mi bhangesa kutumaka kioso kia mu kala mu vondadi iê iambote.

Kolose 1:29

O mu kuzubha kibatuʼiki, kiene ki nga kuata mu kuxikana o nguzu ia Nzambi, ua fukukukalakela, nga bângama ni nguzu ia muène Kristu ua mu ngi suinisa moxi.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

I Nzuá 1:6

Kala kiki, se tuambe kuma tuala mu ukamba ni Nzambi, anga tu enda mua vundu, tua tange makutu, ki tuala kubhanga imbamba ia kidi.

III Nzuá 1:11

Kamba diami, mukuetu, kana kufikisa phulu, inda o kufikisa mbote. Uoso u bhanga mbote, muène mukua Nzambi; o uoso u bhanga phulu, ió kala kumona Nzambi.

Dijingunuinu 3:15

Nga ku ijiia o ima i uene kubhanga. Ngejiia kuma eie kua talala, kua tema. Nginda-phe u talala, mba u tema!