Nzuá 3:2 - O Mikanda Ikola

² Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

Nzuá 3:2 ပူးပေါင်းရင်းမြစ်များ

I Jisobha 17:24

Bhenhobho muhatu uambela Elija, uixi: Mu kiki ki ua bhange ngʼejiia kiá kindala kuma eie u muthu ua Nzambi muene, ni kuila ue o kizuelu kia Ngana, mu dikanu dié, kia kidi.

Izaía 51:7

Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.

Jelemiia 38:16

Bheneʼobho, mu kasuekele, Zedekiia ua lokela muene Jelemiia, uixi: Ki kola! Jihova a nangenene, ua tu bhange o muenhu iú, kuila eme ki nga-nda ku ku jibha, kana, mba ngi ku bhakula ue bhu maku ma iá a mu kenga ku ku jibha.

Matesu 22:16

Anga a tumikisa kua muène jixibulu jâ, ni akua Helode, exi: Mesene, etu tuejiia kuma Eie u mukua kidi, u longa njila ia Nzambi sé makutu, sé uôma; ku tena kulenga pholo ia muthu.

Matesu 23:7

A uabhela ue ku a menekena ni ujitu bhu itanda kuala athu, ni ku a ela Mesene.

Matesu 23:8

Enu-phe kana ku mʼila Mesene. Kuma sai Mesene ienu imoxi, enu oso mu jiphange.

Marku 12:14

O kia zubha kutula, exi: Mesene, etu tua kuijiia kuila u mukua kidi, ku lenge muthu uoso-uoso. Mukonda eie ku suu jipholo ja athu, u longa kidi o njila ia Nzambi. O kiki tu tangele hanji: Tua tokala kubhana lubhaku lua Sézalu, inga kana? Tu lu bhana, inga ki tu lu bhana?

Nzuá 1:38

Jezú anga u sakuka, u mona ala ku mu kaiela, anga ua ambela, uixi: Ihi i mua-lu sota? Ene a mu kumbulula, exi: Labi, (Mesene), eie ua tungu kuebhi?

Nzuá 10:38

Maji se iene muene i ngene kubhanga, né kiá ki mu ngi xikana eme, xikanenu kiá ngoho o ikalakalu i ngene mù bhanga, phala mu kʼijiie tunde lelu té ku hádia kuma Tata uene mo-muami, eme ngene mua Tata.

Nzuá 12:37

Sumbala-phe ua bhangele madiuanu mavulu kiki bhu pholo iâ, ene-phe ka mu xikana.

Nzuá 14:10

Eie Filipe, ku xikana kuma eme ngala mua Tata, o Tata uala mo muami? Jezú anga uambela o jixibulu joso, uixi: Maka moso nga-lu mi ambela, ki eme nga di zuelela-u. Tata-phe ua ngi kala moxi, muène ua mu bhanga o ikalakalu iê.

Nzuá 15:24

Eme se nga kambele kubhanga mu ʼaxaxe kâ o ikalakalu iíi, kana muthu luua a i bhanga, keju kala ni kituxi. Maji kala kiki-phe, a i mono, ia a jiji ni ku ngi zemba, ni ku zemba ue Tata iami!

Nzuá 2:11

Jezú ua bhange kidiuanuʼiki, kia dianga, mu Kaná ka Ngalileia. Mu kubhanga kiki, ua tukulula o ungana uê, o jixibulu jê anga ji mu xikana.

Nzuá 20:16

Kuala Jezú: Madiia! Muène ua sakuka, anga u mu vutuila mu Hebeleu, uixi: Laboni (Mu ku jimbulula uedi, Mesene iami.)

Nzuá 3:26

Anga eza kua Nzuá exi: Mesene, muthu ió ua kexile-nê ku sámbua dia Njolodá, eie anga u mu kala mbangi, hanji ua mu lembalala? Talesa, ua-la ku batizala kiá, ene oso ala kuia kua muène!

Nzuá 4:31

Kiosuʼiki-phe, jixibulu jê jala ku mu dionda, exi: Mesene, kúdia kuku, diâ hanji kama koso-koso.

Nzuá 5:36

Maji eme sai hanji umbangi u ngala na-u, ua tundu o umbangi ua ngi bhela Nzuá—o ikalakalu i ngi bhanga. Mbata o ikalakalu ia ngi bhana Tata kubhanga, iene ia beta ku ngi bhela umbangi, mukonda iene ia mu lombolola kuila o Tata muene ua ngi tumikisa.

Nzuá 6:2

Kifuẋi kiònene anga ki mu kaiela, mukonda a mono madiuanu mê mala mu bhanga ku jihaxi.

Nzuá 7:31

Mu kifuẋi-phe sai-mu avulu a mu xikana, exi: Kristu kia-nda kuiza, manhi u kala kota mu kubhanga madiuanu, o iú ndenge?

Nzuá 9:16

Jifalizeu jamukuá, jexi: Muthu ió ua bhange kiki, ka tundu kua Nzambi, mukonda o Sábhalu ka i aiuka. Amukuá, exi: Mukua-ituxi utena kiebhi, kubhanga madiuanu kala iá? Anga a di uanuna mudiâ.

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.

Jipoxolo 2:22

Phetele uixi, dingi: Enu akua Izalaiele, tata, ivenu o makʼ ama: Jezú dia Nazalé muthu a mu jingisa mudienu kuala Nzambi ni ima ia kusuina, ni iphata, ni isumua, ia mu kalakesa Nzambi mu ʼaxaxe kenu, enʼuenu mua ʼijiienunu;

Filipe 1:14

O ku jiphange mua Ngana, avulu muene mukonda dia upelezu uami, abhu dingi o hele mu kubeta kudielela Ngana. Kieniiki, a suina dingi kiengi ni kutanga o Maka ma Nzambi sé uôma.

Afundixi 6:27

Bhenhobho Ngidiione anga u katula kuinhi dia muthu ku akua mbèle iê, u bhanga kioso kia mu ambela Jihova. Maji mukonda-phe dia kukala ni uoma ua ndandu ja tatʼâ, ni mala amukuá a akua bhata diê, ka tena ku ki bhanga mu muânha, maji u ki bhanga-phe mu usuku.