Nzuá 3:15 - O Mikanda Ikola

¹⁵ phala uoso u mu xikana muène, a kale ni muenhu ki uábhua.

Nzuá 3:15 ပူးပေါင်းရင်းမြစ်များ

Izaía 11:10

Kia kà kala-phe kiki, kuila, mu kizuuʼomo akua jixi a kà di ta mu kusota Lundanji lua Jese, a lu te mu ku kala mvela ia ifuẋi; o kididi kia dinhohenu diâ kia kʼèzala fuma ia tenena.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Dialuilu 21:9

Mozé anga u iudika nhoka ia ngôndo, hé u i tudika ku muẋi; anga ki bhita muene; hé muthu a mu numata kuala nhoka, kia tala ku nhoka ia ngôndo, u bhuluka.

Matesu 18:10

Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu. [

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Marku 16:16

Uoso u xikana, anga a mu batizala, u bhuluka; uoso-phe ka xikana, a ka mu elesa.

Luka 19:10

Mukonda Monʼ a Muthu ueza mu kusota ni kubhulula kioso kia jimbidila.

Nzuá 1:12

Maji amoxi-mu a mu tambulula, ia a xikana dijina diê; enhá Nzambi ua a bhana o kutena kua kukala anʼê.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Nzuá 20:31

Maji imʼiíi-phe iòsoneke, phala enu ni mu xikane, kuma Jezú muène Kristu, Monʼ a Nzambi. Mbé o ki mu mu xikana, mu kale ni muenhu ki uábhua.

Nzuá 3:16

Mbata Nzambi ua zola o mundu, katé kia suku mu kubhana Monʼ ê umoxi-èlele, phala uoso u mu xikana muène, káfue, maji a kale ni muenhu ki uábhua.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Nzuá 5:24

Kidi, kidi, ngi mi ambela: Uoso uívua dízui diami, nʼ a xikane ió ua ngi tumu, mùene uala ni muenhu ki uàbhua; ka tena dingi kuêla, maji ua tundu kiá ku ʼalunga, iu bokona ku muenhu.

Nzuá 6:27

Kana kukalakela o kúdia ku bola, kota o kukalakela kúdia ku nanga katé ku muenhu ki uábhua. Monʼ a Muthu u mi bhana na-ku, mukonda Nzambi Tata ua mu te kidimbu kiê.

Nzuá 6:40

Mbata o vondadi ia Tata iami ienhiʼii: Kuila uoso ua tale ku Mona, iú ua mu xikana, a kale ni muenhu ki úabhua; eme-phe ngi mu fukununa mu kizuua kia kà suka-ku.

Nzuá 6:47

Kidi, kidi, ngi mi ambela: Uoso u ngi xikana eme, u kala ni muenhu ki úabhua.

Jipoxolo 13:41

Talesenu, enu muene mu kutobhesa ioso, muanda kukakuka anga mu jikinina! Kuma o kikalakalu ki nga mu bhanga mu izuua ienu kikalakalu enu ki mu ki xikina, né-mbe hanji bhu kala muthu u mi ambela-kiu ue.

Jipoxolo 8:36

O ki aia ni kuenda mu njila, a sanga kididi bhuala menha. Ngolambole, uixi: Talesa, menha iá! Ohi ki fudisa o ku ngi batizala? [

Loma 5:21

Uila kiki, kala kia kexile kutumina o ituxi mu kufuisa, kiene kimoxi ki tumina o kiadi kia Nzambi, ni ki tu bheka ku muenhu, mua Jezú Kristu, Ngana ietu.

I Kolindo 1:18

Kuma o maka ma kufua kua Kristu ku dikulusu, phala athu ala mu ku texika, kiedi kala uoua; maji phala etu-phe tuala mù bhuluka, ene o nguzu ia Nzambi.

II Kolindo 4:3

Mukonda o ki kala Njimbu Iambote i tua mu kola ia futama uandanda, ia futama ngoho phala ió oso ala mù texika.

Ngalásia 2:16

Kiene ue etu ki tua xikanena Kristu Jezú, phala Nzambi a tu ẋikinine mu kuxikanʼ oko ku tua xikana Kristu, kana mu kubhanga imbamba ia Kitumu. Mukonda mu kubhanga o imbamba ia Kitumu ki muene dingi mu lungila muthu kua Nzambi.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Jihebeleu 10:39

Etu-phe ki tu tokala ku akua usudi, a vutuka ku dima, hé a texika. Maji tuala ni kuxikana kua kidi, ku tu bhekela o kubhuluka.

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

I Nzuá 2:25

Kuku kuene o kukana Kristu kua tu kanena etuʼoso, kua ku tu bhana o muenhu ki uàbhua.

I Nzuá 5:1

Uoso u xikana kuma Jezú muène Kristu ió muthu a mu vuala kua Nzambi. Uoso-phe u zola o tata ua vuala, u zola ue ni mona a mu vuala kuala o tata ienhoio.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.