Nzuá 3:11 - O Mikanda Ikola

¹¹ Kidi, kidi, ngi ku ambela: Etu tua-lu zuela i tuejiia, tu jimbula ima i tua mono, maji enu-phe ki mu tambula umbangi uetu.

Nzuá 3:11 ပူးပေါင်းရင်းမြစ်များ

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Izaía 53:1

Nanhi ua xikana o maka metu? Nanhi muene kua mu tukulukila o lukuaku lua Jihova?

Izaía 55:4

Talesa, eme nga mu bhana a kale mbangi ku athuʼoso, a kale kilolo, a kale nguvulu ia mundu.

Izaía 65:2

Kumbi dioso dia kambàmba nga sunununa maku mami ku mundu ua xibhaka, akua kuendela mu njila ia kambe kuiuka, ni kukaiela mabanzelu mâ;

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 23:37

Uaué! Jeluzaleme, Jeluzaleme tata! Ua bhingi jipolofeta u ji jibha, akunji a tuma Nzambi ko-kué, éʼ u a bûba ni matadi! Lukuxi luosʼulu lu ngandalele kubhongolola anʼé kumoxi, kala sanji ki i bhongolola tuana tuê moxi a mabhabha, enu-phe nguenu!

Luka 10:22

Ima ioso a ngi bhana-iu eme kuala Tata iami. Kana muthu-phe uejiia se Mona mukua-hi; ua muijiia ngó muène Tata. Kana muthu ue uejiia se Tata mukuahi; ua muʼijiia ngó muène Mona, ni ió uoso Mona u sola ku mu tukuluila-nê.

Nzuá 1:11

Uejile ku athuʼê a mu tokala, athuʼê-phe ka mu tambulula.

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Nzuá 12:49

Mbata ki eme nga di zuelela; maji Tata ió ua ngi tumu, muène u ngi tangela kioso ki ngi zuela, ni kioso ki ngi longa.

Nzuá 14:24

Uoso ua kambe ku ngi zola, kʼ aiuka maka mami. O maka-phe u muala kuívua, ki mami eme, kana; maji ma Tata ió ua ngi tumu.

Nzuá 3:12

Se ki nga mi ambela ima ia bhoxi, enu ki mu xikana, muandu xikana kiebhi se ngi mi ambela ima ia diulu?

Nzuá 3:13

Kana-ku dingi muthu ua bandele bhulu, kikale ngó ió ua tundu bhulu, muène Monʼ a Muthu, mukua diulu.

Nzuá 3:3

Jezú ua mu tambuijila, uixi: Kidi, kidi, ngi ku ambela: Muthu se ua kambe ku mu vuala lua mukuá, ka tena kumona mu Mbanza ia Nzambi.

Nzuá 3:5

Jezú uixi: Kidi, kidi, ngi ku ambela: Se muthu ua kambe ku mu vuala ku menha ni ku Nzumbi, ka tena kubokona mu Mbanza ia Nzambi.

Nzuá 5:43

Mbata eme ngeza mu dijina dia Tata iami, enu-phe ki mu ngi tambulula. Se muthu uengi uoso-uoso uiza mu dijina diê-muène, muenhó enu muene mu mu tambulula.

Nzuá 7:16

Jezú u a vutuila, uixi: Ima ioso i nga mu longa, ki iami eme; maji ia tundu kua Nzambi ió ua ngi tumu.

Nzuá 8:14

Jezú u a vutuila, uixi: Sumbala nga di bhela umbangi Eme-muène, umbangi uami ua kidi. Kuma eme ngejiia ku nga tundu, ni ku giia, maji enu-phe ni ku nga tundu, ni ku ngiia, ki muejiia-ku.

Nzuá 8:26

Nga tokala ku mi tanga ni ku mi fundisa mu ima iavulu. Maji o ua ngi tumu-phe mukua kidi; o ioso i ngevu kua muène, iene i ngʼ ambela o mundu.

Nzuá 8:38

Eme nga mu zuela ima i nga mono kua Tata iami; maji enu uenu mu bhanga o ima i muevu kua tata ienu.

Jipoxolo 22:18

Anga ngi mona Ngana uala ku ngʼ ambela, uixi: Lenguluka, u katuke mu Jeluzaleme, kuma athu mumu, ko-kuê ka xikina kutambula-ku umbangi uami eme.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,

Dijingunuinu 3:14

O Anjo ia Ngeleja ia Laodiseia, mu sonekene kiki: Eme Amén, mbangi ia fiiele ia kidi, muène o dimatekenu dia imbamba ioso ia bhanga Nzambi, uambe kiki: