Nzuá 21:7 - O Mikanda Ikola

⁷ Xibulu a mu zola kuala Jezú, anga uambela Phetele, uixi: Ió Ngana Jezú! Ximá Phetele kia kʼivu kuila muène Ngana, u zuata kazaku kê, u di kuta, (mukonda ua kexile Uixi) anga u di ta ku menha.

Nzuá 21:7 ပူးပေါင်းရင်းမြစ်များ

Jisálamu 118:23

Kienhiki, Jihova ua ki bhange, ki kia dʼijiia ngó; ku mesu mʼetu-phe kisunji!

Mukumbi ua Mikumbi 8:7

Menha né-mbe a vula, ka tena kujimuna o henda iii, né-mbe jingiji ja menha ji kunguluka, ka tena ku i bobesa. Né-mbe bhu kala muthu u bhana jimbongo jê joso jala na-ju monzo mu henda iii, nga fika, u lémbua muene toko-toko!

Marku 11:3

He bhu kala muthu u mʼila kuila: Mua-lu bhanga-hi? Mua kela: Ngana ua i bhindamena. Muene kindala u i tumikisé.

Luka 12:35

Ngana Jezú anga ua ambela dingi uixi: Di iudikienu, mbé ioso iambe kuiza i mi sange mua di lungu. Bholenu o phonda mu mbunda, uikenu o jikandeia jenu.

Luka 2:11

Mbata lelu, mu sanzala ia Davidi, a mi vualela-mu Kibhamuenhu, muène Kristu, muène Ngana.

Luka 7:47

Uila kiki, nga ku ambela: Muène ua zolo kiavulu, kuma ituxi iê, sumbala iavulu, iòloloke kiá. Maji o uoso-phe a mu loloka kiatolo, u zola ue kiatolo.

Nzuá 13:23

Kuenhoko, ku meza, anga ku kala xibulu imoxi a mu zola kuala Jezú, ua xamenena bhu jihata ja Jezú.

Nzuá 19:26

Jezú kia mono manhʼâ, ni xibulu iê ua mu zola, uemana ue bhu mbandu iê, uambela manhʼâ, uixi: Muhatu, tala monʼé!

Nzuá 20:2

Muène anga u lenga, uia kua Ximá Phetele, ni xibulu iamukuá a mu zola kuala Jezú, ua ambela, uixi: Ngana jezú a mu katula mu mbila, ki tuejiia kuoso kua mu bhake!

Nzuá 20:20

Kia zubha kuzuela kiki, ua edikiza maku-mê, ni mbanji iê. Jixibulu anga a sanguluka, kia mono Ngana.

Nzuá 20:28

Tomé uetaiua, uixi: Ngana iami, Nzambi iami!

Nzuá 21:20

Phetele anga u sakuka, u mona xibulu a mu zola kuala Jezú iu kaiela ue. Muenhú muène ua xamenene bhu jihata ja Jezú mu seialu, anga u mu ibhudisa, uixi: Ngana, muène nanhi uandu ku sumbisa?

Nzuá 21:24

Muenhó muene o xibulu ua bhana umbangi uê ua ima ioso iíi; o ima ioso iu ua i soneka. Etu-phe tuejiia kuma o umbangi uê ua kidi.

Nzuá 21:8

Jixibulu jamukuá-phe, eza mu bote iòfele, ni kusunga o uanda uezala jimbiji, mbata kibumu a ki songoloka ngó háma jiiadi ja kóvado

Jipoxolo 10:36

Enu muejiia kuma muene ua tumikisa maka ku ana a Izalaiele, o Njimbu Iambote ia paze ia kolele Jezú Kristu, muène Ngana ia mundu uoso.

Jipoxolo 2:36

Uila kiki, dibhata dioso dia Izalaiele di tume ku kʼ ijiia mu kidi, kuma Jezú imoxi iíi, mua mu tele ku dikulusu, Nzambi ua mu bhanga muène Ngana, muène Kristu.

I Kolindo 15:47

O Adá ia diangele-ku, a mu bhangele ni mavu ma bhoxi, o Adá ia kaiela-ku ua tundile mu diulu.

II Kolindo 5:14

Kuma tuezala ni henda ia Kristu ia tu kuatela, mukonda tua kʼijiia kuila muthu umoxi ua fuidile ene oso, mu kiki, atu ene oso a tambula mbandu mu kufua kuê.

Tiiaku 2:1

Enu phange jami, mua xikana kua Ngana ietu Jezú Kristu, uene ku Ungana, kana kukala jinga ni katungu kʼathu mukonda dia kusuua o jipholo jâ.