Nzuá 21:12 - O Mikanda Ikola

¹² Jezú anga ua ambela, uixi: Zenu mu diaúle. Kana xibulu-phe ia bhumina ku mu ibhudisa, kuila: Eie nanhi? Mukonda a mu ijiia kuma muène Ngana.

Nzuá 21:12 ပူးပေါင်းရင်းမြစ်များ

Matesu 22:46

Bhenhobho kana muthu ua tena ku mu vutuila dízui dimoxi. Tunde mu kizuua kienhókio ue, kana muthu ua bhumina dingi kufunda-nê phata.

Marku 9:32

Ene-phe, hundu iíi ia a jinganena, o ku mu ibhula-iu ala ni uoma.

Luka 9:45

Ene-phe kizuelu kiókio ka kʼivu, kia a jinganena, a lémbua ku kʼijiia kuma a a suekela-kiu. O ku mu ibhudisa-kiu ala ni uôma.

Nzuá 16:19

Jezú anga u mona kuma ene andala ku mu ibhudisa, uixi: Eme nga zuela, ngixi: Kua kambe ngó kathangana enu ki mua-nda ku ngi mona dingi, maji kathangana keneʼoko ki ka zubha o kubhita, mu ngi mona dingi lua mukuá. Ki ienhiʼíi i muala ku dʼibhula mudienu?

Nzuá 21:11

Ximá Phetele anga u di longa, hé u sunga o uanda ku kanga. Uene uezala jimbiji ja makota, hamʼ a mbiji ni makuinhi a tanu ni jitanu. Sumbala-phe ja vulu kiki, o uanda ki ua tanduka.

Nzuá 21:15

Bhenhobho kia zubha kudiaúla, Jezú uambela Ximá Phetele uixi: Ximá, monʼ a Jona, eie ua tundu iá mu ku ngi zola? Muène uixi: Eue, Ngana! Eie ua kʼijiia, kuma nga ku zola. Kuala Jezú: Disa o tumbudi tuami.

Nzuá 4:27

Kithanganʼokio jixibulu jê ji tula. Anga a diuana ku mu sanga ua-lu zuela ni muhatu. Maji kana muthu-phe uebhula muhatu kuila, eie ua mesena-hi? Mba ene ebhula ngó Jezú, kuila ua-lu zuela-nê maka-hi?

Jipoxolo 10:41

Muène ka mu tukuluila bhu pholo ia mundu uoso, maji bhu pholo ietu ngó tu jimbangi ja sola Nzambi. Etu-ene, tua di-nê, tua nu-nê kumoxi, kia zubha kuvutuka ku ʼalunga.