Nzuá 20:9 - O Mikanda Ikola

⁹ (Mukonda ene o maka mòsoneke mu Mikanda Ikôla ka mʼejidile luua, kuila Jezú ua bhingi u fukunuka mu afi.)

Nzuá 20:9 ပူးပေါင်းရင်းမြစ်များ

Jisálamu 16:10

Kuma eie ku xikina kuehela muenhu uami kuʼalunga; muthu ué ua mu solo kà kala mu sekumuka.

Jisálamu 22:15

Bhu xingu bhua ngi kukuta kala kimènga kia mavu; dimi dia ngi naminina ku jinganzuánzua; ua ngi takuila mu fufutila ia mavu a kalunga.

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Izaía 26:19

O athuʼé, àfua, a kʼèza dingi ku muenhu; o athuʼé àia kalunga-ka-mbala-maminhu, a kà fukunuka. Phaphumukenu, mu tane ni kusanguluka enu muà tunga mu fufutila; Kuma o dimume dié dila kala mume dia isasa ia uisu; ni oxi iene ia kà lukula madifundu ma bhakele.

Hozeia 13:14

Hinu eme ngʼa kula ku uzonda ua mbila, hádia eme ngʼa tambula dingi kua kalunga-a-ngombe. Eie kalunga, o hadi i ua talesa jinga athu iii kuebhi? Eie mbila, o kusengulula kué kuebhi? O kudiela kua-nda kusuama, ki kua kà moneka dingi ku mesuʼami.

Matesu 22:29

Jezú-phe ua a vutuila, uixi: Enu mua tondala, mukonda Madivulu Makôla ki mua mejiia, ni kutena kua Nzambi ki mua kuijiia.

Luka 24:26

Kifua ki kia tokalele muene kuila Kristu nʼa bhite ni jingonjuʼojo, ni a tambule kiua o Ungana uê uoso kua Nzambi?

Luka 9:45

Ene-phe kizuelu kiókio ka kʼivu, kia a jinganena, a lémbua ku kʼijiia kuma a a suekela-kiu. O ku mu ibhudisa-kiu ala ni uôma.

Nzuá 2:22

Kia zubha-phe Muène kufukunuka mu afi, jixibulu jê ja lembalala kuma muène kiki ua ki zuelele; anga a xikana o Mikanda Ikôla, iòsoneke, ni maka ma Jezú.

Jipoxolo 17:3

hé u a jingunuina o Madivulu ma Nzambi ni kuidikisa ni kulombolola kuma kia fuamene Krsitu ku bhita ku jiphaxi ni kufukunuka ku ʼalunga. Uixi-phe: Jezú muenʼ iú nga mi tangela-nê, muène Kristu.

Jipoxolo 2:24

Nzambi-phe ua mu fukununa; misusu ia kalunga ua i jituna, mukonda ki i xikina ku mu naminina muène.

I Kolindo 15:4

Kuma Muène a mu fundile, mu kizuua kia katatu anga u fukunuka kala kia ki soneka mu Mikanda;