Nzuá 20:30 - O Mikanda Ikola

³⁰ Sai dingi madiuanu mavulu ma bhangele Jezú bhu pholo ia jixibulu, ki mòsoneke mu divulu mumu.

Nzuá 20:30 ပူးပေါင်းရင်းမြစ်များ

Nzuá 2:11

Jezú ua bhange kidiuanuʼiki, kia dianga, mu Kaná ka Ngalileia. Mu kubhanga kiki, ua tukulula o ungana uê, o jixibulu jê anga ji mu xikana.

Nzuá 21:25

Sai dingi ima ia mukuá iavulu ia bhangele Jezú. Se kuila ioso a i soneka, mu kimoxi-kimoxi, nga fika mu ngongo ki mu soko madivulu mê meji kusoneka.

Nzuá 6:2

Kifuẋi kiònene anga ki mu kaiela, mukonda a mono madiuanu mê mala mu bhanga ku jihaxi.

Loma 15:4

Kuma ima ioso iósokene mʼ ukulu mu Mikanda Ikôla, a i sonekena phala etu ku di longa, phala mu kinhenge, ni mu kutula o muẋima mu kutanga o Mikanda, tu kale ni kudielela.

I Kolindo 10:11

Ima ioso ienʼ iii ia bhitile ku jitata jetu mʼ ukulu, ni i kale kijimbuete ku akua, maji ima ienʼ iii-phe a i soneka phala ku tu dimuna etu. Mukonda tuala mu kithangana kia kuila o dizubhilu dia jithembu dia zukama kiá.

I Nzuá 5:13

Imʼiii nga mi sonekena-iu, phala mu kʼijiie kuila muala ni muenhu ki uàbhua, enu oso mua xikana mu dijina dia Monʼa Nzambi.