Nzuá 20:16 - O Mikanda Ikola

¹⁶ Kuala Jezú: Madiia! Muène ua sakuka, anga u mu vutuila mu Hebeleu, uixi: Laboni (Mu ku jimbulula uedi, Mesene iami.)

Nzuá 20:16 ပူးပေါင်းရင်းမြစ်များ

Dimatekenu 22:1

Kia zubha kubhita imʼiii, Nzambi u lola Mbalahamu, uixi: Mbalahamu; muene-phe uetaia, uixi: Emʼiú.

Dimatekenu 22:11

Maji o Anjo ia Jihova anga u mu handekela, tunde ku diulu, uixi: Mbalahamu! Muene anga u vutula uixi: Emʼiú.

Dimatekenu 45:12

Ialenu-ze kuma, o mesu enu iá a ngi mona, ni mesu a ndengʼiami Bejamí, kuila o dikanu diami diene diala ku mi ambela o ima ioso iii.

Makatukilu 3:4

Jihova-phe kia mono kuma ua lunguluka mu kutala, Nzambi u mu ixanena mu kaẋi ka kisasa, uixi: Mozé, Mozé. Kuala muene, uixi: Emʼiú, Ngana.

Makatukilu 33:17

Jihova anga u ambela Mozé, uixi: Ngi ki bhanga muene, kima kienhiki ki ua zuela, kuma eie ua sange muene ngalasa ku mesu mami, u muthu nga ku ijiia dijina.

Mukumbi ua Mikumbi 3:4

O ki nga a xi ngó bhuòfele, kazola ka muenhu uami nga mu sange. Nga mu naminina, ki ngi mu ehela dingi, katé ki nga mu bokuesa mʼonzo ia mamʼetu, ndú mu xilu da ió ua ngi vuala.

Mukumbi ua Mikumbi 5:2

Eme ngele ku kilu maji muẋima uami moxi ua tonoʼê. Ngividila dízui dia kazola kami ua mu ṗhuṗha, uixi: Ngi jikuile, ngi jikuile phangʼiami ia muhatu, ngi jikuile kazola kami! Phomba iami! Nzela diami! Mukonda mútue ua ngʼizala ni dimume, jindemba ja ngʼizala ni mabêbe a mbundu ia usuku.

Izaía 43:1

Kiki, kia zuela Jihova ua ku bhanga, eie Jakobo, tata, iu ua ku umbu, eie u Izalaiele, uexi: Ku kale ni uoma, mbata nga ku kula muene; nga ku tumbula muene mu dijina, eie u muthu uami.

Matesu 14:27

Kienhokio-phe Jezú u a zuelesa, uixi: Tululukenu, eme! Ki mu kale ni uôma!

Marku 10:51

Jezú iu ua mu kumbulula, uixi: Ua mesena ngi ku bhanga kiebhi? Kuala o kifofo: Mesene, ngi bhane dingi o kumona.

Luka 10:41

Ngana-phe ua mu vutuila, uixi: Marta, Marta, eie ua lalama, kuma ua tandanganha ni ima iavulu.

Nzuá 1:38

Jezú anga u sakuka, u mona ala ku mu kaiela, anga ua ambela, uixi: Ihi i mua-lu sota? Ene a mu kumbulula, exi: Labi, (Mesene), eie ua tungu kuebhi?

Nzuá 1:49

Natanaiele ua kumbulula, uixi: Mesene, eie u Monʼ a Nzambi! Eie Ngana, u sobha ia Izalaiele.

Nzuá 10:3

Mukua-dibhitu u mu jikuila. O jimbudi jívua o dízui diê. Uixana jimbudi ja mu tokala, ni majina-mâ, hé u ji tundisa ku kanga.

Nzuá 11:28

Marta kia zubha kuzuela kiki, uia hanji, anga u ixanena bhu mbandu Madiia, phangʼiê, uixi: Mesene ueza! Ua kuixana.

Nzuá 13:13

Enu mua mu ngʼ ixana Mesene, mua mu ngʼ ixana Ngana. Kidi-phe ki mua zuela, mukonda eme-muène-muene.

Nzuá 20:28

Tomé uetaiua, uixi: Ngana iami, Nzambi iami!

Nzuá 3:2

Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

Nzuá 5:2

Mu Jeluzaleme-phe, bhu mbandu ia Dibhitu dia Jimbudi, bhuala dizanga, a dʼixana mu dimi dia Hebeleu, exi: Betesda mba Betezata. Dizanga dienhidi a di tungila itelembe itanu ia kubokuena.

Nzuá 6:25

O kia zubha ku mu sanga ku sámbua, a mu ibhula, exi: Mesene, eie kunu ueza-ku kiebhi?

Jipoxolo 10:3

Muene u mona kisuma ku mesu mazele, mu ola ia kàvua ku kizuua, (o ola ia katatu ku kiemba) anju ia Nzambi ia mu tukulukila, uixi: Koloneliu!

Jipoxolo 9:4

Muene ua di bhale bhoxi, anga u ivua dizui dia mu ambela, dixi: Saúlu, Saúlu, eme ualù ngi zukutisila-hi?

I Samuuele 3:10

Jihova anga uiza, u imana, u ixana Samuuele kala kia bhangele kiá lutatu lua dianga, uixi: Samuuele, Samuuele. Samuuele bhenhobho uixi: Zuela, Ngana, mubhikʼé iú uivʼú.

I Samuuele 3:6

Jihova anga u mu ixana luamukuá, uixi: Samuuele. Samuuele anga u balumuka, uia kua Eli, uixi: Emʼiú; kuma eie uaʼngʼixana. Kuala muene: Ki nga ku ixana, monʼami; ka zekié dingi.