Nzuá 20:1 - O Mikanda Ikola

¹ Kizuua kia Lumingu, kizuua kia dianga kia Semana, Madiia dia Manda, uia bhu mbila mu kimene-mene kuila hanji kua vundu, anga u mona ditadi a di katula kiá ku mbila.

Nzuá 20:1 ပူးပေါင်းရင်းမြစ်များ

Matesu 27:56

Mudiâ mu kala ni Madiia dia Manda, ni Madiia mamʼ a Tiiaku ni Zuze, ni mamʼ a anʼ a Zebedeu.

Matesu 27:60

Anga u ki tula mu mbila iê-muène ia ubhe ia jikuile mu ndànji. Anga u kundumuna kiditadi kiònene bhu muelu ua mbila, anga uiê.

Matesu 27:64

Kiki-phe tuma kulanga o mbilʼoio ni muanu uoso, katé kizuua kia katatu; phala ki ki bhite kuila jixibulu jê jiia mu usuku hé ji mu nhana, nʼa kà tangele o mundu, exi: Ua fukunuka ku ʼalunga, o makutu à keza-ku ni a kale kota, a diangele-ku ni a kale ndenge.

Matesu 27:66

Ene anga aia, o mbila a i kolesa ni ditadi, ni ku di jika idimbu, anga a ta-ku masoladi ku kilangidilu.

Matesu 28:1

Kiki kuila kizuua kia sábhalu kia bhiti, kuma ki ku mateka kúkia, mu lumingu, o kizuua kia dianga kia semana, Madiia dia Manda, ni Madiia dia mukuá, eza bhu mbila kutalesa-bhu.

Matesu 28:2

Talesa-phe, oxi ia tungutile kiavulu. Mukonda anju ia Ngana ia tulukile ku diulu, iu ueza, ua kundumuna o ditadi, hé u xikama-ku.

Marku 15:46

Muene anga uiza ni thanga ia dilasola dia linhu ia fina, dia sumbu, o kia mu tulula ku dikulusu u mu aka mu thanga ia linhu, he u mu tula mu mbila ia jikuisile mu ndanji, anga u kundumuisa ditadi dionene, u di xita bhu muelu ua mbila.

Marku 16:9

Kiki Jezú kia zubha o kufukunuka, mu Lumingu, o kizuua kia dianga kia semana, u dianga kutukulukila Madiia dia Manda, ua mu tundisile mu mukutu ue sambuadi dia dimonho.

Nzuá 11:38

Jezú anga u kala mù kumba dingi luamukuá ku muẋima uê, anga uia katé bhu mbila. O mbila iene iala mu dibánda, ia a xiti-ku ditadi.

Nzuá 11:41

Anga a katula-ku o ditadi. Jezú anga u bhetula mesu bhulu, uixi: Tata, nga ku sakidila kuma eie ua ngʼ ivu.

Nzuá 19:25

Bhu mbandu ia dikulusu dia Jezú anga bhu imana mamʼâ, ni phange a mamʼ â, ni Madiia mukaji a Keleiofa, ni Madiia dia Manda.

Nzuá 20:26

Kia bhiti nake dia izuua, jixibulu ji kala luamukuá mʼ onzo, ni Tomé iú momo. Jezú anga uiza, sumbala o mabhitu mòjike kiá, anga uimana bhu ʼaxaxe kâ, uixi: O uembu u kale ni enu!

Jipoxolo 20:7

Mu kizuua kia Sabhalu ku kiemba, anga tu bhongoloka mu kubukula o mbolo kumoxi ni jiphange. Bhenhobho Paulu u a tela maka, anga u sungina ni kuzuela katé mu kaxi ka usuku, mukonda kimene kiê uanda kukatuka.

I Kolindo 16:2

Mu kizuua kia dianga ku semana, kala muthu mudienu a katule kakitadi, a ka lunde kididi, kioso kia soko mu kulenda kuê. Mbe hadia ki ku bhinge dingi kubhanga mukungu hinu ki ngi mi sanga.

Dijingunuinu 1:10

Nga kexile mu Nzumbi kizuua kia Ngana, anga ngʼivua ku dima diami dízui dia suina mukuâ ni koloneta,