Nzuá 2:4 - O Mikanda Ikola

⁴ Jezú ua mu vutuila, uixi: Muhatu, ki ku bhingi eie u ngi longa kioso ki nga fuama o kubhanga. Kumbi diami kiluua di bhixila.

Nzuá 2:4 ပူးပေါင်းရင်းမြစ်များ

II Samuuele 16:10

Sobha-phe, uixi: Eie kia ku kuatela ni kima kiahi, eie u monʼa Zeluia? Muehienu a xinge, kala kia mu ambela Jihova muene kuila: Xinga Davidi. Abha-phe se kiene, nanhi dingi u tena ku mu ila: Phalahi eie uala mu bhanga kiki?

II Samuuele 19:22

Maji Davidi-phe, uixi: Etu tualʼadi ni kima kiahi, enu mu anʼa Zeluia tata! phala kizuua kia lelu mu ngi kale mu akua jimvunda ja ku ngi funhisa? Manhi kizuua kia lelu ki tokala a ki jibha muthu uoso-uoso mua Izalaiele? Eme manhi nga kambe ku kʼijiia kuma kizuua kia lelu nga tambula dingi ungana ua Izalaiele?

I Jisobha 17:18

Bhenhobho muhatu uambela Elija, uixi: Kima kiahi ki nga ku bhange eie u muthu ua Nzambi, tata? Kiene ki uejiia ko kuami, mbé o ku ngʼidikiza kituxi kiami ki nga jimbile, ni ku ngi jibhila monʼami, kuambe?

Ndongixi 3:1

Ima ioso iala ni kithangana kiê kia i xindila Nzambi; iene ioso i bhita kulu dia mundʼuku iala ni thembu iê.

Matesu 15:28

Jezú bhenhobho u mu vutuila, uixi: Muhatu ua kime, o kuxikana kué kua-vulu! Ki di bhange, kioso ki ua mesena. Monʼê anga u iluka, tunde mu kumbi dienhódio.

Matesu 8:29

Talesa-phe, ene a di kola, exi: Eie tua kukala nʼ ihi, u Monʼ a Nzambi? Kífua ueza kunu mu ku tu talesa hadi, o thembu kiluua ngó i bhiẋila?

Luka 2:49

Muène anga u ambela, uixi: Mua kexila-hi mu ku ngi sota? Ki mua kijiia, kuma nga bhingi ngi kala mʼonzo ia Tatʼetu?

Nzuá 12:23

Bhenhobho jezú ua kumbulula, uixi: Kumbi dia bhixila dia Monʼa Muthu kutambula o ungana.

Nzuá 13:1

Kuila kua kambe ngó kizuua kimoxi, kiosuiki o Fesa ia Phasu kiluua i bokona, Jezú kuma uejiia kuila o kumbi diê dia bhixila, dia kutunda mu ngongʼ umu nʼ aie kua Tata, kala kia zola makamba mê mu ngongo, ua a zolo muene katé ku dizubhilu.

Nzuá 2:3

Ki abhu o vinhu-phe, manhiʼa Jezú ua mu ambela, uixi: Ene kala dingi ni vinhu.

Nzuá 20:13

Jene ji mu ibhula, exi: Muhatu, ua-lu didila-hi? Muène uixi: Mukonda o Ngana iami a mu katula-bhu, ki ngʼejiia kuoso kua mu bhake!

Nzuá 20:15

Jezú anga u mu ibhula, uixi: Muhatu ua-lu didilahi? Nanhi ua mu mu sota? Muène kuma ua fika muène mudimi a kadibhia, uixi: Ngana, se eie-muène ua mu katula-bhu, ngi tangele kuoso ku ua mu bhake, eme ni ngi mu ambate, ngiie-nê kididi kiengi.

Nzuá 7:30

Ene anga a sota ku mu kuata, maji kana muthu ua mu te lúkuaku, mukonda kumbi diê kiluua di bhixila.

Nzuá 7:6

Jezú anga ua ambela, uixi: Kumbi diami kiluua di bhixila. Maji o kumbi dienu-phe ki di bhinga dingi ku di kinga. Mukonda enu kumbi dioso-dioso, dienu.

Nzuá 7:8

Bandenu enu ku fesa; Eme kindalʼ iki, ki ngi íi-ku, mukonda kumbi diami kiluua di bhixila.

Nzuá 8:20

Jezú ua tange makʼ ama, kioso kia kala mù longa mu Tembulu, bhua lulama ni bhu kididi kia kofidi. Kana muthu-phe ua mu kuata, mukonda kumbi diê kiluua di bhixila.

II Kolindo 5:16

Uila kiki, ku pholo ku tuia, kana muthu tu mu fika dingi mu imbamba ia xitu. Né-mbe Kristu muène tua mu fika jinga mu xitu, kiki ki kiene dingi ki tu bhanga.

Matendelelu 33:9

Muene o muthu kejiia tatâ mba mamâ; utanga uixi, kiluua ngʼa mona; kejiia jiphange, né mbé utongolola ana; ene-phe o maka mé a ma lundu, o kikutu kié a ki aiuka.