Nzuá 2:25 - O Mikanda Ikola

²⁵ Ka bhingile kuila muthu u tanga mukuâ, mbata muène uejidile kiambote ioso iala kuxinganeka muthu ni muthu.

Nzuá 2:25 ပူးပေါင်းရင်းမြစ်များ

I Jisobha 8:39

eie-phe ivua ku mauluʼoko, ku ua xikama mu kibuta kié, anga u loloka, hé u bhanga kioso kia fuama anga muthu ni muthu u mu bhana kioso kia tokala o jinjila jê joso, oko eie ua ejiia o mixima mukonda eie, eie ngó uejiia o mixima ioso ia anʼathu.

Izaía 11:3

Mu uoma ua Jihova muene mu mu kala kusanguluka kuê; ka xikina kufundisa mulonga kala kia u mono ku mesu mê, ka xikina ue kubazela kima kievu ngó ku mátui mê.

Matesu 9:4

Jezú kuma uejiia mabanzelu mâ, uixi: Phala-hi muala mu xinganeka kiaiibha mu miẋima ienu?

Nzuá 1:42

Anga u mu bheka kua Jezú. Jezú kia mu tale sûi, uixi: Eie Ximá, monʼ a Jona, tunde lelu a-nda ku ku ixana-phe Kefa.

Nzuá 1:47

Jezú kia mono Natanaiele ua-la mù kuiza ko-kué, uixi: Talenu! Muthu ió mukua Izalaiele ua kidi, moxi diê kene ni kádia!

Nzuá 13:11

(Mukonda jezú uejiia uoso ua nda ku mu sumbisa. Kiene kia kiambela, uixi: Ki mua zele enuʼ enu oso, kuma umoxi né.)

Nzuá 6:61

Jezú-phe kia kʼijiia moxi diê sé muthu ku mu tangela, kuma jixibulu ja longolola makʼ ama, ua jʼ ambela, uixi: Kífua enu uenu muandala mu ngi xa, mukonda dia makʼ ama, kuambe?

Nzuá 6:64

Maji o muʼaxaxe kenu-phe, sai-mu ni iá ka xikana. (Mukonda Jezú, ua kʼijiia tunde ku dimatekenu, oso a kambe kuxikana, ua kʼijiia ue uoso ua-nda ku mu sumbisa).

Matendelelu 31:21

Kioso-phe kia-nda ku a tula o nzungule ia mavuua ma hadi ni mbùnda, o mukumbi iú uene ua-nda ku ngi kala mbangi iami, uixi: Mua bele; mukonda ka-nda kutena ku u jimba, ua-nda kuxalela mu kanu dia mbutu iâ; kuma eme ngʼejiia kiambote o ilunji iâ, iala ku di funina kiá lelu, sumbala kiluua ngʼa tula mʼoxi i nga a lokela.