Nzuá 2:22 - O Mikanda Ikola

²² Kia zubha-phe Muène kufukunuka mu afi, jixibulu jê ja lembalala kuma muène kiki ua ki zuelele; anga a xikana o Mikanda Ikôla, iòsoneke, ni maka ma Jezú.

Nzuá 2:22 ပူးပေါင်းရင်းမြစ်များ

Jisálamu 16:10

Kuma eie ku xikina kuehela muenhu uami kuʼalunga; muthu ué ua mu solo kà kala mu sekumuka.

Luka 24:26

Kifua ki kia tokalele muene kuila Kristu nʼa bhite ni jingonjuʼojo, ni a tambule kiua o Ungana uê uoso kua Nzambi?

Luka 24:44

Anga ua ambela, uixi: Ene o makʼ ami u nga mi ambelele ki nga kexile hanji ni enu, kuma ima ioso ia bhingi i bhita, iòsoneke mu Kitumu kia Mozé, ni mu madivulu a Jipolofeta, ni mu Jisalamu, ia ngi tokala eme.

Nzuá 12:16

Mu kithanganʼokio, imʼiíi jixibulu jê ka ʼijidile luua. Maji kia zubha Jezú kutambula ungana uê, mu kufukunuka ku ʼalunga, ene kiene kiua kia lembalala kuma imʼiíi a mu soneka-iu mʼ okulukulu, ene ue iene ima ia mu bhangele.

Nzuá 14:26

Maji o Mukuatekexi ió-phe, muène muène Nzumbi Ikôla, a-ndu mu tumikisa kuala Tata mu dijina diami, muène u mi longa ima ioso, hé u mi lembalesa ima ioso i nga mi ambela.

Nzuá 16:4

Maji eme nga mi ambela-phe imʼiíi phala kʼ iza o kumbi diê, mu ki lembalale kuma eme nga mi ambela-kiu kiá. Ki ngi mi ambelele na-iu tunde ku dimatekenu, mukonda eme nga kexile hanji ni enu.

Nzuá 2:11

Jezú ua bhange kidiuanuʼiki, kia dianga, mu Kaná ka Ngalileia. Mu kubhanga kiki, ua tukulula o ungana uê, o jixibulu jê anga ji mu xikana.

Nzuá 2:17

Jixibulu jê anga ji lembalala kuma a ki soneka mu Mikanda Ikôla, exi: O henda i nga kuatela inzu iê, eie u Nzambi, ioha o muẋima uami kala túbhia.

Nzuá 2:2

Jezú ue a mu ixana ni jixibulu jê, ku fesa ia ukaza.

Jipoxolo 11:16

Anga ngi lembalala maka ma Ngana, kia tangele, uixi: Nzuá ua mi batizala muene ni menha, maji enu-phe hinu a batizala ni Nzumbi Ikôla.

Jipoxolo 13:33

Kiki Nzambi ua ki kumbidila ko-kuetu etu tu anʼ â, mu kufukununa Jezú. Kiene kia ki sonekena mu Salamu ia kaiadi, exi: eie u Monʼ ami, lelu muene nga ku vuala.