Nzuá 2:19 - O Mikanda Ikola

¹⁹ Jezú ua kumbulula, uixi: Bulenu o Tembulu iíi, eme ngi i tunga dingi mu izuua itatu!

Nzuá 2:19 ပူးပေါင်းရင်းမြစ်များ

Matesu 12:40

Mbata mukuâ ni kia kexile Jona makumbi ma tatu ni mausuku ma tatu mu mala a kimbiji, ni Monʼa Muthu ue ua kà bhanga makumbi ma tatu ni mausuku ma tatu koxi a mavu.

Matesu 16:21

Tunde bhu thembu ioio Jezú u kuata kuidikiza jixibulu jê kuma muène u bhinga kuia mu Jeluzaleme, kumona jiphaxi javulu ku adiakimi, ni ku jinganga ja makota ni asoneki, ni ku mu jibha, ni kufunuka mu kizuua kia katatu.

Matesu 27:40

Eieʼó, tata! U bula o Tembulu, anga u i tunga mu izuua itatu! Di bhulule-ze! O ki kala-phe u Monʼa Nzambi, tuluka ku dikulusu!

Matesu 27:63

Ngana, etu tua lembalala kuma mukua makutuʼó, kia kexile hanji ku muenhu, ua tangele, uixi: Izuua itatu ki i bhita, nga kà fukunuka.

Marku 14:58

Etu tua mu ivu kuzuela, uixi: Ngi bula o tembulu iíi, iòtunge ni maku, anga ngi tunga iengi ki iòtunge ni maku.

Marku 15:29

Athu oso ala kubhita bhobho anga a mu nanzesa, ni kuteketesa o mítue, exi: Eiʼó, tata! U bula o tembulu he u i tinga mu izuua itatu!

Marku 8:31

Anga u kuata ku a longa kuma o Monʼa Muthu u bhinga u bhita ku jiphaxi javulu; ni ku mu di tuna kuala adiakime a Jijudé, ni makota ma jinganga ni jimesene jene mu longa o Kitumu kia Nzambi. A-nda ku mu jibha, nʼa fukunuke mu kizuua kia katatu.

Nzuá 11:25

Jezú ua mu ambela, uixi: Eme ngi difukunukinu ni muenhu. Uoso u ngi xikana eme, né uafu, u kala dingi ni muenhu.

Nzuá 5:19

Jezú anga u kuata dingi mù zuela, uixi: Kidi, kidi, ngi mi ambela: Mona ka tena kubhanga kima kʼubheka uê, kala u bhanga ngó ioso ia mona Tata kubhanga. Kuma ioso ima i bhanga Tata, ni Mona u i bhanga kiòmuene.

Jipoxolo 2:24

Nzambi-phe ua mu fukununa; misusu ia kalunga ua i jituna, mukonda ki i xikina ku mu naminina muène.

Jipoxolo 2:32

Jezú muenʼ iú, Nzambi ua mu fukununa, etu oso tu jimbangi jê.

Jipoxolo 3:15

Monʼ a ngana ua bhanga o muenhu mua mu jibhenunu. Maji Nzambi-phe ua mu fukununa ku ʼalunga, o jimbangi jê etʼuene.

Jipoxolo 3:26

Kienʼiki, Nzambi ua solo Mubhikʼê Jezú, iu ua tuama ku mu tumikisa kokuenu, mbé o ku mi zediuisa, phala o muthu ni muthu mudienu, muène a mu ehese o muenhu ua ku ta ituxi.

Jipoxolo 6:14

Kuma etu tua mu ivu kuzuela kuma Jezú dia Nazalé uandu bhuisa kididʼ iki, hé u lungulula ifua ioso ia tu lekelela Mozé.

Loma 4:24

Maji mukonda dietu etu ue, a tu bhanga-kiu konda, se tu kala tu athu a kuxikana Ió uoso ua fukunuine Jezú, Ngana ietu, mu ʼalunga.

Loma 6:4

Kioso kia tu batizalele, a tu fundile-nê kumoxi mu ʼalunga. Kala-phe kia fukunuka Kristu mu ʼalunga mu kutena kua fuma ia Tata, etu uetu tuende kiá uendelu ua muenhu uobhe.

Loma 8:11

Maji se o Nzumbi ia Nzambi ua fukunuine Jezú mu ʼalunga, ua tungu moxi dienu, uoso ua fukunuine Kristu Jezú mu ʼalunga hadia ua kà phaphumuna ue o mikutu ienu ia kumbama, mukonda dia Nzumbi iê ia tungu moxi dienu.

I Kolindo 15:12

Kiki-phe, etu se tua mu kola kuma Kristu ua fukunuka mu ʼalunga, enu amoxi mudienu muala kuila kiebhi kuma ki kuene kufukunuka mu ʼalunga?

Kolose 2:12

Mbata kizuua kia mi batizala, a mi fûndu kumoxi ni Kristu mu batizu. O mu batizu, enu mua fukunuka-nê dingi kumoxi, mu kuxikana o nguzu ia Nzambi, ua fukununa muène Kristu mu madifundu.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.