Nzuá 2:18 - O Mikanda Ikola

¹⁸ Bhenbhobho Jijudé anga ji kuata kuzuela-nê, exi: Eie uidikiza kisuma kiahi, phala ku tu londekesa kuila eie uala ni ungana ua kubhanga imbamba iíi?

Nzuá 2:18 ပူးပေါင်းရင်းမြစ်များ

I Jisobha 13:3

Mu kizuua kienhokio muene anga u bhana kijimbuete, uixi: Kiki kiene o kijimbuete kia kuila Ngana muene ua mu zuela: Talesa kuma kalatódio kaka ka-ndu baza, ka di tandula mu kaẋi, hé o utókua uala-ku, u di muangena bhoxi.

Makatukilu 7:9

Kioso Falaó kia kà zuela ni enu, kia kèla idikiza hanji kidiuanu kienu; bhenhobho ua kʼambela Alá, uixi: Kuata mbangala, u i takuile bhoxi bhu pholo ia Falaó i kituke nhoka.

Matesu 21:23

Kia zubha kubhixila mu Tembulu, jinganga ja makota ni adiakimi ku mundu eza, a mu sanga iu longa, exi: Eie ungana uahi u uala na-u phala kubhanga imbambʼiii? Ungana iú nanhi ua ku bhana-u?

Marku 8:11

Jifalizeu anga eza a kuata-nê jiphata. A bhindamena kuila u idikiza kisuma phala kulondekesa kuila o kutena kue kua tundu muene ku diulu, kua Nzambi.

Luka 11:29

Kia bhongoloka o kifuẋi, Jezú u kuata kuzuela, uixi: Muiji iú ua lelu, ua bhukumuka! A bhinga kisunji mu kijimbuete kia kumona mba mu ima ienhíʼii i ngi bhanga, o Nzambi ue kia mu uabhela. Kijimbuete-phe ka a bhana-kiu, kikala ngó kijimbuete kia polofeta Jona.

Nzuá 1:19

Iú uene umbangi ua Nzuá, kioso Jijudé ku Jeluzaleme ki ja tumine jinganga ni jilevita ku mu ibhudisa, exi: Eie nanhi?

Nzuá 1:25

Anga a mu ibhudisa dingi, exi: Ihi-phe ia ku bhangesa kubatizala, se eie, ki eie u Kristu, ki eie Elija, ki eie u polofetʼoio tuene ku mu kinga?

Nzuá 6:30

Exi: Eie-phe u bhanga kisuma kiahi, phala tu ki mone, ni tu ku xikane? Eie ua-ndu kalakala-hi?

Jipoxolo 4:7

O atumini kia zubha ku bhaka o jipoxolo bhu ʼaxaxe kâ, a ebhula, exi: Enu imʼ iíi, mua i bhange kiebhi? O kubhanga kiki, mua ki bhange ni kutena kuahi, mba mu dijina dia nanhi?

Jipoxolo 5:28

Etu tua mi kidika kiavulu o kulonga mu dijina didi dia muthu iú. Talesa-phe, kioso ki mua bhange! Mu ezalesa Jeluzaleme ioso ni kulonga kuenu, enu mua mesena o kalunga ka muthu iú mu tu tula na-ku ku thandu dietu!