Nzuá 2:11 - O Mikanda Ikola

¹¹ Jezú ua bhange kidiuanuʼiki, kia dianga, mu Kaná ka Ngalileia. Mu kubhanga kiki, ua tukulula o ungana uê, o jixibulu jê anga ji mu xikana.

Nzuá 2:11 ပူးပေါင်းရင်းမြစ်များ

I Jisobha 17:24

Bhenhobho muhatu uambela Elija, uixi: Mu kiki ki ua bhange ngʼejiia kiá kindala kuma eie u muthu ua Nzambi muene, ni kuila ue o kizuelu kia Ngana, mu dikanu dié, kia kidi.

Jisálamu 72:19

A ximane dijina diê dikola, katé ku hádia ni hádia! o mu ngongo ioso mu izale ni kubenha kuê! Amén! ni Amén!

Jisálamu 96:3

Tumbulenu o fuma iê muʼaxaxi ka matumbu, o isuma iê tangenu-iu ku diembu dioso.

Makatukilu 14:31

Izalaiele anga a mona o kidiuanu kia kalakala Jihova mu kubuidisa akua Ijitu; mundu anga a kala ni uoma ua Jihova; anga a xikana Jihova, ni selevende iê Mozé.

Makatukilu 4:9

O kia kèla ijimbuete iiadi iii a i mono, maji nguâ ku ku xikana, mba ku ku ivua dízui, ua kà bulula menha mu honga ia Nilu, ua kà a lunduluila ku mavu a kanga; o menha-phe u ua bulula mu honga, a kà kituka manhinga ku mavu a kanga.

Ndongixi 9:7

Kala kiki-phe, ndé kà die o kúdia kué ni kusanguluka, o vinhu ié nuá-iu muene ni muẋima ua mbote, kuma ikalakalu ié Nzambi ia mu uabhela.

Izaía 40:5

O fuma ia Jihova anga i tukuluka, o xitu ioso kumoxi ia kà ki mona, kuila Dikanu dia Jihova dia ki tange.

Malakiia 2:2

Se mu kamba ku ngʼivua, se mu fula ku ki ta ku miẋima ienu, o kubhana ujitu ku Dijina diami, eme ngi Jihova dia Ilômbo Ieta, nga-nda ku mi tumikisa uíndua, o madibesá menu moso ngi ma bilula kuxixima, xi, ene ue nga te kiá mázui ku mabesá menu moso, mukonda enu ki mua ki te ku miẋima ienu.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Nzuá 1:43

Kúkia ni kimene, Jezú uandala kuia ku Ngalileia. Anga u tuama kusota Felipe, hé u mu ambela, uixi: Ngi kaiele.

Nzuá 1:50

Kuala Jezú: Mukonda nga ku ambela kuma nga ku muene moxi a mufiku, kiene ki ua xikanena? Eie uandu mona ima ia tundu iíi!

Nzuá 10:41

Athu avulu anga a mu sanga koko, hé a kala mu kuila, exi Nzuá ka bhangele kidiuanu, maji ioso-phe ia tangele kua Jezú, ia kidi.

Nzuá 11:15

Kia ngi uabhela eme nga kambele kukala-bhu, mukonda dienu, enu phala mu xikane. O kiki-phe, tuienu-ku, tua kà mu talese.

Nzuá 11:47

Makota ma jinganga ni jifalizeu, anga a bhongolola o Kionge kia Jitata, exi: Tu bhanga kiebhi? Mukonda muthu iú uala mù bhanga madiuanu mavulu.

Nzuá 12:18

Kiene kia bhangesa o kifuẋi kuia mu ku mu kauidila, mukonda a kʼ ivu kuma ua bhange kidiuanuʼ iki kia dikota!

Nzuá 12:37

Sumbala-phe ua bhangele madiuanu mavulu kiki bhu pholo iâ, ene-phe ka mu xikana.

Nzuá 12:41

Imʼiíi Izaia ua i tangele, mukonda ua muene ungana ua Jezú, iu ua mu tumbula.

Nzuá 14:13

Ioso i mu bhinga kua Tata mu dijina diami, eme ngi i bhanga, mbé Tata nʼ a tambule o fuma kua Mona.

Nzuá 16:27

Mbata Tata muène ua mi zola, mukonda enu mua ngi zola eme, enu mua ngi xikana kuma eme nga tundu kua Tata.

Nzuá 16:30

Kiki tua kʼijiia kiá, kuma eie Ngana uejiia ima ioso, ku bhingi muthu u kuibhula. Mukonda dia kiki, tua ku xikana kuma eie ua tundu kua Nzambi.

Nzuá 2:1

Mu kizuua kia katatu, anga ku bhita ukaza mu Kaná, sanzala ia Ngalileia. Manhiʼ a Jezú anga u kalabhu.

Nzuá 2:23

Kienhókio Jezú kioso kia kala mu Jeluzaleme, mu fesa ia Phasu, athu avulu a xikana dijina diê, mu kumona o mediuanu-mê mala kubhanga.

Nzuá 3:2

Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

Nzuá 4:3

Muène ua xi mu Judeia, anga u vutuka dingi ku Ngalileia.

Nzuá 4:46

Anga u bhita dingi mu Kaná ka Ngalileia mua kituile o menha vinhu. Kienhokio mu Kaná anga mu kala kota dia muthu, mukua Kafanau, ua tokala ni muenexi, o monʼ ê uala mu kata.

Nzuá 4:54

Kiki, o kidiuanu kia kaiiadi kiabhuʼ iki, kia bhange Jezú mu Ngalileia, kia zubha kutunda ku Judeia.

Nzuá 5:23

mbé oso nʼ a xile Mona, kala kia xila Tata. Uoso ua kambe kuxila o Mona, ni Tata ua mu tumu, ka mu xila.

Nzuá 6:14

Athu kia zubha kumona o kidiuanu kia bhange Jezú, exi: Kidi kiene! Iú muene polofeta a kexi ku mu kinga mu ngongo!

Nzuá 6:2

Kifuẋi kiònene anga ki mu kaiela, mukonda a mono madiuanu mê mala mu bhanga ku jihaxi.

Nzuá 6:26

Jezú ua a vutuila, uixi: Kidi, kidi, ngi mi ambela: Enu ki mua ngi sotoʼ iki, ki mu ngi sotela mukonda dia kumona idiuanu, maji mukonda dia kúdia jimbolo ni kuikuta.

Nzuá 6:30

Exi: Eie-phe u bhanga kisuma kiahi, phala tu ki mone, ni tu ku xikane? Eie ua-ndu kalakala-hi?

Nzuá 7:31

Mu kifuẋi-phe sai-mu avulu a mu xikana, exi: Kristu kia-nda kuiza, manhi u kala kota mu kubhanga madiuanu, o iú ndenge?

Nzuá 9:16

Jifalizeu jamukuá, jexi: Muthu ió ua bhange kiki, ka tundu kua Nzambi, mukonda o Sábhalu ka i aiuka. Amukuá, exi: Mukua-ituxi utena kiebhi, kubhanga madiuanu kala iá? Anga a di uanuna mudiâ.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Matendelelu 5:24

Muexi-phe: Tua mono kuma Jihova Nzambi ietu ua tu idikiza kijingo kiê, ni ukota uê, dízui diê tua dʼivu muene muʼaxaxe ka milengu; lelu etu tua mono kiua kuma Nzambi uzuelʼê ni muthu, maji muthu hé u kolʼê muene o muenhu.

I Nzuá 5:13

Imʼiii nga mi sonekena-iu, phala mu kʼijiie kuila muala ni muenhu ki uàbhua, enu oso mua xikana mu dijina dia Monʼa Nzambi.