Nzuá 2:10 - O Mikanda Ikola

¹⁰ Athu ene mù kuila, a dianga kuta-ku hanji o vinhu ia uabha, se anu kiá kiambote, kuiza kiua ioio iala ndenge mu kuuabha. Eie-phe ua bhake o vinhu ia mbote katé kindala.

Nzuá 2:10 ပူးပေါင်းရင်းမြစ်များ

Dimatekenu 43:34

Anga u a uanena makânda ku makudia a mu tela muene; dikânda dia Bejamí-phe, dia mu tela, diedi kala dia mala atanu a di bundu kumoxi. Anga a nua, a sanguluka kumoxi ni muene.

Jisálamu 104:15

ni vinhu phala muẋima ua muthu u sanguluke, ni maji phala pholo iê i lelame, ni musa phala a kale ni nguzu mu mukutu.

Mukumbi ua Mikumbi 5:1

Nga bokona kiá mu kadíbhia kami, phangʼiami ia muhatu, bhànga diami! Nga munu uasu uami ua sumuna ni ima iami ia mazumba; nga katula kixila kiami, eme nga ki di ni uiki; o vinhu iami nga i nu ni lete. Dienu, nuenu, enu mu makamba mami! Enu nga mi zola kiavulu, nuenu muene kioso ki mua tena!

Matesu 24:49

Anga u kuata kubeta jiselevende ni akuá, ni kúdia ni kúnua kumoxi ni jihôlua;

Luka 12:45

Mubhika ió-phe, kià kela ku muẋima uê: Ngana iami ua kokoloka mù kuiza, anga u kuata kubeta abhika ni akuâ, a mala ni abhikʼa ahatu, ni kùdia ni kùnua ni kudodiua;

Luka 16:25

Mbalahamu ua mu kumbulula-phe, uixi: Mona, lembalala kuma ku muenhu ué, eie ua tambuile ngó jimbote, mu jimbote. O Lázalu ue ua tambuile o jiphaxi. O kiki-phe muène kunu ua tululuka, kuma ua tambula ima iosuʼiii i ua di muena; eie-phe ua xixima.

Jipoxolo 2:15

Athu iá muala ku a fika kuila a kodiua? Kana! Athu iá ki mu a fike kukodiua, kuma tuala ngó bhu ola ia kàvua ku kumbi dia kimene.

I Kolindo 11:21

Mua mu kuila, kioso ki muia mu kudia, kala muthu u tuamena mukuá mù dia o seialu iê-muene. Kí kia mu bhangesa, o kuila o iá hanji ala ni nzala, o iá a bhixila bhu ditala dia kukodiua.

Efezo 5:18

Kana kukodiua ni vinhu, mukonda i mi bhekela kutexika. Kota mu izale ni Nzumbi ia Nzambi.

I Tesalonika 5:7

Kuma oso aia ku kilu, o kilu kʼijiia mu usuku; oso a kodiua, a kodiuila mu usuku.

Dijingunuinu 17:2

O jisobha mu ngongo ja bhanga jinga-nê undumbu, o athu a tungu mu ngongo ua a kodiuisa jinga ni vinhu ia undumbu uê.

Dijingunuinu 17:6

Anga ngi mona kuila o muhatu muenhú ua kodiua ni manhinga ma akua-Ngana Nzambi, ni manhinga ma ió a a jibha mukonda a kexile jifiiele jangene ja Jezú. O ki nga zubha ku mu mona, nga diuana kidiuanau kia dikota!