Nzuá 19:6 - O Mikanda Ikola

⁶ Kioso makota ma jinganga ni jipudixa kia mono Jezú, a di kola, exi: Ku dikulusu-nê! Ku dikulusu-nê! Pilatu uixi: Mu tambudienu, enu-enu mu mu te ku dikulusu, mukonda eme ki ngi mu mono ni kituxi.

Nzuá 19:6 ပူးပေါင်းရင်းမြစ်များ

Matesu 26:58

Phetele-phe u mu kaiela dikanga ku dima, katé ku lumbu lua nganga ia dikota, anga u bokona, hé u xikama bhuamoxi ni akua mbèle, phala kutalesa kioso kianda kubhita.

Matesu 27:22

Kuala Pilatu: O Jezú-phe, a mu ixana Kristu, ngi mu bhanga kiebhi? Ene oso exi: A mu phaphele ku dikulusu!

Matesu 27:24

Pilatu-phe kia mono kuma ka lende kima, maji bhuanda kusalumuka mvunda, u tuma kutakana menha, anga u sukula o maku bhu pholo ia mundu, uixi: Ki ki kale kituxi kiami, kia manhinga ma muthu iú uaiuka; enuʼenu sokenu-na-kiu.

Luka 23:4

Pilatu anga uambela o makota ma jinganga, ni kifuẋi kia athu ala-bhu, uixi: Muthu iú ki nga mu mono ni kituxi ki tokala ku mu êlesa.

Nzuá 18:3

Juda-phe ua tambula kiá kibuka kia masoladi ni jipudixa ku makota ma jinganga ni jifalizeu, anga eza bhenhabha ni jikandeia ni jisama ja túbhia ni jixibhata.

Nzuá 18:31

Pilatu, uixi: Mu ambatienu, mua kà mu fundise kioso kia tokala mu Kitumu kienu. Jijudé exi: Ki kôla etu kujibhisa muthu.

Nzuá 18:38

Pilatu, uixi: O kidi ki kala kiebhi? Kia zuela kiki, u tunda dingi ku kanga kua xala o Jijudé, anga ua ambela, uixi: Eme ki ngi mu mono ni kituxi.

Nzuá 19:15

Ene-phe a di kola, exi: Aie-nê; Aie-nê! Aie-nê, ku dikulusu! Pilatu ua ambela, uixi: Sobha ienu, kífua muandala ngi mu ta ku dikulusu? Makota ma jinganga, exi: Etu ki tuala ni sobha iengi! Sobha ietu Sézalu ngó, kuabhu!

Nzuá 19:4

Pilatu anga u tunda dingi, u ambela Jijudé, uixi: Talesenu! Nga-nda ku mi bhekela-nê bhu kanga, ni mu ijiie kuma eme ki ngi mu mono ni kituxi.

Jipoxolo 2:23

muenʼió, mu kuijiia kua Nzambi ni kikutu kiê ki a ta jinga mʼokulu, mua mu bhakuile enʼuenu bhu maku ma iiala iabhumu, mua mu phaphelesa ku dikulusu, mua mu jibha.

Jipoxolo 7:52

Polofeta kuẋi jitata jenu ja kambele ku mu zukutisa? Ene a jibha jinga o akunji a Nzambi, ió oso a tuamene kuidikiza mʼ ukulu kianda kuiza o Muthu Uaiuka. O Muène kiki enu mua mu bhakula, enu mua mu jibha; mu ijibhanganga iê.