Nzuá 19:4 - O Mikanda Ikola

⁴ Pilatu anga u tunda dingi, u ambela Jijudé, uixi: Talesenu! Nga-nda ku mi bhekela-nê bhu kanga, ni mu ijiie kuma eme ki ngi mu mono ni kituxi.

Nzuá 19:4 ပူးပေါင်းရင်းမြစ်များ

Matesu 27:19

Kioso ue kia xikama Pilatu bhu kibhuna kia kufundisila, mukajiʼê u mu tumikisa njimbu, uixi: Muthu ió kala ni kituxi, eie kana ku di ta mu mulonga uê; kuma ku nzoji lelu nga mono phaxi iavulu mukonda diê-muène.

Matesu 27:24

Pilatu-phe kia mono kuma ka lende kima, maji bhuanda kusalumuka mvunda, u tuma kutakana menha, anga u sukula o maku bhu pholo ia mundu, uixi: Ki ki kale kituxi kiami, kia manhinga ma muthu iú uaiuka; enuʼenu sokenu-na-kiu.

Matesu 27:4

Nga te kituxi mu thelekala o manhinga ma muthu uaiuka! Kuala ene-phe: Etu kia tu kuatelahi? Maka mé eie. Eie-muène soka na-kiu!

Matesu 27:54

Bhenhobho kabhitangu ni masoladi iá oso aia-nê mu langidila Jezú, kia mono oxi ia tunguta, ni ima ioso ia bhiti, a kala kiavulu ni uôma, exi: Kia kidi kiene, muenhú monʼa Nzambi!

Luka 23:4

Pilatu anga uambela o makota ma jinganga, ni kifuẋi kia athu ala-bhu, uixi: Muthu iú ki nga mu mono ni kituxi ki tokala ku mu êlesa.

Luka 23:41

Etu mu kidi, o hadi ietu ia tu tokala muene, mukonda a tu bhange kia fuama mu ikuma ietu, muthu iú-phe, ka bha nge kima kiaiibha!

Luka 23:47

Kabhitangu ka kilômbo kia akua Loma, kia mono kioso kia bhiti, ua ximana Nzambi, uixi: Kidi kiene, muenhú ua kexi muthu uaiuka.

Nzuá 18:33

Pilatu anga u bokona dingi mu Dizemba, hé uixana Jezú, u mu ambela, uixi: Eie u sobha ia Jijudé?

Nzuá 18:38

Pilatu, uixi: O kidi ki kala kiebhi? Kia zuela kiki, u tunda dingi ku kanga kua xala o Jijudé, anga ua ambela, uixi: Eme ki ngi mu mono ni kituxi.

Nzuá 19:6

Kioso makota ma jinganga ni jipudixa kia mono Jezú, a di kola, exi: Ku dikulusu-nê! Ku dikulusu-nê! Pilatu uixi: Mu tambudienu, enu-enu mu mu te ku dikulusu, mukonda eme ki ngi mu mono ni kituxi.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

I Phetele 1:19

maji a mi kula mu manhinga ma te kiengi, kifua ma kambudi ki ka moneka kisému, mba dixaka, o manhinga ma Kristu.

I Phetele 2:22

Muène muthu ka tele kituxi, mu kanu diê ki mua monekene makutu.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.

I Nzuá 3:5

Enu-phe mua kʼijiia kuila Kristu ua tukulukile mu kubhuisaku o ituxi ietu, maji o muène ka moneka kituxi.