Nzuá 19:34 - O Mikanda Ikola

³⁴ Disoladi dimoxi-phe u kuata sosa, u kubula na-iu Jezú mu jimbanji. Kithangana kienhókio anga mu tunda manhinga ni menha.

Nzuá 19:34 ပူးပေါင်းရင်းမြစ်များ

Jisálamu 51:7

Ngi bonze ni kisasa kia hisopo, lufuku lu ngi bhue; ngi sukule, ngi zele, kuzela kua neve ndenge.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Zakadiia 13:1

Bhu kumbiʼodio kua kà kala fiẋi ia jikuka phala o dibhata dia Davidi, ni iá a tungu mu Jeluzaleme, phala ku dizelesa ku ituxi ni ufusa.

Matesu 27:62

Mu kimene, kizuua kia kaiela ku Kiiudikilu, kuila kizuua kia Sesa kia bhiti kiá, jinganga ja makota ni jifalizeu a bhongoloka kua Pilatu, exi:

Nzuá 19:33

Maji o ki eza kua Jezú-phe, a sanga uafu kiá, anga kamba ku mu bukula inama iê.

Nzuá 20:20

Kia zubha kuzuela kiki, ua edikiza maku-mê, ni mbanji iê. Jixibulu anga a sanguluka, kia mono Ngana.

Jipoxolo 22:16

Kiki-phe u lalekela-hi dingi? Balumuka, u bhinge Ngana ku ku kuatekesa, ni a ku batizale, o ituxi iê nda a ku loloke-iu.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

I Kolindo 6:11

Enu amoxi-mu, kiene ki mua kexile. Maji a mi sukula ku ituxi, a mi lumbila kua Nzambi, o Muène iú ua mi xikina bhu pholo iê mukonda dia Jezú Kristu, Ngana ietu, ni mukonda dia Nzumbi ia Nzambi.

Efezo 5:26

Muène ua bhange kiki phala kulumbila o Ngeleja iê kua Nzambi, mu ku i sukula ni menha, ni ku i zelesa ni dibônzo dia maka mê.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 9:13

O manhinga ma jihombo ni jingombe, ni uthokua ua vitela ia ngombe, a u sangela ku thandu dia athu a xidi mu kukumbidila o kijila, phala ku a zelesa o mukutu ku kanga.

Jihebeleu 9:22

Mu kidi, kala kia tumu o Kitumu, kifua ima ioso muène ia bhingi ku i bonza ni manhinga. Mukonda sé kulundulula manhinga, ki ku kala muloloko ua ituxi.

I Phetele 3:21

O menha enhó-phe ene a di fuangana ni batizu iala ku mi bhulula mu leluʼidi. O batizu ki kima phala kudisukula o dixidilu dia mukutu, maji polomesa i tu bhanga kua Nzambi, i tunda ku kitongoluelu kia zele kiambote. O kubhuluka kuenhuku kuijiia mu kufukunuka kua Jezú Kristu,

I Nzuá 5:6

Jezú Kristu muenhó uejile ni menha ma batizu iê, ni manhinga ma kúfua kuê. Muène kejile ngó ni menha, maji kiiadi kiâ ni menha ni manhinga. O kienhiki, Nzumbi ua ki kexila umbangi kuma kidi. Mukonda o Nzumbi, iene o kidi.

I Nzuá 5:8

Kitatu ue kia bhana umbangi mu ngongo: Ni Nzumbi, ni menha, ni manhinga; kitatu kiâ a dʼivisa kumoxi.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.