Nzuá 18:4 - O Mikanda Ikola

⁴ Jezú kuma ioso ia-nda kubhita ua ijiia, u tuamenena kuia mu kutakana-nâ, uixi: Mukua-hi muala ku mu sota?

Nzuá 18:4 ပူးပေါင်းရင်းမြစ်များ

I Jisobha 18:10

Ngana Nzambi ié, kuene kuala! Kuma o ngana iami Akabe, ka xile tumbu ni muiji mba ungana, hé u kamba kutuma-ku athu mu ku ku sota eie; anga akuaʼxi, ki ela: Kunu kala-ku, muene u lokesa o miji mba o maungana enhó, se ni kidi muene ka ku mono.

Nehemiia 6:11

Eme-phe, ngixi: Ki bhita kiebhi? Diiala kalʼeme, u lenga? Nanhi muene uala-ku, kala eme, u bokona mu Tembulu nʼa laie? Kana! Momo ki ngi xikina kubokona-mu.

Jisálamu 27:3

Né-mbe kifuxi kia ngi bhake mu kaẋi, muẋima uami ki u kala ni uôma; né kua ngi vubuka ita mu ku ngi lua, hanji, ngi dielela kua muene.

Jisálamu 3:6

Ki ngi kala dingi ni uoma, né jimidi ja athu a ngi balukila ku mbandu ni mbandu.

Jisabhu 28:1

Isuéia a di ta ku lusolo, nè-mbe ua a landemeka ka moneka; maji o athu oso a iuka-phe, a di fikidila kala hoje ia munzangala.

Matesu 16:21

Tunde bhu thembu ioio Jezú u kuata kuidikiza jixibulu jê kuma muène u bhinga kuia mu Jeluzaleme, kumona jiphaxi javulu ku adiakimi, ni ku jinganga ja makota ni asoneki, ni ku mu jibha, ni kufunuka mu kizuua kia katatu.

Matesu 26:2

Enu mua kʼijiia kuila kua kambe ngó izuua iiadi, kuanda kuiza Fesa ia Phasu, o Monʼa Muthu-phe a-nda ku mu thelekala phala ku mu phaphela ku dikulusu.

Matesu 26:21

O kia kala mu kúdia, Jezú, uixi: Kidi kiene ngi mi ambela, mudienu sai-mu muthu ua-nda ku ngi thelekala.

Matesu 26:31

Jezú anga u ambela, uixi: Usuku uenhú, enu oso muanda kulenga hé mu ngi xa, kuma mua-nda kujuuala mukonda diami. Mbata a soneka, mu Mikanda ia Ngana, exi: O mubidi ngi mu jibha, jimbudi ja kilunga ji di muanga.

Luka 24:44

Anga ua ambela, uixi: Ene o makʼ ami u nga mi ambelele ki nga kexile hanji ni enu, kuma ima ioso ia bhingi i bhita, iòsoneke mu Kitumu kia Mozé, ni mu madivulu a Jipolofeta, ni mu Jisalamu, ia ngi tokala eme.

Nzuá 13:1

Kuila kua kambe ngó kizuua kimoxi, kiosuiki o Fesa ia Phasu kiluua i bokona, Jezú kuma uejiia kuila o kumbi diê dia bhixila, dia kutunda mu ngongʼ umu nʼ aie kua Tata, kala kia zola makamba mê mu ngongo, ua a zolo muene katé ku dizubhilu.

Nzuá 13:11

(Mukonda jezú uejiia uoso ua nda ku mu sumbisa. Kiene kia kiambela, uixi: Ki mua zele enuʼ enu oso, kuma umoxi né.)

Nzuá 18:5

Exi; Jezú dia mukuá Nazalé. Jezú uixi: Emeʼú: Juda ue mukua kikutu, uemana-nâ kumoxi.

Nzuá 18:7

Jezú anga ua ebhudisa dingi, uixi: Mukua-hi muala ku mu sota? Exi: Jezú dia mukua Nazalé.

Nzuá 19:28

Kia bhiti kiki, Jezú kuma ua mono ima ioso ia tenena kiá, mu kubhitisa o maka mòsoneke mu Mikanda ia Ngana, uixi: Ngala ni dinhota!

Nzuá 6:64

Maji o muʼaxaxe kenu-phe, sai-mu ni iá ka xikana. (Mukonda Jezú, ua kʼijiia tunde ku dimatekenu, oso a kambe kuxikana, ua kʼijiia ue uoso ua-nda ku mu sumbisa).

Jipoxolo 2:28

Eie ua ngʼ ijidisa jinjila ja muenhu, ua kà ngʼ izalesa ni ngalasa mu kumona pholo ié.

I Phetele 4:1

Ki tualʼiki-phe kuma Kristu mu xitu ua tale hadi, enu uenu kuatenu kilunji kimoxi ni kia muène, mu kutala hadi uila kia i tale muène. Kuma ió uoso ua tale hadi mu xitu, ua zumbuka kiá ku ituxi.