Nzuá 18:20 - O Mikanda Ikola

²⁰ Jezú ua mu vutuila, uixi: Eme nga zuela jinga bhu pholo ia mundu. Nga longa jinga mu malombe ni mu Tembulu, muene ku bhongoloka o Jijudé joso. Ki ngi zuela kima mu kusuama.

Nzuá 18:20 ပူးပေါင်းရင်းမြစ်များ

Jisálamu 22:22

Kienhókio, ngi tumbula-phe o dijina dié ku jiphange jami; ngi ku ximana bhu kionge bhua bhongoloka o mundu.

Jisálamu 40:9

Nga bhana jingolokela ja mabatuilu mé ma kuiuka bhu kionge kia mundu uavulu; ki nga xikina kudixibha, ni kujika dikanu diami, eie-muène, Ngana, u Jihova, ua kʼijiia.

Izaía 45:19

Eme ki nga tela maka mu kasuekele, ki nga zuelela koxi a mavu kua vundu, kana; ki nga tangela mbutu ia Jakobo, ngixi: Ngi sotienunu mu kingoho; eme ngi Jihova ngi tanga o kidi, ngi boka ima iaiuka.

Izaía 48:16

Ngi zukamienu, muivue kiki: Tundé mu dimatekenu ki ngi fueta, kana; maji tundé bhaná bhu kia di-bhangela, eme bhene bhu nga kexe; kindala-phe Muadi Jihova, ua ngi tumikisa o Nzumbi iê.

Matesu 24:26

Uila kiki, kia kuila: Muene iú ku ditutu! kalé, kuie-ku. Iú mu xilu mumu, kà ditune, ku xikine.

Matesu 26:55

Kithanganʼokio Jezú anga u ambela o mundu eza mu ku mu kuta, uixi: Kífua enu mua tundu ni jixibhata ni jimbangala mu ku ngi kuata, kala ngi kifumbe? Nga xikamene izuua ioso mu Tembulu ni kulonga, maji ki mua ngi kuata.

Matesu 26:65

Nganga ia dikota anga u tandujula izuatu iê, uixi: Muène ua ẋonguena Nzambi! Umbangi uahi dingi ngó u tua bhindamena? Talesenu, dixongo diê enuʼenu mua dʼivu bhenhabha!

Matesu 4:23

Jezu anga u nhunga Ngalileia ioso ni kulonga mu malombe mâ, ni kuta Maka ma utuminu ua Nzambi, ni ku saka jihaxi ni inema muʼ axaxi ka mundu.

Matesu 9:35

Jezú anga u nhunga mu jimbonge joso ni mu jisanzala, ni kulonga mu malombe, ni kuta Maka ma Utuminu uê, ni kusaka jihaxi joso ku makukata mâ ni ku mauhaxi mâ moso.

Marku 8:32

Jezú mu kuzuela, o hundu iíi, ua i lombolola muene kiambote. Phetele anga a mu ambata bhu mbandu, he u kuata ku mu bazela.

Luka 21:37

Mu muanha Jezú u kala mù longa mu Tembulu izuua ioso. Maji o mu usuku uia ku kanga, hé u kala ku mulundu a uixana ua Midiva, katé ki kukia.

Luka 4:15

Muène anga u kala mù longa mu malombe mâ, ene oso anga a mu ximana.

Nzuá 18:21

U ngʼ ibhuila-hi eme? Ebhudisa ió a ngʼ ívua jinga, ioso i nga zuela.

Nzuá 6:59

Imʼiíi Jezú ua i tange mu dilombe, kia kala mu kulonga mu Kafanau.

Nzuá 7:14

Ku bhixila mu kaxi ka fesa-phe, Jezú u banda mu Tembulu, hé u kala mù longa.

Nzuá 7:26

Talesenu! Muène iú zuela muene sé ngó uôma, maji ene-phe kala ku muila ngó kima! Manhi o kuila makota a mu xikana uâ kuma muène Kristu?

Nzuá 7:28

Bhenhobho Jezú, kioso kiala kulonga mu Tembulu, u di kola, uixi: O kuila enu mua ngʼijiia muene kiambote, muejiia ku nga tundu? Ki eme-phe nga di katula, sai ua ngi tumu mukua kidi, enu ki mu mu ijiia.

Nzuá 7:4

Mbata muthu kene kubhanga imbamba mu ku suama, se uandala athu a mu ijiia. Eie se u bhanga imbamba iíi, tukuluka ku mundu, mbé ene oso a ku ijiie.

Nzuá 8:2

Muène kia xikama, u kala mu ku a longa.

Nzuá 8:26

Nga tokala ku mi tanga ni ku mi fundisa mu ima iavulu. Maji o ua ngi tumu-phe mukua kidi; o ioso i ngevu kua muène, iene i ngʼ ambela o mundu.

Jipoxolo 26:26

Kuma eie sobha Ngilipa, imʼ iii ua ijiié, kiene ki nga mu zuelela sé héle. Kuma nga fika kuila imʼiii ki i mu jimbi, mukonda ki ia bhitila ku hota.