Nzuá 17:4 - O Mikanda Ikola

⁴ Eme nga ku jingisa Eie mu ngongo, eme nga zubha o kikalakalu ki ua ngi bhana kubhanga.

Nzuá 17:4 ပူးပေါင်းရင်းမြစ်များ

Luka 22:37

Mukonda ngi mi ambela, kima kiosonekeʼ okio mu Mikanda Ikôla, kia bhingi ki bhita muene, kuma exi: Muène a mu bundu kumoxi ni ingumba. Eme-phe, ngi mi ambela kuma, ima ioso iíi ia bhingi ngi bhita na-iu, mbata iene ioso ia ngi tokala, iòsoneke, ia-nda ku di kumbidila.

Nzuá 12:28

Tata, fumanesa o dijina dié! Kithanganʼ okio ku tunda dízui mu diulu, dixi: Nga di fumanesa kiá, hanji ngi di fumanesa jinga.

Nzuá 14:13

Ioso i mu bhinga kua Tata mu dijina diami, eme ngi i bhanga, mbé Tata nʼ a tambule o fuma kua Mona.

Nzuá 14:31

Maji phala o mundu u ijiie kuma eme nga zola Tata, o kioso kia ngi tumu muène, Eme kiene ki ngi bhanga. Balumukenu, tuie ku kanga!

Nzuá 15:10

Se mu aiuka o ijila iami, mua-ndu xala ue mu henda iami, kala eme ki ngʼ aiuka o ijila ia Tata iami, eme nga xala mu henda iê.

Nzuá 19:28

Kia bhiti kiki, Jezú kuma ua mono ima ioso ia tenena kiá, mu kubhitisa o maka mòsoneke mu Mikanda ia Ngana, uixi: Ngala ni dinhota!

Nzuá 19:30

Jezú kia zubha kutambula o mvindangele, uixi: Kuabhu! Ioso iòtenese kiá! Anga u bheteka o mútue uê, muenhu anga u batuka.

Nzuá 4:34

Jezú ua ambela, uixi: Kúdia kuami, o kubhanga vondadi ia ió ua ngi tumu, ni kuzubha o kikalakalu kiê kia ngi bhana o kubhanga.

Nzuá 5:36

Maji eme sai hanji umbangi u ngala na-u, ua tundu o umbangi ua ngi bhela Nzuá—o ikalakalu i ngi bhanga. Mbata o ikalakalu ia ngi bhana Tata kubhanga, iene ia beta ku ngi bhela umbangi, mukonda iene ia mu lombolola kuila o Tata muene ua ngi tumikisa.

Nzuá 9:3

Kuala Jezú: Muène kala kifofo mukonda dia ituxi iê iate, mba mukonda dia ituxi ia jitata jê; maji muène uala kifofo, nda o kutena kua Nzambi ni ku di londekese mua muène.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

II Timote 4:7

Ngalu ita iambote, dikanga dia ngi xindile nga di zubha, o kuxikana ki nga ku eha.