Nzuá 17:25 - O Mikanda Ikola

²⁵ Tata ua iuka! O mundu ki u kuijiia, eme-phe nga kuijiia; enhá ue a kʼ ijiia kuma eie ua ngi tumu.

Nzuá 17:25 ပူးပေါင်းရင်းမြစ်များ

Izaía 45:21

Kundenu-kiu, Zukamenu, tenu kaiula mudienu, mukuahi ua tenene kuivisa kiki tundé mu xiahulu? Nanhi ua ki ambe tundé ku xiahulu? Abha ki eme-muène Jihova? Ki bhuala ue Nzambi iengi, eme-muène ngó; Nzambi u kala ni muanu ua ku kumbidila, u di-bhanga kibhamuenhu, ka moneka, kale eme ngó.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 16:16

Kuala Ximá Phetele: Eie u Kristu, Monʼa Nzambi ia muenhu.

Luka 10:22

Ima ioso a ngi bhana-iu eme kuala Tata iami. Kana muthu-phe uejiia se Mona mukua-hi; ua muijiia ngó muène Tata. Kana muthu ue uejiia se Tata mukuahi; ua muʼijiia ngó muène Mona, ni ió uoso Mona u sola ku mu tukuluila-nê.

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Nzuá 10:15

Eme-phe o jimbudi ngi ji bhela o muenhu uami bhu kididi.

Nzuá 15:21

Ene a mi bhanga ima ioso iíi mukonda dia dijina diami, mukonda Ió ua ngi tumu, ka mu ijiia.

Nzuá 16:27

Mbata Tata muène ua mi zola, mukonda enu mua ngi zola eme, enu mua ngi xikana kuma eme nga tundu kua Tata.

Nzuá 16:3

A kà bhanga imʼiíi, mukonda Tata ka mu ijiia, eme uami ka ngʼijiia.

Nzuá 16:30

Kiki tua kʼijiia kiá, kuma eie Ngana uejiia ima ioso, ku bhingi muthu u kuibhula. Mukonda dia kiki, tua ku xikana kuma eie ua tundu kua Nzambi.

Nzuá 17:11

Eme ki ngala dingi mu ngongo, iá-phe ala hanji mu ngongo. Eme kindala ngiza ko kuê. Tata Ukôla! A bhake mu dijina dié, oso ua ngi bhana-nâ phala ene a kale umoxi, kala etu ki tuala mu umoxi, nʼeie, nʼeme.

Nzuá 17:18

Kala ki ua ngi tumu Eme mu ngongo, kiene ue ki nga a tumu ene mu ngongo.

Nzuá 17:21

O ene oso nʼ a kale umoxi. Tata iami! Mukuâ ni eie ki uala mo muami, eme ngala mo mué, ene ua a kale mo muetu, oso muene a kala umoxi, o mundu phala u xikane kuma eie ua ngi tumu.

Nzuá 17:23

Eme mua ene, eie mo muami, ene a zubhe ku di bandeka mu umoxi, mbé o mundu ni u xikane kuma Eie ua ngi tumu, kuma ue ua a zola ene, kala ki ua ngi zola eme.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Nzuá 17:8

Mbata eme nga a bhana o maka oso u ua ngi bhele, o ene a ma tambulula, ia a kʼijiia kidi kuma eme nga tundu ko kué. Ene a xikana, kuma eie ua ngi tumu.

Nzuá 3:17

Mukonda Nzambi ka tumikisa Monʼ ê mu ngongo mù kuêlesa o mundu, maji ua mu tumikisa mu ku u bhana muenhu.

Nzuá 6:19

Ene kia zubha kulemala kiá musanzu ua kilómetro jitanu mba jisamanu, a mona Jezú uala kuenda ku thanduʼ a menha, iú uiza ni kuzukama kua ene. Uôma uavulu anga ua a kuata.

Nzuá 7:29

Eme-phe nga mu ijiia, mukonda nga tundu kua muène, muène ua ngi tumu.

Nzuá 8:19

Ene exi: Tatʼ enu uala kuebhi? Jezú uixi: Eme-muène ki mu ngʼijiia, ni Tata iami ue ki mu mu ijiia. Mukonda se mua ngʼijidile eme, mueji kuijiia ue Tata iami.

Nzuá 8:55

Eme-phe nga mu ijiia. Se ngambele kuma ki nga mu ijiia, ngeju kala ngi mukua makutu, kala enu. Eme-phe nga mu ijiia, eme ngʼ aiuka o maka mê.

Jipoxolo 17:23

Kuma kioso ki ngi kala mu kubhita mu mbongeʼ umu ni kutalesa ididi ienu ia kubhezela, nga sange ue ni kalatodio kuosoneke kiki: Iolumbile Nzambi tua kambe ku Muijiia. Uila kiki, Nzambi uoso muala ku mu bheza sé ku mu ijiia, muène nga mu mi tangela-nê.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 3:11

kana-ku muthu uejiia, kana-ku muthu u sota Nzambi.

Loma 3:26

Maji mu kindala kiki muène ua bhakula Kristu phala kulondekeza kuila muène ua lungu. Uila kiki, Nzambi ua lungu, phala a lungise ue athu oso a xikana Jezú.

I Kolindo 1:21

Kuma o Nzambi, mu unjimu uê, ua bhangesa kuila athu a lémbua ku mu ijiia Muène, mu kuijiia kua ene, maji kia mu uabhela kubhulula oso a xikana. O kienhiki, Nzambi ua ki bhangela mu uoua ua maka mê u tuala kutula.

I Kolindo 15:34

Phaphumukenu, mu kuate kilunji ni muenhu uaiuka kala kia fuama, kana dingi kuta ituxi. Kiki nga ki ambela o ku mi kuatesa jisonhi, kuma amoxi-moxi mudienu Nzambi ka mu ijiia.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

II Tesalonika 1:8

Muène uà kèjiia mu tubhia tu bhana milengu, mu ku a bhesa kaxtiku, oso kejiia Nzambi, ni ió nguauâ kutumaka o Njimbu Iambote ia Ngana ietu Jezú Kristu.

Jihebeleu 8:11

Kà kala dingi mu kuila muthu ulonga mukua diembu diê, mba u longesa pange iê, a tungu-nê, uixi: Ejiia Ngana. Kuma ene oso a kà ngʼijiia, tunde ku ndenge katé ku dikota.

I Nzuá 1:9

Maji se tu fisala o ituxi ietu kua Nzambi, muène fiiele, u kumbidila o kizuelu kiê hé u tu bhanga kioso kia fuama: U tu loloka o ituxi ietu, hé u tu ixika o mangonha moso.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Dijingunuinu 16:5

Anga ngʼivua anju ia bhana kutumina o menha, uixi: Eie, Ngana, uenié, eie ua kexile-ku, eie Uaiuka, Ukôla, mukonda dia kiki ki ua batulʼiki!