Nzuá 17:24 - O Mikanda Ikola

²⁴ Tata iami! Nga mesena enhó oso ua ngi bhana-nâ, a kale ni eme koko kuoso ku ngà kala. Nga mesena kuila a mone kijingu kiami ki ua ngi bhana, kuma eie ua ngi zola tunde ʼbhuoso bhaná, mu ngongo kiluua mu kala dimatekenu diê.

Nzuá 17:24 ပူးပေါင်းရင်းမြစ်များ

Dimatekenu 45:13

Mua kà tangela tatʼetu, kijingo kiami kioso ki ngala na-kiu mu Ijitu, ni ima ioso i mua mono; mu bhange lusolo, phala o tatʼetu muize-nê kunu.

Matesu 25:21

Kuala ngana iê: Kiauabha! Diebhe-ku selevende iambote, ia fiiele. Eie ua kexi fiiele mu imbamba iófele, ngi ku zangeleka ku imbamba iavulu. Bokona mu ngalasa ía ngana ié.

Matesu 25:23

Kuala ngana iê; Kiauabha! Selevende iambote ia fiiele. Eie ua kexi fiiele mu imbamba iófele, ngi ku zangeleka ku imbamba iavulu. Bokona mu ngalasa ia ngana ié!

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Matesu 26:29

Ngi mi ambela-phe: Tunde kiki, ku sumu ia muvide ki ngà ka nua-ku dingi, katé ki nga kà i nua ia ubhe, ni enu kiá kumoxi, ku mbanza ia Tata iami.

Luka 12:37

Azediua abhika ió, ki vutuka ngana iâ, u a sanga a tono. Ngi mi ambela kidi, kuma muène u di bhola, u a xikamesa ku meza, hé ua emanena ni ku a xibhidila.

Luka 23:43

Jezú anga u mu ambela, uixi: Kidi ngi kuambela: Lelu muene ua kà kala ni eme ku kididi kiambote mu Palaízu ia Nzambi.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Nzuá 14:3

Se ngai, anga ngi mi iudikila kiá kididi, hádia ngiza, ngi mi tambulula ko kuami; o kuoso ku ngala eme, enu uenu kuene ku muà kala.

Nzuá 15:9

Kala Tata kia ngi zola eme, kiene ue ki nga mi zola enu. Mu kienhiki, Xalenu mu henda iami.

Nzuá 17:2

Mbata o Mona ua mu bhana ungana ua kutumina athu oso, phala oso ua mu bhana-nâ, muène a a bhane o muenhu ki uábhua.

Nzuá 17:22

Nga a bhana o kijingu ki ua ngi bhana eme, ene ni a kale umoxi, kala etu ki tuala umoxi.

Nzuá 17:5

Tata iami! Kiki-phe ngi jingise eie-muène ni kijingu, ki nga kexile na-kiu mʼ okulu ni eie, kuila mu ngongo kiluua mu di bhanga.

Nzuá 6:37

Oso a ngi bhana kuala Tata, a-ndu kuiza ko-kuami. Uoso-phe ueza ko-kuami, eme ki ngi mu texi, lémbua!

Nzuá 6:39

O vondadi-phe ia ió uoso ua ngi tumu, i ngi bhanga, ienhíʼii: Kuila oso muène ua ngi bhana-nâ, ki bhu ngi jimbile umoxi ngó, kikale oso ngʼ a fukununa mu kizuua kia kà suka-ku.

Nzuá 8:58

Kuala Jezú: Kidi kiene, ngi mi ambela: Kioso Mbalahamu kiluua a mu vuala. Eme ngeniami kiá.

I Kolindo 13:12

Ki tualʼ iki tu muena mu lumuenu lua fefetela, maji kithanganʼ okio-phe tua kà mona pholo ni pholo. Kiki ngejiia ngó mbandu, kienhokio-phe nga kèjiia kiambote, uila eme-muène ki a ngʼ ijiia kuala Nzambi.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

II Kolindo 5:8

Tua suina dingi kiengi, kieju tu uabhela kuila tueha kutunga mu mukutu iú, anga tuia mu kutunga ni Ngana.

Filipe 1:23

Ngala-phe bhu kibhidi kia ngi phopheka ku mbandu ni mbandu, mukonda ngala ni vondadi iavulu ia kukatuka kunu, phala kuà kala-mi kiá ni Kristu; kuma ujitu uê u kala kotʼ èlele.

I Tesalonika 4:17

O kia kà zubha o kufukunuka, ni etu tuala ku muenhu, tua xala-ku, tua kà zangumuka kumoxi ni ene ku matuta, phala kutakana ni Ngana mu dimbinza. Kieniokio tuà kaiela-ku kiá kumoxi ni Ngana.

I Phetele 1:21

Muène iú ua mi bhangesa kukala mu axikani a Nzambi, ió ua mu fukununa muène mu madifundu, iú ua mu bhana o ungana. Mu kienʼiki, o kuxikana kuenu, ni kudielela, ku muala na-ku, kua kuatenena kua Nzambi.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

Dijingunuinu 21:22

O mu mbanza muene-phe ki nga mono-mo Tembulu, kuma o Ngana Nzambi, Kutènde, ni Kambudi, ene o Tembulu iê.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.