Nzuá 17:22 - O Mikanda Ikola

²² Nga a bhana o kijingu ki ua ngi bhana eme, ene ni a kale umoxi, kala etu ki tuala umoxi.

Nzuá 17:22 ပူးပေါင်းရင်းမြစ်များ

Marku 6:7

Anga u ixana o kuinhi dia xibulu ni kiiadi, u kuata ku a tuma ku ukunji mu kiiadi-kiiadi, ni ku a bhana o kutena kua ku kaia ni kutumina jinzumbi jaxidi.

Luka 22:30

Phala enu uenu mu-die, mu-nue, ku meza mami mu Utuminu uami, hé mua kà xikama ue ku iandu, phala mu fundise o kuinhi dia miji ni iiadi ia Izalaiele.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 1:16

Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Nzuá 14:20

Kizuua kiókio mua kʼejiia kuma eme ngala mua Tata, enu muala mo muami, eme ngala mo muenu.

Nzuá 17:24

Tata iami! Nga mesena enhó oso ua ngi bhana-nâ, a kale ni eme koko kuoso ku ngà kala. Nga mesena kuila a mone kijingu kiami ki ua ngi bhana, kuma eie ua ngi zola tunde ʼbhuoso bhaná, mu ngongo kiluua mu kala dimatekenu diê.

Jipoxolo 5:41

Ene kieniokio, a tunda bhu pholo ia Kionge kia Jitata ni kusanguluka kuavulu, kuma Nzambi ua a kiti athu a fuama kutambula malebhu mukonda dia dijina didi dia Jezú.

Loma 8:30

Kala kiki, Nzambi oso ua a tungula ukulu, uedi ue ni ku a exana. O oso ua exana, uedi ni ku a lungisa, iú ua a xikina. Muène-phe ka a xikina ngó, maji ua a bhana ue kukala ni mbandu ku fuma iê.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

II Kolindo 5:20

Kala kiki, tua mu zuela bhabha mu dijina dia Kristu, kala muene Nzambi uala ku mi ambela mu makanu etu, kuila: Mu dijina dia Kristu, ehelenu Nzambi a mi bilule mu tunde mu kukala mu jinguma jê, a mi bhange mu makamba mê.

II Kolindo 6:1

Uila kiki, ki tuedi tu akuenu mu kikalakalu kia Nzambi, tua mi bhingi kiki: O kiadi kia Nzambi, ki mua tambula kiá, ki mu ki ehele dingi ku di bota.

Efezo 2:20

Enu muedi kala mu inzo iotunge. Mua tunguiua ku thandu dia disesa dia te o Jipoxolo ni Jipolofeta. O Kristu Jezú muene o ditadi dia dikota dia kuatesa bhu thungi ku inzu ienʼ iii.

Filipe 1:29

Mukonda Nzambi muene ua mi bhana o ujitu ua kubhiẋila Kristu, kana ngó o ku mu xikana, maji ni ku mu talela ue hadi.

Kolose 1:24

Kiki nga sanguluka mu jihadi joso ji ngala ku mi talela enu. Mukonda nga kuata kutala hadi ioso ia ngi xindi ku jingongo ja Kristu ja xedi-ku; ngi ji bhita mu xitu iami, mu kubhangela o mukutu uê-muene, muène, o Ngeleja.

I Nzuá 1:3

O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.

I Nzuá 3:24

Uoso u aiuka o ijila ia Nzambi, ió ua tungu mua Nzambi, o Nzambi ue ua tungu momuʼê. O mukonda dia Nzumbi ia tu bhana Nzambi, bhene bhu tu kʼijidila kuma Nzambi ua tungu moxi dietu.

I Nzuá 4:17

O henda iatenena mo muetu se tuala naiu ia soko, i bhuisa uôma mu Kizuua kia kufundisa. Mukonda kioso ki ala muène Kristu, etu ue kiene ki tuala mu ngongʼumu.

Dijingunuinu 21:14

O mbanza, kimbaka kie kiò tunge ku disèsa dia kuinhi dia ditadi ni kiiadi, o ku matadi anga a soneka-ku o kuinhi dia majina ni kiiadi a jipoxolo ja Kambudi.