Nzuá 17:21 - O Mikanda Ikola

²¹ O ene oso nʼ a kale umoxi. Tata iami! Mukuâ ni eie ki uala mo muami, eme ngala mo mué, ene ua a kale mo muetu, oso muene a kala umoxi, o mundu phala u xikane kuma eie ua ngi tumu.

Nzuá 17:21 ပူးပေါင်းရင်းမြစ်များ

Jelemiia 32:39

Anga ngʼa bhana ene oso muẋima umoxi, ni njila imoxi, nʼa ngi kuatela uoma izuua ioso, phala mbote iâ ene ni mbote ia anʼâ, a-nda ku a bhingana.

Sofoniia 3:9

Kuma kienhokio-phe ifuẋi ioso nga kà i bhana mizumbu ia zele, phala ene oso a tene ku hingila o dijina dia Jihova, phala ene oso a mu bhikile ni muẋima umoxi.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Marku 3:24

Kilombo kia sobha se kia di lungulukila ene mudiá, kilombo kiókio ki ki nange ku di muanga.

Nzuá 10:16

Ngala ue ni jimbudi jamukuá, ki jala mu kibhanga kiki. Jenhiji ki bhinga ngi ji takana. Jene jívua o dízui diami, hé ji kala kilunga kimoxi ni mubidi umoxi.

Nzuá 10:30

Mbata eme ni Tata, etuʼ ene umoxi.

Nzuá 10:38

Maji se iene muene i ngene kubhanga, né kiá ki mu ngi xikana eme, xikanenu kiá ngoho o ikalakalu i ngene mù bhanga, phala mu kʼijiie tunde lelu té ku hádia kuma Tata uene mo-muami, eme ngene mua Tata.

Nzuá 11:42

Eme nga kʼijiia kuma eie uene mù ngʼivua jinga. Maji Eme nga ki zuelela-phe mukonda dia kifuẋi kia ngʼ imanena bhabha, mbé ene ni a xikane kuma eie ua ngi tumu.

Nzuá 13:32

O ki kala o fuma ia Nzambi i tukulukila mua muène, kienhiki o Nzambi ue muène ua-ndu kuidikiza o fuma ia Monʼ a Muthu. Nzambi ua-ndu ki bhanga muene mu kindala muenhumu.

Nzuá 13:35

Kiene kia mʼ ijidila ku athu oso, kuma muala mu jixibulu jami, se mua di zolo mu dienu.

Nzuá 17:11

Eme ki ngala dingi mu ngongo, iá-phe ala hanji mu ngongo. Eme kindala ngiza ko kuê. Tata Ukôla! A bhake mu dijina dié, oso ua ngi bhana-nâ phala ene a kale umoxi, kala etu ki tuala mu umoxi, nʼeie, nʼeme.

Nzuá 17:18

Kala ki ua ngi tumu Eme mu ngongo, kiene ue ki nga a tumu ene mu ngongo.

Nzuá 17:20

Luamukuá, ki nga mu a bhingila ngó ene, suke ni akuá oso a kà ngi xikana mu maka ma ene.

Nzuá 17:25

Tata ua iuka! O mundu ki u kuijiia, eme-phe nga kuijiia; enhá ue a kʼ ijiia kuma eie ua ngi tumu.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Nzuá 17:8

Mbata eme nga a bhana o maka oso u ua ngi bhele, o ene a ma tambulula, ia a kʼijiia kidi kuma eme nga tundu ko kué. Ene a xikana, kuma eie ua ngi tumu.

Nzuá 3:17

Mukonda Nzambi ka tumikisa Monʼ ê mu ngongo mù kuêlesa o mundu, maji ua mu tumikisa mu ku u bhana muenhu.

Nzuá 5:23

mbé oso nʼ a xile Mona, kala kia xila Tata. Uoso ua kambe kuxila o Mona, ni Tata ua mu tumu, ka mu xila.

Jipoxolo 2:46

Izuua ioso a jiza ni muẋima umoxi o kubhongoloka jinga mu Tembulu ni kubukula o mbolo ku bhata, hé a kuata kúdia jinga kumoxi ni kusanguluka ni kubatama muẋima.

Jipoxolo 4:32

Kifuẋi kioso kia iá a xikana anga a kala muenhu umoxi, ni muxima umoxi. Kana-bhu muthu ua tena kuila ku jimbongo jê u jijila-ku kimbamba kuma kiê-muène, maji ene oso a kala ni ima ioso mu kisangela, anga enda ni ku di uanena na-iu ene oso mudiâ.

Loma 12:5

Kiene ue ni etu, suke tua vulu, maji tuala tu mukutu umoxi mua Kristu. Etuʼ oso tuala tu idiandu tua di sokejeka mudietu, suke idiandu ioso ki i sokela, maji mukutu uene umoxi.

I Kolindo 1:10

Nga mi diondo-phe, jiphange, mu dijina dia Ngana ietu Jezú Kristu, kuila mu dʼivua jinga kiambote mu kuzuela, ki mu kale mu kudiuana-uana ku ibuka-ibuka mudienu. Inda mu kala kumoxi kiambote mudienu, mu kala ni kilunji kimoxi, mu fika kiene kimoxi.

I Kolindo 12:12

Kiene kimoxi kala o mukutu ua vula idiandu, o idiandu iene ioso, sumbala iavulu, ia di bhange mukutu umoxi, ni Kristu ue kiene.

I Kolindo 6:17

Maji uoso ua di bande ni Ngana-phe, u kalanê nzumbi imoxi.

Ngalásia 3:28

O mua Jezú Kristu ki muene dingi katungu ka Judé ni iú ki Judé, ki muene mubhika ni fôlo, ki muene diiala ni muhatu; enu oso enuenu amoxi.

Filipe 1:27

Kala kiki, hé kima, o uendelu uenu u kale uendelu ua fuama mu Njimbu Iambote ia Kristu. O ki kala ngi mi sanga koko, mba ngi kamba ku mi sanga, kimuua ngʼivua jinga kioso ki muala kubhita na-kiu, kuma mua kolokota ni muẋima umoxi, muedi ni muenhu umoxi mua suinina kubhangela o kuxikana ku tunda ku Njimbu Iambote.

I Nzuá 1:3

O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.

I Nzuá 5:7

Mbata sai kitatu a bhana umbangi mu diulu: Ni Tata, ni Diambu, ni Nzumbi Ikôla; ene kitatu kiâ a di bhanga Umoxi.