Nzuá 17:12 - O Mikanda Ikola

¹² Kioso ki nga kexile-nâ mu ngongo, nga a bhakele mu kutena kua dijina dié. Nga engi, oso ua ngi bhana-nâ, ki bhu texika muthu, kikale iuná ngó o kilalu kia mona, ua texika-bhu, mu kubhitisa o maka mòsoneke mu Mikanda Ikôla.

Nzuá 17:12 ပူးပေါင်းရင်းမြစ်များ

Jisálamu 41:9

Katé ni kuphatele kuami, kamba dia muẋima, ió muene nga mu dielela jinga kiavulu, mukua kudia ku meza mami, ua ngi te ue o musónde ua ku ngi bhana kibhalu.

Nzuá 13:18

Ki ngi mi tange-phe enu oso, mukonda ngʼejiia oso nga a solo. Mbata kia bhingi-phe o maka mòsoneke mu Mikanda ia Nzambi ma bhita, ma kuila: Ió mukua kúdia ku mbolo iami, kiki ua ngi kitukila.

Nzuá 17:6

Eme nga tukulula o dijina dié ku athu u ua ngi bhana-nâ mu ʼaxaxe ka mundu. Ene a kexile é, eie ua ngi bhana-nâ. Ene a bhake o maka mé;

Nzuá 18:9

(Muène uazuela kiki, mu kubhitisa o maka-mê ma tangele, uixi: Tata iami! Oso u ua ngi bhana-nâ, ki bhu ngi texika muthu.)

Nzuá 6:37

Oso a ngi bhana kuala Tata, a-ndu kuiza ko-kuami. Uoso-phe ueza ko-kuami, eme ki ngi mu texi, lémbua!

Jipoxolo 1:25

phala a tambule kididi mu kukalakala ni etu ku ukunji iú ua upoxolo. Mukonda o Juda kikalakalu ʼiki ua ki tokoka, iu uaii ku kididi kiê kia mu tokala.

Filipe 2:9

Mukonda dia kiki, Nzambi ua mu zangeleka kiavulu, iú ua mu bhana dijina dia tundu o majina moso.

II Tesalonika 2:3

Ki bhu kale muthu u mi nganala kioso-kioso. Mukonda kizuuʼ okio ki kiza luua, kikale ku dianga hanji kubhita o thembu ia athu kubaluka, a balukila Nzambi, o muthu ua Kisueia nʼa kà tukuluke, o monʼ a kibuika ió a mu elesela kuia mu inferno.

Jihebeleu 2:13

O bhua mukuá, uixi: Muène eme nga kà mu dielela. O bhua mukuá dingi, uixi: Talesa, eme-amʼiú ni ana a ngi bhana Nzambi.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

Dijingunuinu 19:12

Mesu mê medi kala mulengu ua túbhia, o ku mútue uê ua zuata itundu iavulu. Sai-phe ni dijina diê dia mu soneka, kana-phe muthu ua dʼijiia, kikale muène ngó.