Nzuá 17:11 - O Mikanda Ikola

¹¹ Eme ki ngala dingi mu ngongo, iá-phe ala hanji mu ngongo. Eme kindala ngiza ko kuê. Tata Ukôla! A bhake mu dijina dié, oso ua ngi bhana-nâ phala ene a kale umoxi, kala etu ki tuala mu umoxi, nʼeie, nʼeme.

Nzuá 17:11 ပူးပေါင်းရင်းမြစ်များ

Jisálamu 79:9

Tu bhandulule, eie u Nzambi ietu ia Kibhamuenhu, mukonda dia fuma ia dijina dié; mu dijina dié tu kudile, o ituxi ietu u i loloke.

Jisabhu 18:10

Dijina dia Jihova mukua ni mbonge ia matala ia di jikidila; muthu uoso ua iuka, kuene kua lengela, anga a mu bhaka kididi kia kondama.

Izaía 27:3

O díbhia didi, eme muene ngi Jihova nga mu di langa. Ngi di tekela mu ithangana, ngiia ni ku dʼinga usuku ni muanha, phala ki bhu kale muthu u di bhanga phulu.

Izaía 64:2

Mukuâ ni muzukuta, o mulengo ua túbhia ki tu kuata ku jihuinhi ja kukuta, anga tu fulujukisa o menha, phala kufumanesa o dijina dié ku jinguma jé, kiene ue ki teketa o ifuẋi ia akua jixi mu ku ku mona!

Jelemiia 14:21

Mukonda dia henda ia dijina dié, kana ku tu di tuna; o kiandu kia ulamba ué, kana ku ki diotela bhoxi; xinganeka, kana ku sangununa o kikutu ki ua ta nʼetu.

Jelemiia 14:7

Kia di kalela kiua kuma o ikuma ietu iene ia tu kundula, Jihova tata, bhanga kima, mu henda ia dijina dié; kuma umbalu uetu ua di sokolola; Eie muene tua ku te muene kituxi.

Izekiiele 20:22

Maji nga sukamesa o lukuaku luami, nga ki bhangela o henda ia dijina diami, phala ki di bonge malebhu bhu mesuʼa akua jixi, a muene kioso ki nga a tundisa.

Izekiiele 20:44

Hé kia kà mʼindukila kiua, kuila emiʼeme ngi Jihova, kioso ki ngi mi tekujula ni henda mukonda dia dijina diami, anga ngi fula o ku mi bhanga kala kia fuama mu jinjila jenu jaiibha, ni ibhangelu ienu ia phulu, eie u dibhata dia Izalaiele, tata! Jihova ua ki tange.

Izekiiele 20:9

O ki nga bhange-phe kiá, nga ki bhangela ngoho o henda i nga kuatela o dijina diami, mbé ka di kasanese bhu mesuʼa akua jixi, mua kexile ene, mu kaxi kâ, a mono kioso ki nga di tukulula kua ene, phala ku a katula mʼoxi ia Ijitu.

Matesu 10:16

Talenu, nga mi tundisa kala mu jimbudi mua di lungu ni jimbinji. Muila-phe ni kudimuka kala mu jinhoka, ni kutobha kala mu mêmbe.

Matesu 5:48

Kikale-phe mu zubha kutenena kala kia tenena Tata ienu uenu mu diulu.

Matesu 6:9

Kienhiki, mu kusamba kuenu, muila kala kiki: Tata ietu uene mu diulu, dijina dié a dixile.

Nzuá 13:1

Kuila kua kambe ngó kizuua kimoxi, kiosuiki o Fesa ia Phasu kiluua i bokona, Jezú kuma uejiia kuila o kumbi diê dia bhixila, dia kutunda mu ngongʼ umu nʼ aie kua Tata, kala kia zola makamba mê mu ngongo, ua a zolo muene katé ku dizubhilu.

Nzuá 13:3

Jezú uejiia kuma Tata ua mu bhana o kutena kuoso bhu maku mê. Uejiia ue kuma muène ua tundu kua Nzambi, o kua Nzambi kuene kiá kua-nda kuia.

Nzuá 14:20

Kizuua kiókio mua kʼejiia kuma eme ngala mua Tata, enu muala mo muami, eme ngala mo muenu.

Nzuá 16:28

Nga tundile kua Tata, eme ngeza mu ngongo. O kiki-phe ngi xa mu ngongo, hé ngiia kua Tata.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Nzuá 17:23

Eme mua ene, eie mo muami, ene a zubhe ku di bandeka mu umoxi, mbé o mundu ni u xikane kuma Eie ua ngi tumu, kuma ue ua a zola ene, kala ki ua ngi zola eme.

Nzuá 17:25

Tata ua iuka! O mundu ki u kuijiia, eme-phe nga kuijiia; enhá ue a kʼ ijiia kuma eie ua ngi tumu.

Nzuá 17:6

Eme nga tukulula o dijina dié ku athu u ua ngi bhana-nâ mu ʼaxaxe ka mundu. Ene a kexile é, eie ua ngi bhana-nâ. Ene a bhake o maka mé;

Nzuá 7:33

Jezú anga u zuela, uixi: Ngala hanji ni enu kathangana kòfele; ki ka bhita, ngiia kua ió ua ngi tumu.

Jipoxolo 3:21

O muène kia bhingi diulu di mu tambula hanji katé bhu thembu ia kubhangulula ima ioso, kala kia tanga Nzambi, mu kanu dia jipolofeta jê jikôla, jeniê tunde ukulu.

Loma 12:5

Kiene ue ni etu, suke tua vulu, maji tuala tu mukutu umoxi mua Kristu. Etuʼ oso tuala tu idiandu tua di sokejeka mudietu, suke idiandu ioso ki i sokela, maji mukutu uene umoxi.

Loma 9:17

Kala kia ki soneka mu Mikanda Ikôla kuma Nzambi ua tangela Falaó, uixi: Kiene ki nga ki bhangela o ku ku zangeleka ku usobha, phala o nguzu iami ni i monekene ko-kué, mbé dijina diami ni di fumane mu ngongo ioso.

I Kolindo 1:10

Nga mi diondo-phe, jiphange, mu dijina dia Ngana ietu Jezú Kristu, kuila mu dʼivua jinga kiambote mu kuzuela, ki mu kale mu kudiuana-uana ku ibuka-ibuka mudienu. Inda mu kala kumoxi kiambote mudienu, mu kala ni kilunji kimoxi, mu fika kiene kimoxi.

Ngalásia 3:28

O mua Jezú Kristu ki muene dingi katungu ka Judé ni iú ki Judé, ki muene mubhika ni fôlo, ki muene diiala ni muhatu; enu oso enuenu amoxi.

Efezo 4:4

Sai-ku mukutu umoxi ngó ni Nzumbi imoxi, ni kima kimoxi kia mi dielelesa enu oso mu ku mʼixana kua Nzambi.

Filipe 2:9

Mukonda dia kiki, Nzambi ua mu zangeleka kiavulu, iú ua mu bhana dijina dia tundu o majina moso.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Jihebeleu 9:24

Kuma Kristu ka bokona mu Kididi-Kikôla kiokalakale ku maku ma athu, ki fikisa ngó mu kidi o Kididi-Kikôla. Maji ua bokona muene ku kidi mu diulu, iú ua tu imanena kindala bhu pholo ia Nzambi mu ku tu diondela.

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.

I Nzuá 3:12

Ki tu sokele ni Kaini ua tokalele kua Diabhu mukua kutondalesa, anga u jibha phangʼiê. Mukonda diahi kia mu jibha? Mukonda o Kaini imbamba iê ia bhangele iaiibha, o ia phangʼiê Abele iaiuka.

I Nzuá 5:19

Tua kʼijiia kuma etu tua tokala Nzambi, maji o mundu uoso-phe ua zeka mua Kadiaphemba ió mukua kutondalesa.

Juda 1:1

Eme Juda, mubhika ua Jezú Kristu, phange ia Tiiaku, nga sonekena ió oso a exana kuata Nzambi, ata mu henda ia Nzambi Tata, ia ata ku a tanga kuata Jezú Kristu.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.

Dijingunuinu 19:12

Mesu mê medi kala mulengu ua túbhia, o ku mútue uê ua zuata itundu iavulu. Sai-phe ni dijina diê dia mu soneka, kana-phe muthu ua dʼijiia, kikale muène ngó.

Dijingunuinu 4:8

Kala kiama ki kala ni mabhabha masamanu ezala mesu ni moxi ni ku kanga. Muanha ni usuku ki iene kunhoha, ia kuata kuila: U kôla, u kôla, u kôla, Ngana Nzambi Muteni-a-ioso, ua kexile-ku, kiki iú-é, hádia muene uà kala-ku!