Nzuá 17:10 - O Mikanda Ikola

¹⁰ Mukonda ioso o iami ié, ioso o ié, iami. Eme o fuma iami ala ku i muena kua ene.

Nzuá 17:10 ပူးပေါင်းရင်းမြစ်များ

Nzuá 10:30

Mbata eme ni Tata, etuʼ ene umoxi.

Nzuá 11:4

Jezú-phe kia kʼivu, uixi: Kukata kuku, ki kukata kua Lázalu kúfua. Kuku kukata kua kufumanesa Nzambi, mbé Monʼ a Nzambi nʼ a tambule-ku fuma.

Nzuá 12:23

Bhenhobho jezú ua kumbulula, uixi: Kumbi dia bhixila dia Monʼa Muthu kutambula o ungana.

Nzuá 5:23

mbé oso nʼ a xile Mona, kala kia xila Tata. Uoso ua kambe kuxila o Mona, ni Tata ua mu tumu, ka mu xila.

Jipoxolo 19:17

Kienʼiki anga a kʼivua kuala athu oso a tungu mu Efezo, ni Jijudé, ni Jingeleku. Anga uôma u a kuata ene oso, o dijina dia Ngana Jezú hé di fumana.

Ngalásia 1:24

Anga a kala mù ximana Nzambi, mukonda diami.

Filipe 1:20

Mukonda eme o kia ngi kate kiavulu, ki ngendi ni kudielela kuami kuoso, o kuila ki ngi lémbue kubhanga kioso kia ngi tokala, kala ki ngene kiá mù bhanga tunde ukulu, kota-kota mu kindala mumu, mbé ngi kale muene ni kubhua o uôma, phala ngi tene kufumanesa Kristu ku mukutu uami, kixi ku muenhu, kixi mu kufua.

Kolose 2:9

Kuma o unzambi uoso ua Nzambi, ua muvimba, ua tunga mua Kristu muène ni mukutu uê ua xitu.

II Tesalonika 1:10

Kiki kiene kia kà bhita bhu Kizuua kiokio, bhuoso bhua kèjiia muène mu kutambula o fuma ku athuʼê angene, ni ujitu ku athu oso ió a mu xikana. Kuma enu mua xikana umbangi u tua bhana mudienu, muanda kua kà kala ue mu ʼaxaxe kâ mu kizuua kieniokio.

II Tesalonika 1:12

Phala mu kienʼiki o dijina dia Ngana ietu Jezú di fumane mudienu, ni enu mua muène, kala kia tokala mu kiadi kia Nzambi ietu, ni kia Ngana Jezú Kristu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.