Nzuá 17:1 - O Mikanda Ikola

¹ Kia zubha kuzuela ima iíi, Jezú u bhetula mesu bhulu, uixi: Tata, kumbi dieza-bhu kiá. Jingisa Monʼ é, o Monʼ é nʼ a ku jingise eie.

Nzuá 17:1 ပူးပေါင်းရင်းမြစ်များ

Jisálamu 123:1

Ko kué ku nga zambula mesu, eie ua tunga ku maúlu!

Izaía 38:14

Kala ki kala o njila iexana grou mba phiáphia, kiene ki nga kexe mu kuẋenja, ngi kuata kukumba mukuâ ni diembe; nga bhetula jinga mesuʼami ni kutala bhulu, katé ala kiá ku ngi suka; Jihova, tata! Nga bhondalala! Kala-phe u ngunji iami!

Marku 14:41

Anga uiza lua katatu, u a mbela, uixi: Hanji mua zeka, muia kilu kienu? Kuabhu kia! Ola ieza-bhu! Talesenu, Monʼa Muthu a mu thelekala bhu maku ma akua ituxi.

Luka 18:13

O mukua kutambula lubhaku-phe, uemana dikanga, ka bhumina kuzambula mesu ku diulu, maji u di bunda bhu thulu, uixi: Nzambi, ngi kuatele henda, eme ngi mukua ituxi.

Luka 22:53

Izuua ioso, eme i nga kexile kumoxi ni enu mu Tembulu, enu ki mu ngi tula maku. Maji o didi, kumbi dienu kiá, ni dia kusuina kua kitombe.

Nzuá 11:4

Jezú-phe kia kʼivu, uixi: Kukata kuku, ki kukata kua Lázalu kúfua. Kuku kukata kua kufumanesa Nzambi, mbé Monʼ a Nzambi nʼ a tambule-ku fuma.

Nzuá 11:41

Anga a katula-ku o ditadi. Jezú anga u bhetula mesu bhulu, uixi: Tata, nga ku sakidila kuma eie ua ngʼ ivu.

Nzuá 12:23

Bhenhobho jezú ua kumbulula, uixi: Kumbi dia bhixila dia Monʼa Muthu kutambula o ungana.

Nzuá 13:1

Kuila kua kambe ngó kizuua kimoxi, kiosuiki o Fesa ia Phasu kiluua i bokona, Jezú kuma uejiia kuila o kumbi diê dia bhixila, dia kutunda mu ngongʼ umu nʼ aie kua Tata, kala kia zola makamba mê mu ngongo, ua a zolo muene katé ku dizubhilu.

Nzuá 16:32

Talesenu-phe, kumbi dia bhixila kiá, dia kuila enu oso mu muangana, kala muthu ku mbandu iê, eme hé mu ngi xa ubheka uami. Maji ki ngala-phe ubheka, mukonda Tata uala ni eme.

Nzuá 7:30

Ene anga a sota ku mu kuata, maji kana muthu ua mu te lúkuaku, mukonda kumbi diê kiluua di bhixila.

Nzuá 7:39

Mu kuzuela kiki, Jezú ua kexi mú tanga o Nzumbi, a-ndu mu tambula kuala oso a mu xikana. Mbata ene o Nzumbi ka mu tambuile luua, mukonda Jezú kiluua a tambula o ungana.

Nzuá 8:20

Jezú ua tange makʼ ama, kioso kia kala mù longa mu Tembulu, bhua lulama ni bhu kididi kia kofidi. Kana muthu-phe ua mu kuata, mukonda kumbi diê kiluua di bhixila.

Jipoxolo 3:13

O Nzambi ia jitata jetu, Nzambi ia Mbalahamu, Nzambi ia Izake, Nzambi ia Jakobo, muène ua fumanesa Monʼê Jezú. Maji enu-phe mua mu bhakuile enʼuenu bhu maku ma atumini, mua ditunine-nê bhu pholo ia Pilatu, kioso Pilatu muène kia mu fundisile kiá, uixi, ngi mu jituna. Enu-phe muixi kana ku mu jituna.

I Phetele 1:21

Muène iú ua mi bhangesa kukala mu axikani a Nzambi, ió ua mu fukununa muène mu madifundu, iú ua mu bhana o ungana. Mu kienʼiki, o kuxikana kuenu, ni kudielela, ku muala na-ku, kua kuatenena kua Nzambi.