Nzuá 16:8 - O Mikanda Ikola

⁸ O Mukuatekexi muène kia-ndu kuiza, u ijidisa mundu ki kala o ituxi, ki kala o kuiuka, ni ki kala o kufundisa kua Nzambi.

Nzuá 16:8 ပူးပေါင်းရင်းမြစ်များ

Ijila 13:12

Bhenhobho-phe, se dibhute dia tomboka mu mukutu uoso, anga kikonda kioso muene ki di minha mu dibhute, tunde ku mútue katé ku inama, kioso kia kiatena nganga o kumona, mu kutongolola kuê,

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Nzuá 16:7

Né-mbé-phe kiene, nga mi ambela kidi: Enu mu beta kubhanduluka se eme ngaii. Mukonda, eme se nga kambe kuia, o Mukuatekexi ió kʼ eza luua ku muala. Maji eme-phe se ngaii, ngi mu tumikisa ko kuenu.

Nzuá 16:9

Ene a juuala mù kuijiia ki kala o ituxi, mukonda a kambe ku ngi xikana eme.

Nzuá 8:46

Mukua-hi mudienu u tena kuidikisa ngó kituxi kiami kimoxi? Se nga mu zuela kidi, mua kambela-hi ku ngi xikana?

Nzuá 8:9

Ene kievu kiki, a kuata kutunda umoxi-umoxi, tunde ku dikota, katé ku ndenge. Jezú anga u xala ubheka uê ni muhatu, hanji kiemana bhu a mu bhakele bhu ʼaxaxe.

Jipoxolo 2:37

Ene-phe ki evu kiki, kia a talakanha ku miẋima, anga ambela Phetele ni jipoxolo jamukuá, exi: Akuetu, etu tu bhanga-phe kiebhi?

I Kolindo 14:24

Maji ene oso-phe se a kala mù tanga o Maka ma Nzambi, anga mu bokona muthu ua kambe kuxikana, mba uala kiximba, uivua ioso i mua mu zuela anga phata i mu bhua, hé u toloka mukonda dia ituxi iê. Kuma ima ioso i evua uanda kudiela.

Juda 1:15

mu kufundisa athu oso. Uà keza mu kuêlesa athu oso abhumu, a kambe kuxikana, mukonda dia imbamba iâ ioso ia kubhukumuka ia bhumina kubhanga, ni malebhu moso akua ituxi abhumu enhâ a ẋonguena jinga na-u Nzambi!