Nzuá 16:32 - O Mikanda Ikola

³² Talesenu-phe, kumbi dia bhixila kiá, dia kuila enu oso mu muangana, kala muthu ku mbandu iê, eme hé mu ngi xa ubheka uami. Maji ki ngala-phe ubheka, mukonda Tata uala ni eme.

Nzuá 16:32 ပူးပေါင်းရင်းမြစ်များ

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Matesu 26:31

Jezú anga u ambela, uixi: Usuku uenhú, enu oso muanda kulenga hé mu ngi xa, kuma mua-nda kujuuala mukonda diami. Mbata a soneka, mu Mikanda ia Ngana, exi: O mubidi ngi mu jibha, jimbudi ja kilunga ji di muanga.

Matesu 26:56

Kiene kiosuʼiki-phe kia bhiti, phala kubhitisa o Maka mòsoneke mu Madivulu ma misèsedi. Bhenhobho jixibulu joso ji mu-xa, ji lenga.

Marku 14:27

Jezú anga u ambela maxibulu mê, uixi: Enuʼenu oso mua-nda kulenga he mu ngi xa; kuma a ki soneka mu Mikanda Ikola, exi: O mubidi ngi mu jibha, o jimbudi ji muangana.

Marku 14:50

Anga maxibulu a mu xa, ene oso, a lengʼâ.

Nzuá 12:23

Bhenhobho jezú ua kumbulula, uixi: Kumbi dia bhixila dia Monʼa Muthu kutambula o ungana.

Nzuá 16:2

Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Nzuá 16:25

Mu kuzubha, jezú u zuela, uixi: Imʼiíi nga mi ambela jinga-iu mu ifika. Kumbi dí diza-phe dia kuila, ki ngi mi zuelela dingi mu ifika, suke ngi mi lomboluela kiambote o maka ma Tata.

Nzuá 16:31

Jezú, uixi: Kiki manhi, mua xikana kiá?

Nzuá 19:27

Anga uambela o xibulu: Tala manhiʼ enu! Tunde kumbi dienhódio, xibulu ió, ua bhongolola manhʼ a Jezú ku bhata diê.

Nzuá 20:10

Jixibulu anga ji tunda-ku, jiia ku bhata.

Nzuá 4:21

Jezú ua mu ambela, uixi: Muhatu ngi xikane. Kumbi dí diza, dia bhingi kuila né ku mulundu kuku, né mu Jeluzaleme, ki muene athu mua bhezela Nzambi.

Nzuá 4:23

Maji dikumbi dí diza-phe, o diene dia bhixila kiá, dia abhezi a kidi ku bheza Tata mu nzumbi ni mu kidi. Kuma Tata muène uandala abhezi a kala kiki, ni a mu bheze.

Nzuá 5:25

Kidi, kidi, ngi mi ambela: Kumbi dí diza, o diene dia bhixila kiá, dia afi kuívua o dízui dia Monʼ a Nzambi. Oso-phe a dʼivua, a phaphumuka hé a laia.

Nzuá 5:28

Mukonda dia kiki, ki mu diuane. Kuma kumbi dí diza, dia oso ala mu jimbila kuívua o dízui diê, ni kutunda-mu.

Nzuá 8:16

Eme se ngi fundisa, o kufundisa kuami kukala kua kidi, mukonda ki ngala ubheka, kuma Tata uoso ua ngi tumu, uala ni eme.

Nzuá 8:29

Uoso ua ngi tumu, uala ni eme. Muène ka ngi xisa kʼ ubheka, mukonda eme ngi bhanga jinga ioso ia mu uabhela muène.

Jipoxolo 21:6

Etu anga tu di longa mu naviiu, ene a vutuka ku mabhata mâ.

Jipoxolo 8:1

Saúlu ue ua ki mono kuuabha, o kujibha Xitevá. Kizuua kieniokio anga a kuata kuzukutisa kiavulu o Ngeleja iala mu Jeluzaleme. O jikidistá ene oso anga a muanganena mu jixi ja Judeia ni Samádia, ku xala ngó o jipoxolo.