Nzuá 16:20 - O Mikanda Ikola

²⁰ Ni kidi kiene, eme ngi mi ambela: Enu mua-ndu dila, mua-ndu kema, o mundu-phe ua-ndu sanguluka. Kidi mua-ndu kala ni malamba, maji o malamba menu-phe, ma-ndu biluka kusanguluka.

Nzuá 16:20 ပူးပေါင်းရင်းမြစ်များ

Jobe 20:5

o kutana kua isuéia ki ku nange, o kusanguluka kua ati-a-ituxi kua kithangana ngoho kiofele?

Jisálamu 30:11

Kudila-phe eie ua ngi katula-ku, mua ngʼiza kukina! ua ngi zula o kidiniaji, eie ua ngi kembesa ni ngalasa.

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Jisálamu 97:11

Mukengeji a u kuua, phala athu aiuka; o kusanguluka phala oso emana mixima nzanza.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Izaía 66:5

Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Jelemiia 31:25

Mukonda o muenhu ua iokojoka nga uʼikutisa, o mienhu ioso iala ni malamba nga i disa í iekuta.

Matesu 21:38

Idimakaji-phe kia mono o mona, a di ambela mudiâ, exi: lú muène kabhinganu! Ndoko, tu mu jibhienu, o undundu uê nda tu mu buê-u!

Matesu 5:4

A zediua adila, mbata Nzambi ua kà a tululula.

Marku 14:72

Kithanganʼokio dikolombolo di kokola lua kaiiadi. Phetele anga u tukumuka o maka a mu ambela Jezú kuila: Dikolombolo bhu dia ka kokuela luiadi, eie ua ngi di tuna lutatu. O kia zubha ku ki banza, kia mu kuata ku muẋima anga u dila.

Marku 16:10

Muene anga uia ku ki tudila io oso a kexile-nê, mukonda ene ala mu malamba ni kudila.

Luka 22:45

O kia balumuka mu kusamba, uiza bhuala o jixibulu, u a sanga aii ku kilu ni mukondo uònene, anga ua ambela, uixi:

Luka 22:62

Bhenhobho Phetele anga u tunda bhu kanga, hé u ẋikujuka ni kudila.

Luka 23:27

Anga ku mu kaiela kifuẋi kiavulu S kia athu. Mu kifuẋi hé mu kala ni ahatu a kuata ku mu dila, ni kubhana jingololo.

Luka 24:17

Jezú muene ua ebhudisa, uixi: Maka mahiʼ ama, u muala kuia ni ku di kunda mu njila? Ene anga emana, a di suuata o jipholo.

Luka 24:21

Etu-phe tua kexi ku dielela tuixi, Muène kiá ua-ndu bhandulula o mundu uetu ua Izalaiele! Euá, ima ioso iíi, lelu tatu kizuua tunde ki ia bhiti.

Luka 6:21

Mua zediua, enu kiki muala ni nzala, mukonda mua-nda kuikuta. Mua zediua, enu kiki mua-lu dila, mukonda mua-nda kuolela.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Nzuá 16:6

Suke mukonda nga mi ambela imʼiíi, miẋima ia mʼizala ni malamba.

Nzuá 20:20

Kia zubha kuzuela kiki, ua edikiza maku-mê, ni mbanji iê. Jixibulu anga a sanguluka, kia mono Ngana.

Jipoxolo 5:41

Ene kieniokio, a tunda bhu pholo ia Kionge kia Jitata ni kusanguluka kuavulu, kuma Nzambi ua a kiti athu a fuama kutambula malebhu mukonda dia dijina didi dia Jezú.

Loma 5:11

O kiokio ngó ki kiene, maji ni kiki tua sanguluka mua Nzambi, mukonda dia Ngana ietu Jezú Kristu, ua tena o ku tu bhanga tu makamba ma Nzambi, kuma kua Muène kuene ku tua luulukila.

II Kolindo 6:10

Sai ni bhabha a tu vunzila malamba, maji etu tua sanguluka jinga. Tuedi kala tu jingadiama, maji athu avulu tuala ku a muesa jimbongo. Tuedi kala ki tu moneka kima, maji ima ioso tua i vu.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

I Tesalonika 1:6

Enu anga mu kala mu afikixi etʼuetu, mu afikixi ue a Ngana. Kuma o maka mua ma tambula ni hadi iavulu, ni ngalasa ioio i tunda kua Nzumbi Ikôla.

Tiiaku 1:2

Enu jiphange jami, kitenu-kiu kuzediua kuoso, se mu bhita ni malamba ma vula o matelu.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,

Dijingunuinu 11:10

Athu a tungu mu ngongo a di bhana jiphèmbele, a kala mu kuolela, mukonda dia kúfua kua mbangi jiiadʼiji. O mu kutana kuâ, a di tumikisa maujitu, mukonda exi polofeta jiiadʼiji ja kexile ku a tatesa kiavulu ene oso a tungu mu ngongo.

Dijingunuinu 18:7

Bhuoso bhua sukile muène ni ku di ximana, ni kuvudisa ukumbu, bhene bhu mu mu sukixila o kubhondalala ni kusebuluka kuê! Kuma uedile ku muẋima uê, uixi: Eme-muène na mvuale, nga xikama ku ungana! Ki ngala ngi mutûdi, ki ngi moneka dingi dilamba!