Nzuá 16:2 - O Mikanda Ikola

² Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Nzuá 16:2 ပူးပေါင်းရင်းမြစ်များ

Izaía 65:5

aia ni ku di ambela mudiâ, exi-phe: Suetuka koko, ku ngi zukame, mukonda eme nga beta kuzela moxi eie ndenge. Enhá a di-bhange dixi mu mazulu mami, edi kala túbhia tua uama kumbi dioso dia kambàmba.

Izaía 66:5

Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Daniiele 11:33

Oso akua kilunji, muʼaxaxi ka kifuẋi a kà longa muene mundu; hanji-phe, a kà laúka ku xibhata, ni ku milengo ia túbhia, ni amoxi a kʼàia ku ubhika, o iá a kà a bhûnda; maji kienhiki kia kà bhita mu kithangana kia tokala.

Matesu 10:28

Ki mu kale ni uôma ua iá a jibha ngó o mukutu, maji o muenhu ka u tena ku u tambula. Inda Nzambi mu kuatedienu uôma, kuma ió uasoko-bho kubuikisa ni muenhu ni mukutu mu ifernu.

Matesu 24:9

Kienhókio, a kà mi bhakula mu ku mi talesa hadi, ni ku mi èlesa, ni ku mi jibha. A kà mi zemba kuala akua jixi joso mukonda dia dijina diami.

Luka 6:22

Mua zediua, athu se a mi zembe, a mi katula mu ukamba uâ, a mi lebhula, a mi texi dijina dienu kuma exi mu athu aiibha, mukonda dia Monʼa Muthu.

Nzuá 12:42

Katé-phe ni mu makota a Jijudé amukuá a mu xikana uâ. Maji mukonda-phe dia uôma ua jifalizeu, ka di tange, kuma a lengesa ku a tubhula ni ku a kaiesa mu dilombe.

Nzuá 16:25

Mu kuzubha, jezú u zuela, uixi: Imʼiíi nga mi ambela jinga-iu mu ifika. Kumbi dí diza-phe dia kuila, ki ngi mi zuelela dingi mu ifika, suke ngi mi lomboluela kiambote o maka ma Tata.

Nzuá 16:32

Talesenu-phe, kumbi dia bhixila kiá, dia kuila enu oso mu muangana, kala muthu ku mbandu iê, eme hé mu ngi xa ubheka uami. Maji ki ngala-phe ubheka, mukonda Tata uala ni eme.

Nzuá 4:21

Jezú ua mu ambela, uixi: Muhatu ngi xikane. Kumbi dí diza, dia bhingi kuila né ku mulundu kuku, né mu Jeluzaleme, ki muene athu mua bhezela Nzambi.

Nzuá 4:23

Maji dikumbi dí diza-phe, o diene dia bhixila kiá, dia abhezi a kidi ku bheza Tata mu nzumbi ni mu kidi. Kuma Tata muène uandala abhezi a kala kiki, ni a mu bheze.

Nzuá 9:22

Tatʼâ ni mamʼâ a zuela kiki, mukonda dia uôma ua Jijudé. Kuma Jijudé ja tele kiá kikutu kuila, uoso u fisala kuma Jezú muène Kristu, mʼonzo ia kusambela Nzambi, a mu kaiesa-mu.

Nzuá 9:34

Ene a mu vutuila, exi: Eie u muthu a ku vualela mu nzungule ia ituxi, ua-nda ku tu longa etu? Mu dilombe anga a mu kaiesa-mu.

Jipoxolo 5:33

Adiakime-phe bhu Kionge, ki evu kiki, kia a talakanha. A thathamana kiavulu, anga a kala mu ku a kanena ku a jibha kiá.

Jipoxolo 7:56

Bhenhobho uixi: Talesenu! Nga mono diulu dia jikuka, ni Monʼ a Muthu uemana ku madilu ma Nzambi!

I Kolindo 4:13

Ela a tu lebhula, etu mu kuvutula tu dionda. Katé bhu tuezʼ abha tua kituka tu dixidilu dia mundu, tu makolôlo a ima ioso mu ngongʼ umu.

Filipe 3:6

O mu muanu ua kualuka o Kitumu, nga kexile ngi muzukutixi a Ngeleja. O mu kuibhula o kulunga kua kulungila mu kukumbidila o Kitumu, eme ki ngi ki tondala ni kima.

Dijingunuinu 6:9

Bhenhobho Kambudi anga u jikula o kidimbu kia katanu. Nga mono moxi dia kalatodio o mienhu ia ió oso a a jibhile mukonda dia kutudila athu o maka ma Nzambi, ni mukonda dia kukala jifiiele mu umbangi uâ ua bhele.

Afundixi 6:30

Akua bhata bhenhobho anga ambela Jouaji, exi: Monʼé mu tubhule bhu kanga, phala afue, mukonda muene ua bulu kalatódio ka Baale, iú ua koka muxitu ua kexile bhu mbandu ié.