Nzuá 16:16 - O Mikanda Ikola

¹⁶ Jezú anga uila, uixi: Kua kambe ngó kathangana kòfele, enu ki mu ngi mono dingi. Maji o kathangana kenhaka ki ka-ndu zubha o kubhita, mu ngi mona dingi luamukuá.

Nzuá 16:16 ပူးပေါင်းရင်းမြစ်များ

Marku 16:19

Kiki Ngana Jezú kia zubha kuzuela-nâ, a mu tambula ku diulu, iú ua xikama ku madilu ma Nzambi.

Nzuá 12:35

Jezú ua ambela, uixi: Kithangana Kiofele kiki, hanji muala ni mukengeji, mu ʼaxaxe kenu. Endenu kiá kioso ki muala ni mukengeji; mienhu ienu i lunge muenhomo, phala o usuku ki u mi kuate. Kuma uoso uenda mʼ usuku, kejiia kuoso ku a lunga.

Nzuá 13:3

Jezú uejiia kuma Tata ua mu bhana o kutena kuoso bhu maku mê. Uejiia ue kuma muène ua tundu kua Nzambi, o kua Nzambi kuene kiá kua-nda kuia.

Nzuá 13:33

Enu tuana tuami, ki nga-ndu kala dingi ni enu kithangana kiavulu. Enu mua-ndu ngi sota, maji kindala ngi mi tangela, kala-phe ki nga tangela kiá Jijudé, ngixi: Enu ki mu tena kuiza kuoso ku ngiia, kiene ue ku nga mi tangela enu.

Nzuá 16:10

A tondala mù kuijiia ki kala o kuiuka, mukonda eme ngiia kua Tata, enu ue ki mu ngi mono dingi.

Nzuá 16:22

Kiene kimoxi ni enu, kindala muala hanji ni malamba. Maji hinu-phe ngi mi mona dingi. Kienhókio miẋima ienu ia kà kala mu kutana, o kutana kuenu kana muthu utena ku mi katula-ku.

Nzuá 16:28

Nga tundile kua Tata, eme ngeza mu ngongo. O kiki-phe ngi xa mu ngongo, hé ngiia kua Tata.

Nzuá 16:5

Maji o kiki-phe nga muia kua Ió ua ngi tumu. Kaxi kana muthu-phe mudienu ua ngʼ ibhudisa, eie Ngana, ua-luia kuebhi?

Nzuá 17:13

Kiki-phe ngiza kiá ko kué. Maji imʼiíi-phe nga i zuelela mu ngongo phala o ngalasa iami ni i tenene moxi dia miẋima iâ.

Nzuá 17:5

Tata iami! Kiki-phe ngi jingise eie-muène ni kijingu, ki nga kexile na-kiu mʼ okulu ni eie, kuila mu ngongo kiluua mu di bhanga.

Nzuá 7:33

Jezú anga u zuela, uixi: Ngala hanji ni enu kathangana kòfele; ki ka bhita, ngiia kua ió ua ngi tumu.

Jipoxolo 1:3

Kuma kia zubhile kubhita ni phaxi ia kúfua kuê, Jezú ua di tukulula ni muenhu kua ene, ni ijidisu iavulu i zubha o jiphata, kuila uala muene ku muenhu. Kuma o Jipoxolo, Jezú ua a monekena jinga mu makuinhi auana a izuua, anga u kuata ku a zuelela o ima ia tokala ku Utuminu ua Nzambi.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.