Nzuá 16:10 - O Mikanda Ikola

¹⁰ A tondala mù kuijiia ki kala o kuiuka, mukonda eme ngiia kua Tata, enu ue ki mu ngi mono dingi.

Nzuá 16:10 ပူးပေါင်းရင်းမြစ်များ

Izaía 42:21

Jihova ua mu zolela ngó mukonda dia henda ia kuiuka kuê; ua mu jingisila ku kitumu, iú ua mu fumanesa.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Nzuá 16:28

Nga tundile kua Tata, eme ngeza mu ngongo. O kiki-phe ngi xa mu ngongo, hé ngiia kua Tata.

Nzuá 16:5

Maji o kiki-phe nga muia kua Ió ua ngi tumu. Kaxi kana muthu-phe mudienu ua ngʼ ibhudisa, eie Ngana, ua-luia kuebhi?

Nzuá 3:14

Mukuâ ni kia zangula Mozé o nhoka ia ngòndo mu ixi ia isekele, anga u i nhenga ku muxi, ni Monʼ a Muthu kiene ue kia bhingi o ku mu zangula,

Nzuá 5:32

Maji sai uengi u ngi bhela umbangi; ngejiia kuma umbangi ua ngi bhela ua kidi.

Nzuá 7:33

Jezú anga u zuela, uixi: Ngala hanji ni enu kathangana kòfele; ki ka bhita, ngiia kua ió ua ngi tumu.

Jipoxolo 17:31

Mukonda ua xindi kiá kizuua kia kufundisa mundu uoso mu kidi, kua muthu uê ua mu tungula. Nzambi-iú ua tumu ku kʼ ijidisa kua ene oso mu ku mu fukununa ku ʼalunga.

Jipoxolo 2:32

Jezú muenʼ iú, Nzambi ua mu fukununa, etu oso tu jimbangi jê.

Jipoxolo 3:14

Enu-phe, Muthu ió Uaiuka, Ukôla, mua mu ditunine! Mua solo a mi jituina kijibha-nganga!

Jipoxolo 7:52

Polofeta kuẋi jitata jenu ja kambele ku mu zukutisa? Ene a jibha jinga o akunji a Nzambi, ió oso a tuamene kuidikiza mʼ ukulu kianda kuiza o Muthu Uaiuka. O Muène kiki enu mua mu bhakula, enu mua mu jibha; mu ijibhanganga iê.

Loma 1:17

Kuma o Njimbu Iambote iene ia tu idikisa kioso Nzambi kia tu xikina, etu tua lungila mu kuxikana; kuma mu kuxikana ngó mu tu lungila. Kala kia ki soneka mu Mikanda Ikôla exi: Uoso a mu xikina kua Nzambi mu kuxikana, ió u laia.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Ngalásia 5:5

Kuma etu, tuala ni kudielela kuila hadia Nzambi ua kà tu xikina. Mukonda kienʼ iki kiene ki tua kinga mu kutena kua Nzumbi ia Nzambi, ió u tena o kukalakela mu kuxikana kuetu.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.